ଝରିଗାଁ,୨୫।୯(କିଶୋର ଚନ୍ଦ୍ର ମଣ୍ଡଳ): ଝରିଗାଁ ବ୍ଲକ୍ ତେଲକନାଡି ଗ୍ରାମର ସୁବାସ ଭତ୍ରା (୫୫) ଭାସ୍କେଲ ନଦୀ ପୋଲ ଉପରେ ଠିଆ ହୋଇଥିବାବେବେଳେ ଗୋଡ଼ ଖସିଯିବାରୁ ତଳକୁ ପଡ଼ିଯାଇଥିଲେ। ପ୍ରଖର ସ୍ରୋତରେ ପ୍ରାୟ ଅଧ କିଲୋମିଟର ଦୂର ଭାସିଯାଇ ଏକ ଗଛର ଡାଳକୁ ଧରି ରହିଥିଲେ। ଏହି ଖବର ପ୍ରଚାରହେବା ପରେ ସେଠାରେ ଝରିଗାଁ ବିଧାୟକ ନରସିଂ ଭତ୍ରା, ବିଡିଓ ମଧୁସୂଦନ ମାଝୀ, ତହସିଲଦାର ସୁମନ୍ତ କୁମର ପାତ୍ରଙ୍କ ସହ ଉମରକୋଟରୁ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ଥିଲେ। ଏହାପରେ ଅଗ୍ନିଶମ କର୍ମଚାରୀଙ୍କ ପ୍ରଚେଷ୍ଟାରେ ସୁବାସଙ୍କୁ ଉଦ୍ଧାର କରାଯାଇଥିଲା। ତାଙ୍କୁ ଉମରକୋଟ ସ୍ବାସ୍ଥ୍ୟକେନ୍ଦ୍ରକୁ ପଠାଯାଇଛି।