କେସିଙ୍ଗା,୧୦।୬(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ବର୍ହିବିଭାଗ ସମ୍ମୁଖରେ ପଡ଼ିଗଲା ବିରାଟକାୟ ଗଛ । ଅଳ୍ପକେ ଦୁର୍ଘଟଣା ବର୍ତ୍ତିଯାଇଛି କହିଲେ ଅତ୍ୟୁକ୍ତି ହେବ ନାହିଁ । ବହୁ ପୁରୁଣା ବିରାଟକାୟ ପିପଲ୍ ଗଛର ଅଧାଭାଗ ବୁଧବାର ଅପରାହ୍ନ ପ୍ରାୟ ସାଢେ ତିନିଟା ସମୟରେ ଅଚାନକ ଭାଙ୍ଗି ହସ୍ପିଟାଲ ସମ୍ମୁଖରେ ପଡ଼ି ଯାଇଥିଲା। କିନ୍ତୁ ଭଗବାନଙ୍କ କୃପାରୁ କୌଣସି ରୋଗୀଙ୍କ କିଛି ବି କ୍ଷତି ହୋଇ ନାହିଁ ।
ଯାହାବି ହେଉ ଗଛଭାଙ୍ଗିବା ସମୟରେ ବାହାରେ କୌଣସି ରୋଗୀଙ୍କ କିମ୍ବା ସମ୍ପର୍କୀୟ କେହି ନ ଥିଲେ । ନହେଲେ ଅନେକ ଧନଜୀବନ କ୍ଷୟକ୍ଷତି ହୋଇଥାନ୍ତା। ଅଳ୍ପକେ ବଞ୍ଚିଗଲେ ରୋଗୀ ଓ ତାଙ୍କ ସମ୍ପର୍କୀୟ । କାହାକୁ କିଛି ହୋଇନଥିଲେ ମଧ୍ୟ ବାହିର୍ବିଭାଗ କୋଠା ଉପରେ ପଡ଼ିବାରୁ କୋଠାର ଅନେକ କ୍ଷୟକ୍ଷତି ହୋଇଥିବା ଜଣାପଡିଛି । କେସିଙ୍ଗା ଗୋଷ୍ଠୀ କେନ୍ଦ୍ରର ଅଧିକ୍ଷକ ଡ଼ା . ରବୀନ୍ଦ୍ର ନାଥ ଖଟୁଆ ସଙ୍ଗେ ସଙ୍ଗେ କେସିଙ୍ଗା ଦମକଳ ବାହିନୀକୁ ଖବର ଦେବା ପରେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଥିଲେ ଏବଂ ଗଛ କାଟି ବର୍ହିବିଭାଗକୁ ଯିବା ପାଇଁ ରାସ୍ତା ଅବରୋଧ ହଟାଇ ଥିଲେ। ଯାହାଫଳରେ କୌଣସି ରୋଗୀ କିମ୍ବା ମେଡ଼ିକାଲ କର୍ମଚାରୀଙ୍କ କ୍ଷୟ କ୍ଷତି ହୋଇ ନ ଥିବାର ଜଣା ପଡ଼ିଛି ।