ଟୋକିଓ,୫।୯:ଟୋକିଓ ପାରାଲିମ୍ପିକ୍ସରେ ଭାରତୀୟ ଖେଳାଳିମାନେ ଚମତ୍କାର ପ୍ରଦର୍ଶନ କରି ଇତିହାସ ରଚିଛନ୍ତି। ପାରାଲିମ୍ପିକ୍ସ ଇତିହାସରେ ଚଳିତବର୍ଷ ଭାରତୀୟ ଖେଳାଳିମାନେ ଜବରଦସ୍ତ ପ୍ରଦର୍ଶନ କରି ୫ ସ୍ବର୍ଣ୍ଣ, ୮ ରୌପ୍ୟ ଏବଂ ୬ ବ୍ରୋଞ୍ଚ ପଦକ ସହ ମୋଟ ୧୯ଟି ପଦକ ଜିତି ୨୪ତମ ସ୍ଥାନରେ ରହିଛି। ଏହି ସମୟରେ ଭାରତୀୟ ଖେଳାଳିମାନେ ଆଥଲେଟିକ୍ସରେ ସର୍ବାଧିକ ୮ଟି, ଶୁଟିଂରେ ୫, ବ୍ୟାଡମିଣ୍ଟନରେ ୪, ଟେବୁଲ ଟେନିସ ଏବଂ ତୀରନ୍ଦାଜୀରେ ୧-୧ ପଦକ ଜିତିଛନ୍ତି। ପାରାଲ୍ମ୍ପିକ୍ସ ଇତିହାସରେ ଭାରତୀୟ ଖେଳାଳିମାନେ ଏଭଳି ଖେଳ ପ୍ରଦର୍ଶନ କରିଛନ୍ତି। ଏହାପୂର୍ବରୁ ଭାରତର ସର୍ବଶ୍ରେଷ୍ଠ ପ୍ରଦର୍ଶନ ୨୦୧୬ ରିଓ ଅଲିମ୍ପିକ୍ସରେ କରିଥିଲା। ସେହି ଅଲିମ୍ପିକ୍ସରେ ୨ଟି ସ୍ବର୍ଣ୍ଣ ସହ ଭାରତ ୪ଟି ପଦକ ଜିତିଥିଲା।
ସୂଚନାଯୋଗ୍ୟ, ୧୯୬୯ରେ ପାରାଲିମ୍ପିକ୍ସର ଆରମ୍ଭ ହୋଇଥିଲା। କିନ୍ତୁ ଭାରତ ୧୯୬୮ରେ ତେଲ ଅଭିଭ ପାରାଲିମ୍ପିକ୍ସରେ ପ୍ରଥମଥର ଭାଗ ନେଇଥିଲା। ୧୯୮୪ ପରଠାରୁ ଭାରତ ଲଗାତର ପାରାଲିମ୍ପିକସରେ ଭାଗ ନେଇଆସୁଛି। ଭାରତ ଟୋକିଓ ୨୦୨୦ ପୂର୍ବରୁ ୧୧ ଅଲିମ୍ପିକ୍ସରେ ଭାଗ ନେଇଛି। ଏଥିରେ ୪ ସ୍ବର୍ଣ୍ଣ ସମେତ ମୋଟ ୧୨ଟି ପଦକ ଜିତିଛି। ଏବେ ଟୋକିଓରେ ୧୯ ପଦକକୁ ମିଶାଇ ଭାରତ ପାରାଲିମ୍ପିକ୍ସରେ ମେଟ ୩୧ ପଦକ ଜିତିଛି।
