ରାଜନଗର,୬ା୮(ଡି.ଏନ.ଏ.): ବିଶ୍ୱ ପ୍ରସିଦ୍ଧ ଭିତରକନିକାକୁ ପରିଭ୍ରମଣରେ ଆସୁଥିବା ଦେଶ ବିଦେଶର ପର୍ଯ୍ୟଟକଙ୍କ ପାଇଁ ଚଳିତବର୍ଷ ରାଜନଗର ବନ ବିଭାଗ ପକ୍ଷରୁ ନୌବିହାର ନିମିତ୍ତ ସ୍ବତନ୍ତ୍ର ସୁବିଧା କରାଯାଇଛି। ଆଗନ୍ତୁକ ପର୍ଯ୍ୟଟକମାନଙ୍କୁ ଜାତୀୟ ଉଦ୍ୟାନ ସମେତ ନୌବିହାର ସମୟରେ ପ୍ରକୃତିର ଅନବଦ୍ୟ ଉପହାରକୁ ଉପଭୋଗ କରିବାକୁ ସୁଯୋଗ ସୃଷ୍ଟି କରିବ। ଆଗରୁ ପର୍ଯ୍ୟଟକମାନେ ସ୍ଥଳପଥରେ ଆସି ଜାତୀୟ ଉଦ୍ୟାନରେ ପହଞ୍ଚତ୍ ସୀମିତ ସ୍ଥାନରେ ଗୋରୀ କୁମ୍ଭୀର ଓ ଅନ୍ୟ ଜୀବଜନ୍ତୁକୁ ଦେଖି ବିମୁଖ ହୋଇ ପଡୁଥିଲେ।
ମହାନଦୀ, ବ୍ରାହ୍ମଣୀ ଓ ବୈତରଣୀ ନଦୀର ତ୍ରିକୋଣ ଭୂମିରେ ଗଢି ଉଠିଥିବା ଭିତରକନିକାରେ ନୌଯାତ୍ରା ପର୍ଯ୍ୟଟକଙ୍କୁ ଆନନ୍ଦ ଦେଇଥାଏ। ମାତ୍ର ସ୍ଥଳପଥରେ ଡାଙ୍ଗମାଳ ପ୍ରବେଶ ପଥ ଦେଇ ଆସୁଥିବା ପର୍ଯ୍ୟଟକମାନେ ଏହି ସୁବିଧାରୁ ବଞ୍ଚତ୍ତ ହୋଇଥାନ୍ତି। ପ୍ରବେଶ ପଥ ଦେଇ ଆସୁଥିବା ପର୍ଯ୍ୟଟକମାନେ ନୌବିହାରର ସୁବିଧାରୁ ବଞ୍ଚତ୍ତ ହୋଇଥାନ୍ତି। ଭିତରକନିକା ଜାତୀୟ ଉଦ୍ୟାନରେ ପର୍ଯ୍ୟଟକଙ୍କୁ ପ୍ରବେଶ ଅନୁମତି ମିଳିବା ପରଠାରୁ ସ୍ଥଳପଥରେ ଆସୁଥିବା ପର୍ଯ୍ୟଟକମାନେ ନୌବିହାରରୁ ବଞ୍ଚତ୍ତ ହୋଇ ଆସୁଛନ୍ତି। ମାତ୍ର ଏଣିକି ସ୍ଥଳପଥରେ ଆସୁଥିବା ପର୍ଯ୍ୟଟକମାନେ ଆଉ ନିରାଶ ହୋଇ ଫେରିବେ ନାହିଁ। ଡାଙ୍ଗମାଳ ପ୍ରବେଶ ପଥରେ ପ୍ରବେଶ ଫି’ କାଟି ଭିତରକୁ ଯିବା ପରେ ପର୍ଯ୍ୟଟକମାନେ ଚାହିଁଲେ ବୋଟିଂର ସୁବିଧା ନେଇ ପାରିବେ। ଡାଙ୍ଗମାଳଠାରେ ଗୁରୁବାରଠାରୁ ଦୁଇଟି ଶବ୍ଦ ପ୍ରଦୂଷଣ ବିହୀନ ବିଳାସପୂର୍ଣ୍ଣ ବୋଟ୍ ରଖାଯାଇଛି। ଏହି ବୋଟରେ ସର୍ବାଧିକ ୨୦ଜଣ ପର୍ଯ୍ୟଟକ ବୁଲି ପାରିବେ। ବୋଟ ଭଡା ବାବଦକୁ ୧ ହଜାର ଟଙ୍କା ଓ ପ୍ରତି ଘଣ୍ଟା ପାଇଁ ୧୭ ଲିଟର ପେଟ୍ରୋଲ ପାଇଁ ଅର୍ଥ ଦେବାକୁ ପଡିବ। ଅର୍ଥାତ୍ ୧ ଘଣ୍ଟା ଜଳପଥରେ ବୁଲିବା ପାଇଁ ପର୍ଯ୍ୟଟକଙ୍କୁ ୨୮ଶହ ଟଙ୍କା ଦେବାକୁ ପଡିବ। କୌଣସି ପର୍ଯ୍ୟଟକ ଚାହିଁଲେ ଏହି ବୋଟ୍କୁ ରିଜର୍ଭ କରି ଭିତରକନିକାର ଶୋଭା ଉପଭୋଗ କରିପାରିବେ। ନଚେତ୍ ପର୍ଯ୍ୟଟକମାନେ ମିଳିତ ଭାବେ ବୋଟ୍ରେ ଭିତରକନିକାର ଶୋଭା ଉପଭୋଗ କରିପାରିବେ ବୋଲି ଡିଏଫ୍ଓ ଡ. ଯଜ୍ଞଦତ୍ତ ପତି ସୂଚନା ଦେଇଛନ୍ତି।
