ଓ୍ବାଶିଂଟନ,୧୫।୧୧: ଆମେରିକା ରାଜରାସ୍ତାକୁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ସମର୍ଥକ ଓହ୍ଲାଇଛନ୍ତି। ସେମାନେ ନିର୍ବାଚନ ଫଳାଫଳକୁ ମାନିବାକୁ ଅରାଜି ହୋଇ ପୋଲିସ ସହିତ ଧସ୍ତାଧସ୍ତି ହୋଇଛନ୍ତି। ସମର୍ଥକମାନେ ଓ୍ବାଶିଂଟନ ଡିସିରେ ନାନା ପ୍ରକାର ସ୍ଲୋଗାନ ଦେଇ ଟ୍ରମ୍ପ୍ଙ୍କୁ ପଦବୀରେ ରହିବା ଲାଗି ଦାବି କରିଛନ୍ତି। ପେନସିଲ୍ଭାନିଆ, ନଓ୍ବୋଡା ଅଞ୍ଚଳରେ ଭୋଟ ଗଣତିରେ ଭୁଲ୍ ହୋଇଥିବା ସମର୍ଥକମାନେ ଅଭିଯୋଗ କରିଛନ୍ତି। କେତେକସ୍ଥାନରେ ମୃତକଙ୍କ ନାମରେ ମଧ୍ୟ ଭୋଟିଂ ହୋଇଥିବା ସେମାନେ କହିଛନ୍ତି। ଭୋଟ ଗଣତି ପୁନର୍ବାର କରିବା ଲାଗି ସମର୍ଥକମାନେ ଦାବି କରିଛନ୍ତି। ପୂର୍ବରୁ ଟ୍ରମ୍ପ୍ ମଧ୍ୟ ହ୍ବାଇଟ୍ ହାଉସ୍ ନ ଛାଡ଼ିବା ପାଇଁ କହିଥିଲେ। ଏବେ ସମର୍ଥକମାନଙ୍କ ଏଭଳି କାର୍ଯ୍ୟ ଦେଶରେ ସଙ୍କଟ ସୃଷ୍ଟି କରିଛି। ଟ୍ରମ୍ପ୍ କେତେକ ବରିଷ୍ଠ ଅଧିକାରୀଙ୍କୁ ଇତି ମଧ୍ୟରେ ବାହାର କରିସାରିଛନ୍ତି। ଏପରି କରି ଟ୍ରମ୍ପ୍ ଦେଶରେ କ୍ଷମତା ଦଖଲର ଷଡ଼ଯନ୍ତ୍ର ରଚୁଥିବା ଅଭିଯୋଗ ହେଉଛି।
