ଓ୍ବାଶିଂଟନ,୨ା୭: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ ବଡ଼ ଆକ୍ସନ ନେବାକୁ ଯାଉଛନ୍ତି। ଟ୍ରମ୍ପ କିଛି ଆମେରିକୀୟ ନାଗରିକଙ୍କୁ ଦେଶରୁ ବହିଷ୍କାର କରିବାକୁ ସମର୍ଥନ କରି ଏକ ବଡ଼ ବୟାନ ଦେଇଛନ୍ତି। ଟ୍ରମ୍ପ କହିଛନ୍ତି, ଯେଉଁମାନେ ‘ବେସବଲ ବ୍ୟାଟ୍ରେ କାହାକୁ ଆଘାତ କରିବା’ ଭଳି ଗମ୍ଭୀର ଅପରାଧ କରିଛନ୍ତି, ସେମାନଙ୍କୁ ଆମେରିକାରୁ ବାହାର କରାଯିବା ଉଚିତ୍। ଯଦିଓ ସେମାନେ ଏଠାରେ ଜନ୍ମଗ୍ରହଣ କରିଛନ୍ତି।
ଫ୍ଲୋରିଡ଼ାର ଏକ ପ୍ରବାସୀ ଅଟକ କେନ୍ଦ୍ର ପରିଦର୍ଶନ ସମୟରେ ଟ୍ରମ୍ପ କହିଛନ୍ତି, ଏହି ଲୋକମାନେ ଆମ ଦେଶରେ ନୂଆ ନୁହନ୍ତି। ସେମାନେ ଏଠାରୁ ଆସିଛନ୍ତି। ସେମାନଙ୍କ ମଧ୍ୟରୁ ଅନେକ ଏଠାରେ ଜନ୍ମଗ୍ରହଣ କରିଛନ୍ତି। ଟ୍ରମ୍ପ ସ୍ପଷ୍ଟ କରିଛନ୍ତି, ସେ ଗମ୍ଭୀର ଅପରାଧ କରୁଥିବା ନାଗରିକମାନଙ୍କୁ ମଧ୍ୟ ଦେଶରୁ ବାହାର କରିବାକୁ ଚାହୁଁଛନ୍ତି। ସେ ଏହାକୁ ତାଙ୍କ ପରବର୍ତ୍ତୀ ସରକାରଙ୍କ ଲକ୍ଷ୍ୟ ଭାବରେ ବର୍ଣ୍ଣନା କରିଛନ୍ତି।
ତଥାପି ଆମେରିକାର ଆଇନ ଅନୁଯାୟୀ, ଜନ୍ମଗତ ନାଗରିକତା ଥିବା ବ୍ୟକ୍ତିଙ୍କୁ ଦେଶରୁ ବାହାର କରାଯାଇପାରିବ ନାହିଁ, ଯଦି ନା ନାଗରିକତା ଜାଲିଆତି ଦ୍ୱାରା ପ୍ରାପ୍ତ ହୋଇ ନ ଥାଏ। ଟ୍ରମ୍ପଙ୍କ ଏହି ବୟାନକୁ ମାନବାଧିକାର ସଂଗଠନ ଏବଂ ଅନେକ ଆଇନ ବିଶେଷଜ୍ଞ ସମାଲୋଚନା କରିଛନ୍ତି।
