ବରଗଡ଼,୫।୧୦(ପ୍ରେମାନନ୍ଦ ଖମାରୀ): ବରଗଡ ଜିଲା ସୋହେଲା ମଧୁପୁର ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ତୀର୍ଥଯାତ୍ରାରେ ଯାଉଥିବା ଏକ କାର୍ ଦୁର୍ଘଟଣାଗ୍ରସ୍ତ ହୋଇଛି। ଭାରସାମ୍ୟ ହରାଇ କାରଟି ଏକ ଗଛରେ ପିଟି ହୋଇଥିଲା। ଫଳରେ ଜଣେ ତୀର୍ଥଯାତ୍ରୀଙ୍କ ମୃତ୍ୟୁ ହୋଇଛି।
ମୃତକ ଜଣକ ଇନ୍ଦୋରର ଦେବେନ୍ଦ୍ର ଗିରି (୬୧) ବୋଲି ଜଣାପଡିଛି। ସେହିପରି ଅନ୍ୟ ୬ଜଣ ଆହତ ହୋଇଛନ୍ତି । ସେମାନେ ହେଲେ, ଗାୟତ୍ରୀ ଗିରି (୫୨), ମିଟେଶ ଗିରି (୩୧), ଖୁସି ଗୋସ୍ୱାମୀ (୨୫), ସମେରା ପାଟିଦାର (୭), ପୂଜା ଗୋସ୍ୱାମୀ (୨୧) ଏବଂ ଗ୍ରିଶିକ୍ସ ଗିରି (୧) । ସେମାନଙ୍କ ମଧ୍ୟରୁ ମଧ୍ୟରୁ ୩ ଜଣଙ୍କୁ ସୋହେଲା ଡାକ୍ତରଖାନାରେ ଭର୍ତ୍ତି କରାଯାଇଛି । ଅନ୍ୟ ୩ ଜଣ ବରଗଡ଼ ବିକାଶ ହସ୍ପିଟାଲରେ ଚିକିତ୍ସାଧିନ ଅଛନ୍ତି । କାରରେ ସମସ୍ତ ଯାତ୍ରୀ ଜଗନ୍ନାଥ ଦର୍ଶନ ପାଇଁ ଇନ୍ଦୋରରୁ ପୁରୀ ଆସୁଥିବା ବେଳେ ଦୁର୍ଘଟଣା ହୋଇଥିବା ସୂଚନା ରହିଛି ।