ନୂଆପଡ଼ା,୬ା୧ (ମକାରୁ ବେମାଲ): ନୂଆପଡ଼ା ଜିଲା କୋମନା ଥାନା ବୃଦ୍ଧିକୋମନା ପଞ୍ଚାୟତ ପଣ୍ଡରାପଥର ଗାଁରେ ସୋମବାର ଟ୍ରାକ୍ଟର ଚାପିଦେବାରୁ ଜଣଙ୍କର ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି। ମୃତକ ହେଲେ ପଣ୍ଡରାପଥର ଗାଁର ସଞ୍ଜୁ ମାଝି (୨୩) ଓ ୨ ଗୁରୁତର ଉକ୍ତ ଗାଁର ଗୁଣ୍ଡା ମାଝି(୨୫) ଓ ଦିନେଶ ମାଝି (୨୭)। ଅପରାହ୍ନ ୩ଟା ସମୟରେ ଏକ ଟ୍ରାକ୍ଟର ପଣ୍ଡରାପଥର ଗାଁରୁ କୌଣସି କାର୍ଯ୍ୟରେ କେନାଲ ରାସ୍ତାରେ ନାଏକପଡା ଆସୁଥିଲା। ଏହି ସମୟରେ କିଛି ସାମଗ୍ରୀ ସହ ସାଇକେଲରେ ଯାଉଥିବା ଜଣେ ଲୋକଙ୍କୁ ସାଇଡ ଦେବାକୁ ଯାଇ ଟ୍ରାକ୍ଟରଟି ଭାରସାମ୍ୟ ହରାଇ ଓଲଟି ପଡିଥିଲା। ଫଳରେ ଟ୍ରାକ୍ଟରରେ ବସିଥିବା ସଞ୍ଜୁଙ୍କ ଟ୍ରାକ୍ଟର ତଳେ ଚାପି ହୋଇ ମୃତ୍ୟୁ ହୋଇଥିବା ବେଳେ ଡ୍ରାଇଭର ଗୁଣ୍ଡା ଓ ଦିନେଶ ଆହତ ହୋଇଛନ୍ତି। ଖବର ଲେଖାଯିବା ପର୍ଯ୍ୟନ୍ତ ପୋଲିସ ଘଟଣାସ୍ଥଳରେ ପହଞ୍ଚତ୍ ନ ଥିଲା।
