ଓଡ଼ଗାଁ,୧୨ା୧(ସ୍ବ.ପ୍ର.): ଗୁରୁବାର ଭୋର୍ରୁ ସ୍ଥାନୀୟ ବନ ବିଭାଗ ରାତ୍ରି ପାଟ୍ରୋଲିଂରୁ ଫେରୁଥିବା ବେଳେ ବାଉଁଶଗାଡ଼ିଆ ନିକଟରୁ ଏକ ଶାଗୁଆନ ବୋଝେଇ ମିନିଟ୍ରକ ଜବତ କରିଛି। ବନ କର୍ମଚାରୀ ସନ୍ଦେହଜନକ ଭାବେ ଅତିକ୍ରମ କରୁଥିବା ଓଆର୍ ୨୫ ଏମ୍ ୨୬୬୨ ନମ୍ବର ବିଶିଷ୍ଟ ଏକ ମିନିଟ୍ରକ୍କୁ ଅଟକାଇବାରେ ସଫଳ ହୋଇଥିଲେ। ଏଥିରେ ୨୫ ଖଣ୍ଡ ଶାଗୁଆନ ଗଣ୍ଡି ଜବତ କରିଥିବା ବେଳେ ଭାଡ଼ିକିଳା ଗ୍ରାମର ୨ ଜଣଙ୍କୁ ଗିରଫ କରିଛନ୍ତି। ଗିରଫ ଦୁଇଜଣ ହେଲେ ଜୟକୃଷ୍ଣ ନାୟକ (୪୨)ଓ ରମେଶ ଚନ୍ଦ୍ର ଭଟ୍ଟ (୪୮)। ଉଭୟ ଅଭିଯୁକ୍ତଙ୍କ ବିରୋଧରେ ଏକ ମୋକଦ୍ଦମା ରୁଜୁ ହେବା ସହିତ କୋର୍ଟ ଚାଲାଣ କରାଯାଇଛି। ଜବତ କାଠର ଆନୁମାନିକ ମୂଲ୍ୟ ୧ ଲକ୍ଷରୁ ଦେଢ଼ ଲକ୍ଷ ଟଙ୍କା ହେବ ବୋଲି ରେଞ୍ଜର ଆଶିଷ କୁମାର କଅଁର ସୂଚନା ଦେଇଛନ୍ତି। ଚଢ଼ାଉରେ ରେଞ୍ଜରଙ୍କ ସହିତ ବନପାଳ ସନ୍ଧ୍ୟାରାଣୀ ନାୟକ, ବନରକ୍ଷୀ ସୌମ୍ୟରଞ୍ଜନ ଓ ବନ ସୁରକ୍ଷା ଫୋର୍ସ ସାମିଲ ଥିଲେ।
