କଟକ ଅଫିସ,୯।୧୦-କଟକ ସହରରୁ ଶୁକ୍ରବାର ମୋଟ ୧୪୫ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିରେ କ୍ୱାରାଣ୍ଟାଇନରୁ ୭୬ ଜଣ ଓ ସ୍ଥାନୀୟ ଅଞ୍ଚଳରୁ ୬୯ ଜଣ ଅଛନ୍ତି। ଏ ନେଇ କଟକ ମହାନଗର ନିଗମ (ସିଏମସି) ପକ୍ଷରୁ ଟୁଇଟ କରି ସୂଚନା ଦିଆଯାଇଛି। ସିଡିଏ ସେକ୍ଟର-୭ରୁ ୧୦, ବିଡାନାସୀରୁ ୯, ପାଟପୋଖରୀରୁ ୩, ଦେଉଳି ସାହି ତୁଳସୀପୁରରୁ ୩, କ୍ୟାଣ୍ଟନମେଣ୍ଟ ରୋଡରୁ ