Advertisement
Posted inଖେଳ

ଆଜି ପ୍ରଥମ ସେମିଫାଇନାଲ

ସିଡ୍‌ନୀ,୯।୧୧(ପି.ଟି): ଅଷ୍ଟ୍ରେଲିଆରେ ଅନୁଷ୍ଠିତ ଟି୨୦ ବିଶ୍ୱକପ୍‌ର ପ୍ରଥମ ସେମି ଫାଇନାଲରେ ପରସ୍ପର ସାମ୍ନା କରିବେ ନ୍ୟୁଜିଲାଣ୍ଡ ଓ ପାକିସ୍ତାନ। ଚଳିତ ଟୁର୍ନାମେଣ୍ଟରେ ନ୍ୟୁଜିଲାଣ୍ଡ ସ୍ଥିର ପ୍ରଦର୍ଶନ ଦେବାରେ ସମର୍ଥ ହୋଇଥିବା ବେଳେ ପାକିସ୍ତାନର ପ୍ରଦର୍ଶନରେ ସ୍ଥିରତା ନଜର ଆସିନାହିଁ। ବୁଧବାର ସିଡ୍‌ନୀ କ୍ରିକେଟ ଗ୍ରାଉଣ୍ଡରେ ଉଭୟ ଦଳ ପରସ୍ପରକୁ ସାମ୍ନା କରିବେ। ତେବେ ଆଇସିସି ଇଭେଣ୍ଟଗୁଡିକରେ ଉଭୟ ଦଳର ରେକର୍ଡକୁ ଦେଖିଲେ ପାକିସ୍ତାନର ପଲା ଭାରି ରହିଛି। ବିଶ୍ୱକପ୍‌ରେ ଉଭୟ ଦଳ ୩ ଥର ସାମ୍ନାସାମ୍ନି ହୋଇଥିବା ବେଳେ ନ୍ୟୁଜିଲାଣ୍ଡ ଥରେ ମଧ୍ୟ ଜିତିପାରି ନାହିଁ। ପାକିସ୍ତାନର ସେମି ପ୍ରବେଶ ଅତ୍ୟନ୍ତ ନାଟକୀୟ ରହିଥିବା ବେଳେ ନ୍ୟୁଜିଲାଣ୍ଡ ନିଜର ଗ୍ରୁପ୍‌ ମ୍ୟାଚଗୁଡିକରେ ଏକପାଖିଆ ବିଜୟ ହାସଲ କରିଛି। ଗ୍ରୁପ୍‌ ବି’ରେ ସ୍ଥାନ ପାଇଥିବା ପାକିସ୍ତାନ ଭାରତ ଓ ଜିମ୍ବାଓ୍ବେଠାରୁ ହାରିଥିଲେ ହେଁ ଦକ୍ଷିଣ ଆଫ୍ରିକା ବିପକ୍ଷରେ ନେଦରଲାଣ୍ଡ୍ସର ଚମତ୍କାର ବିଜୟ କାରଣରୁ ଦଳ ସେମିରେ ପ୍ରବେଶ କରିପାରିଥିଲା। ବିଶ୍ୱକପ୍‌ର ସେମିଫାଇନାଲରେ ଉଭୟ ଦଳ ପୂର୍ବରୁ ସାମ୍ନାସାମ୍ନି ହୋଇ ସାରିଛନ୍ତି। ୧୯୯୨ରେ ନ୍ୟୁଜିଲାଣ୍ଡରେ ଖେଳା ଯାଇଥିବା ବିଶ୍ୱକପ ସେମିରେ ମଧ୍ୟ ପାକିସ୍ତାନ ବିଜୟୀ ହୋଇଥିଲା। ପାକିସ୍ତାନ ବିପକ୍ଷରେ ଦିନିକିଆ ବିଶ୍ୱକପ୍‌ରେ ନ୍ୟୁଜିଲାଣ୍ଡ (୧୯୯୨, ୧୯୯୯) ଓ ଟି୨୦ ବିଶ୍ୱକପ୍‌ (୨୦୦୭)ରେ ପରାଜିତ ହୋଇଥିଲା। ଏହା ସହିତ ଦକ୍ଷିଣ ଆଫ୍ରିକା ପରି ନ୍ୟୁଜିଲାଣ୍ଡ ମଧ୍ୟ ବଡ ମ୍ୟାଚରେ ଫେଲ୍‌ ମାରିଥାଏ। ବିଗତ ୪ ବିଶ୍ୱକପ୍‌ରେ ନ୍ୟୁଜିଲାଣ୍ଡ ନିୟମିତ ସେମି ଓ ଫାଇନାଲ ବର୍ଥ ସୁରକ୍ଷିତ କରୁଥିଲେ ମଧ୍ୟ ଟାଇଟଲ ହାସଲରେ ଅସମର୍ଥ ରହିଛି।
