ଭୁବନେଶ୍ୱର,୨୪ା୫: ରାଜଧାନୀରେ ପୁଣି ହିଟ୍ ଆଣ୍ଡ୍ ରନ୍। ଅଟୋକୁ ଘୋଷାଡ଼ି ନେଲା ଟ୍ରକ୍। କଟକ-ପୁରୀ ବାଇପାସ୍ ରୋଡ୍ ପାଣ୍ଡରା ଛକରେ ଏଡଇ ଦୁର୍ଘଟଣା ଘଟିଛି। ଏନଏଚ୍ରେ ୫୦ରୁ ୬୦ ମିଟର ଯାଏ ଅଟୋକୁ ଘୋଷାଡ଼ି ନେଲା ଟ୍ରକ୍। ଫଳରେ ଭାରସାମ୍ୟ ହରାଇ ଅଟୋ ତଳକୁ ଖସି ଏକ ଦୋକାନ ଭିତରକୁ ପଶିଗଲା। ଅଟୋରେ ଥିବା ଯାତ୍ରୀ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଛନ୍ତି। ଫେରାର ହେବା ବେଳେ ଟ୍ରକ୍ ଜଣେ ବାଇକ ଆରୋହୀଙ୍କୁ ବି ଧକ୍କା ଦେଇଛି। ଲୋକେ ଗୋଡ଼ାଇ ଗୋଡ଼ାଇ ବେପରୁଆ ଟ୍ରକ୍ ଡ୍ରାଇଭରଙ୍କୁ ଧରି ନିର୍ଧୂମ ପିଟିଛନ୍ତି।