ଭୁବନେଶ୍ୱର,୧୪।୮(ଅନୁରାଧା ମହାରଣା): ସାମାଜିକ ଅନୁଷ୍ଠାନ ବନ୍ଦେ ମାତରମ୍ ପକ୍ଷରୁ ସୋମବାର ‘ତ୍ରିରଙ୍ଗା ଦାନ’ ଶୀର୍ଷକ ପ୍ରଥପାନ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ଗାନ୍ଧୀମାର୍ଗରେ ଆୟୋଜିତ ଏହି କାର୍ଯ୍ୟକ୍ରମରେ ପ୍ରାୟ ୧୭ ଜଣ ସଦସ୍ୟ ଯୋଗଦାନ କରି କଳାପ୍ରଦର୍ଶନ କରିଥିଲେ। ସମସ୍ତ ସଦସ୍ୟ ତ୍ରିରଙ୍ଗା ରଙ୍ଗରେ ଶରୀରକୁ ରଙ୍ଗାୟିତ କରିବା ସହ ତ୍ରିରଙ୍ଗା ବଣ୍ଟନ କରିଥିଲେ। ପ୍ରତି ଭାରତୀୟ ଦେଶର ସ୍ବାଧୀନତା ଦିବସ ଅବସରରେ ଗର୍ବ ଅନୁଭବ କରିବା କରିବା ସହ ତ୍ରିରଙ୍ଗା ଉଡ଼ାଇବା ପାଇଁ ଆହ୍ବାନ ଦିଆଯାଇଥିଲା। ଏହା ସହ ଅନ୍ୟମାନଙ୍କୁ ଅନ୍ତତଃ ଗୋଟିଏ ତ୍ରିରଙ୍ଗା ଦାନ କରିବାକୁ ଉସତ୍ାହିତ କରାଯାଇଥିଲା। ତେବେ ଚଳିତ ବର୍ଷ ଅନୁଷ୍ଠାନ ପକ୍ଷରୁ ୫୦୦ରୁ ଅଧିକ ତ୍ରିରଙ୍ଗା ବଣ୍ଟନ କରାଯାଇଛି। ପ୍ରାୟ ୨୪ ବର୍ଷ ଦରି ବନ୍ଦେ ମାତରମ୍ ପକ୍ଷରୁ ସ୍ବାଧୀନତା ଦିବସ ଅବସରରେ ଦେଶାମତ୍ବୋଧ କାର୍ଯ୍ୟକ୍ରମର ଆୟୋଜନ କରାଯାଇଆସୁଛି। ପଥପ୍ରାନ୍ତ ନାଟକ ମାଧ୍ୟମରେ ଲୋକଙ୍କ ମନରେ ଦେଶପ୍ରୀତି ଜାଗ୍ରତ ପାଇଁ ପ୍ରୟାସ କରାଯାଉଥିବା ଅଂଶଗ୍ରହଣକାରୀମାନେ ମତ ପ୍ରକାଶ କରିଛନ୍ତି।
