ମୁମ୍ବାଇ,୧୩ା୪: ମାର୍ଚ୍ଚ ୨୦୨୪ ସୁଦ୍ଧା ଦେଶରେ ଡେମାଟ୍ ଆକାଉଣ୍ଟ ସଂଖ୍ୟା ୧୫୧ ନିୟୁତ (୧୫.୧ କୋଟି) କୁ ବୃଦ୍ଧି ପାଇଛି। ମାର୍ଚ୍ଚ ମାସରେ ସମୁଦାୟ ୩.୧ ମିଲିୟନ୍ (୩୧ ଲକ୍ଷ) ନୂତନ ଡିମାର୍ଟ ଆକାଉଣ୍ଟ୍ ଖୋଲା ଯାଇଥିବାବେଳେ ୨୦୨୩-୨୪ ଆର୍ଥିକ ବର୍ଷରେ ମଧ୍ୟ ହାରାହାରି ୩.୧ ମିଲିୟନ୍ ନୂତନ ଡେମାଟ୍ ଆକାଉଣ୍ଟ୍ ଖୋଲାଯାଇଛି।
ରିପୋର୍ଟ ଅନୁଯାୟୀ, ନ୍ୟାସନାଲ ଷ୍ଟକ ଏକ୍ସଚେଞ୍ଜ(ଏନଏସଇ)ରେ ସକ୍ରିୟ ଗ୍ରାହକଙ୍କ ସଂଖ୍ୟା ମାସରେ ୧.୮ ପ୍ରତିଶତ ବୃଦ୍ଧି ହୋଇ ମାର୍ଚ୍ଚ ୨୦୨୪ ରେ ୪୦.୮ ମିଲିୟନରେ ପହଞ୍ଚିଛି। ଏନଏସଇର ମୋଟ ସକ୍ରିୟ ଗ୍ରାହକଙ୍କ ମଧ୍ୟରେ ଶ୍ରେଷ୍ଠ ପାଞ୍ଚଟି ରିହାତି ବ୍ରୋକରଙ୍କ ଅଂଶ ୬୩.୮ ପ୍ରତିଶତ ଅଟେ, ଯାହା ଗତ ବର୍ଷ ମାର୍ଚ୍ଚ ୨୦୨୩ ରେ ୫୯.୯ ପ୍ରତିଶତ ଥିଲା। ଜିରୋଧା କ୍ଲାଏଣ୍ଟ ଗଣନା ମାସରେ ୦.୯ ପ୍ରତିଶତ ବୃଦ୍ଧି ହୋଇ ୭.୩ ମିଲିୟନରେ ପହଞ୍ଚିଛି। ଯେତେବେଳେ କି ବଜାର ଅଂଶ ୨୦ ଆଧାର ପଏଣ୍ଟ ହ୍ରାସ କରି ୧୭.୯ ପ୍ରତିଶତ ହୋଇଛି।
ସେହିଭଳି ଅପଷ୍ଟକ୍ସର କ୍ଲାଏଣ୍ଟ ୦.୬ ପ୍ରତିଶତ ବୃଦ୍ଧି ପାଇ ୨.୫ ମିଲିୟନକୁ ବୃଦ୍ଧି ପାଇଛି। ଏହାର ବଜାର ଅଂଶ ୧୦ ଆଧାର ପଏଣ୍ଟ ହ୍ରାସ କରି ୬.୨ ପ୍ରତିଶତ ହୋଇଛି। ଗ୍ରୋ’ର କ୍ଲାଏଣ୍ଟ ୩.୮ ପ୍ରତିଶତ ବୃଦ୍ଧି ହୋଇ ୯.୫ ମିଲିୟନରେ ପହଞ୍ଚିଛି ଏବଂ ଏହାର ବଜାର ଅଂଶ ୨୩.୪ ପ୍ରତିଶତ ରହିଛି। ବଡ
ପାରମ୍ପାରିକ ବ୍ରୋକରଙ୍କ ମଧ୍ୟରେ ISEC (ICICI ସିକ୍ୟୁରିଟି) ର ବଜାର ଅଂଶ ୪.୫ ପ୍ରତିଶତକୁ ଖସି ଆସିଥିବାବେଳେ ଆଇଆଇଏଫଏଲ୍ ସିକ୍ୟୁରିଟିର ବଜାର ଅଂଶ ୧.୧ ପ୍ରତିଶତକୁ ବୃଦ୍ଧି ପାଇଛି। ଏଥିରୁ ଗୋଟିଏ କଥା ସ୍ପଷ୍ଟ ହୋଇଛି ଯେ ଅଧିକାଂଶ ନୂତନ ଡିମାର୍ଟ ଆକାଉଣ୍ଟଧାରୀ ରିହାତି ବ୍ରୋକରରେ ଯୋଗ ଦେଉଛନ୍ତି।
