କର୍ଲାମୁଣ୍ଡା,୯ା୮(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ଜୋରାଡବରା ରାଜୀବଗାନ୍ଧୀ ଭବନଠାରେ ଜୋରାଡବରା ପଞ୍ଚାୟତ କନ୍ଧ ସମାଜ ପକ୍ଷରୁ ବିଶ୍ୱ ଆଦିବାସୀ ଦିବସ ରବିବାର ପାଳିତ ହୋଇଯାଇଛି। ଶତାଧିକ କର୍ମକର୍ତ୍ତା ଏକ ଶୋଭାଯାତ୍ରାରେ ବାହାରି ଜୋରାଡବରା ଧରଣୀ ପୀଠରେ ପୂଜାର୍ଚ୍ଚନା କରିବା ପରେ ଏକ ସଭା କାର୍ଯ୍ୟ ଆରମ୍ଭ ହୋଇଥିଲା। ଏଥିରେ ପଞ୍ଚାୟତ କନ୍ଧ ସମାଜ ସଭାପତି ସମରେନ୍ଦ୍ର ସିଂ ମାଝୀ ସଭାପତିତ୍ୱ କରିଥିବା ବେଳେ ଯୋରାଡବରା ଗ୍ରାମର ଯାଦୁଦାସ ଭୋଇ ଓ ହୀରାଲାଲ ମାଝୀ, କାର୍ଣିଖୁଣ୍ଟି ଗ୍ରାମର ସୁବାସ ମାଝୀ ଓ ଦୁର୍ଯ୍ୟୋଧନ ଭୋଇ, କୁଶୁର୍ଲା ଗ୍ରାମର ଚତୁର୍ଭୁଜ ଜାନୀ ଓ ଭାସ୍କର ଜାନୀ, ଟେର୍ଚାପଲା ଗ୍ରାମର ମାନ୍ଧାତା ମାଝୀ ଓ ଗିରିଶ ଭୋଇ, ଅଙ୍ଗଦପଡ଼ାର ବବୃ ବାହାନ ମାଝୀ ଓ ଦାମୋଦର ମାଝୀ, ସିଲେଟ ପଡ଼ା ଗାଁର ତୁଳସୀ ରାମ ଭୋଇ ଓ ଶଶିଭୂଷଣ ଜାନୀ ତଥା ଯୁବ ସଙ୍ଗଠକ ତରୁଣ ଜାନୀଙ୍କ ସମେତ ଅନ୍ୟାନ୍ୟ ଗ୍ରାମ କମିଟିର କର୍ମକର୍ତ୍ତା ଯୋଗଦେଇ ଆଦିବାସୀ ଦିବସ ପାଳନର ଲକ୍ଷ୍ୟ ଉଦେଶ୍ୟ ତଥା ଆଦିବାସୀଙ୍କ ହକ୍ ଓ ଅଧିକାର ଉପରେ ଆଲୋଚନା କରିବା ସହ ନିଶା ନିବାରଣ, କୁସଂସ୍କାରକୁ ଦୂର କରିବା ପାଇଁ ସମସ୍ତେ ଏକଜୁଟ୍ ହୋଇଥିଲେ।