ଅନ୍ୟପକ୍ଷରେ ଅଷ୍ଟ୍ରେଲୀୟ ପରିବେଶ ସହିତ ନ୍ୟୁଜିଲାଣ୍ଡ ଖେଳାଳି ଅଧିକ ଅଭ୍ୟସ୍ତ ଓ ଚଳିତ ଟୁର୍ନାମେଣ୍ଟରେ ପାକିସ୍ତାନର ଟପ୍‌ ଅର୍ଡର ମଧ୍ୟ ଫର୍ମରେ ନାହିଁ। ବାଂଲାଦେଶ ବିପକ୍ଷ ୧୨୮ ରନ୍‌ର ପିଛା କରିବା ସମୟରେ ମଧ୍ୟ ଉଭୟ ବ୍ୟାଟର ବିଫଳ ହୋଇଥିଲେ। ଏହି ଟୁର୍ନାମେଣ୍ଟରେ ଟ୍ରେଣ୍ଟ ବୋଲ୍ଟ ଓ ଟିମ୍‌ ସାଉଦି ଚମତ୍କାର ଫର୍ମରେ ରହିଥିବା ବେଳେ ପାକିସ୍ତାନର ଉଭୟ ପେସ୍‌ ଓ ସ୍ପିନ୍‌ ବୋଲିଂ ଆକ୍ରମଣ ଜବରଦସ୍ତ ଫର୍ମରେ ରହିଛି। ଫିନ୍‌ ଆଲେନ୍‌ ଓ ଡେଭନ୍‌ କନ୍‌ଓ୍ବେଙ୍କ ଉପରେ ଟପ୍‌ ଅର୍ଡର ଭାର ରହିଥିବା ବେଳେ ଆଙ୍ଗୁଠି ଆଘାତରୁ ଫେରିଥିବା ଡାରିଲ୍‌ ମିଚେଲ୍‌, ଅଧିନାୟକ କେନ୍‌ ଓ୍ବିଲିୟମ୍‌ସନ୍‌ ଓ ଗ୍ଲେନ୍‌ ଫିଲିପ୍ସଙ୍କ ଉପରେ ମଧ୍ୟକ୍ରମ ବ୍ୟାଟିଂ ନିର୍ଭର କରିବ। ଟୁର୍ନାମେଣ୍ଟ ସାରା ଓ୍ବିଲିୟମସନ୍‌ଙ୍କ ବ୍ୟାଟ ନୀରବ ରହିଥିବା ବେଳେ ଆୟର୍ଲାଣ୍ଡ ବିପକ୍ଷରେ ଅର୍ଦ୍ଧଶତକ ସହିତ ସେ ଫର୍ମକୁ ଫେରିଛନ୍ତି। ଆହତ ସମସ୍ୟାରୁ ପ୍ରତ୍ୟାବର୍ତ୍ତନ କରିଥିବା ଶାହିନ୍‌ ଆଫ୍ରିଦି ଚମତ୍କାର ଫର୍ମରେ ରହିଛନ୍ତି। ଜଣେ ନୀରବ ଯୋଦ୍ଧା ଭାବରେ ହରିଶ୍‌ ରୌଫ୍‌ ମଧ୍ୟ ନିୟମତ ଉଇକେଟ ହାସଲ କରିବାରେ ସଫଳ ହୋଇଛନ୍ତି। ସ୍ପିନରଙ୍କ ମଧ୍ୟରେ ଶଦାବ୍‌ ଖାନ୍‌ ଦକ୍ଷିଣ ଆଫ୍ରିକା ଓ ବାଂଲାଦେଶ ବିପକ୍ଷ ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଏହି କ୍ରିକେଟରଙ୍କୁ ବୁଢା କୁହନ୍ତି ସ୍ତ୍ରୀ

ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସହ ଘଟିଥିବା ଏକ ମଜାଦାର ଘଟଣାକୁ ଶେୟାର କରିଛନ୍ତି ଟିମ ଇଣ୍ଡିଆ ଫାଷ୍ଟ ବୋଲର ଇଶାନ୍ତ ଶର୍ମା। ଏକ...

ଭାରତ ଆଜି ହଂକଂକୁ ଭେଟିବ

ଦୁବାଇ,୩୧ା୮(ପି.ଟି): ଏସିଆ କପ୍‌ ଟି୨୦ ଟୁର୍ନାମେଣ୍ଟରେ ପ୍ରଥମ ମ୍ୟାଚରେ ବିଜୟ ହାସଲ କରିବା ପରେ ଆତ୍ମବିଶ୍ୱାସରେ ରହିଛି ରୋହିତ ଶର୍ମାଙ୍କ ଭାରତୀୟ ଦଳ। ବୁଧବାର ଯୋଗ୍ୟତାପର୍ଯ୍ୟାୟରୁ...

ବିଶ୍ୱରେକର୍ଡ କଲେ ୪୧ ବର୍ଷୀୟ କ୍ରିକେଟର୍‌

ସୟଦ ମୁସ୍ତାକ ଅଲି ଟ୍ରଫି ଚଳିତ ସିଜନରେ ଯୁବ ଖେଳାଳିମାନେ ନିଜର ଶକ୍ତି ପ୍ରଦର୍ଶନ କରୁଛନ୍ତି। କିନ୍ତୁ ରବିବାର ପୁଡୁଚେରୀର ୪୧ ବର୍ଷୀୟ ପେସର୍‌ ସାନ୍ଥା...

ଖେଳିବେ ୟୁସୁଫ୍‌, ଜୟସୁରିୟା

ରାୟପୁର,୨୭ା୨: ମାର୍ଚ୍ଚ ୫ରୁ ରାୟପୁରରେ ଖେଳାଯିବାକୁ ଥିବା ରୋଡ୍‌ ସେଫ୍ଟି ଓ୍ବାଲର୍‌ଡ ସିରିଜ ପାଇଁ ଭାରତ ଲିଜେଣ୍ଡ୍ସ ଦଳରେ ପୂର୍ବତନ କ୍ରିକେଟର ୟୁସୁଫ୍‌ ପଠାନ, ନମନ...

ଇଟାଲୀ ଫେରିବେ ଇବ୍ରାହିମୋଭିଚ୍‌

ଓ୍ବାଶଂଟନ, ୧୨ା୫ (ଏପି)- ସ୍ବିଡେନ୍‌ର ଷ୍ଟାର ଫୁଟ୍‌ବଲ ଖେଳାଳି ଜ୍ଲାଟାନ୍‌ ଇବ୍ରାହିମୋଭିଚ୍‌ ଇଟାଲୀ ଫେରିବା ଲାଗି ଯୋଜନା କରୁଛନ୍ତି। ସିରି ଏ’ ସିଜନରେ ସେ ଏସି...

୧୦ ଓଭରରେ ଆସିଲା ପ୍ରଥମ ଚୌକା

ଆଡିଲେଡ,୧୭।୧୨: ଭାରତ-ଅଷ୍ଟ୍ରେଲିଆ ଚାରି ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଆଜିଠାରୁ ଆରମ୍ଭ ହୋଇଛି। ପ୍ରଥମ ମ୍ୟାଚ ଆଡିଲେଡରେ ଖେଳା ଯାଉଥିବା ବେଳେ ପ୍ରଥମ ଓଭରରେ ଭାରତକୁ...

କିଟ୍‌ ବ୍ୟାଗ୍‌ରେ କ’ଣ ରଖନ୍ତି ବିରାଟ କୋହଲି

ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆରସିବି) ଅଧିନାୟକ ତଥା ଷ୍ଟାର କ୍ରିକେଟର ବିରାଟ କୋହଲି କେବଳ ଭାରତ ନୁହେଁ ବିଶ୍ୱର ସବୁଠୁ ବଡ ଖେଳାଳି। ସାରା ବିଶ୍ୱରେ କୋହଲିଙ୍କ...

ଦକ୍ଷିଣ ଆଫ୍ରିକା ବିପକ୍ଷ ଟି୨୦ ସିରିଜ ଲାଗି ଦଳରେ ବଡ଼ ପରିବର୍ତ୍ତନ କଲା ଟିମ୍‌ ଇଣ୍ଡିଆ

ଥିରୁଭାନନ୍ତପୁରମ୍‌,୨୮।୯: ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯିବାକୁ ଥିବା ତିନି ମ୍ୟାଚ୍‌ ବିଶିଷ୍ଟ ଟି୨୦ ସିରିଜ ଲାଗି ଦଳରେ ପ୍ରମୁଖ ପରିବର୍ତ୍ତନ କରିଛି ଟିମ୍‌ ଇଣ୍ଡିଆ। ଉମେଶ...

Advertisement
Archives

Model This Week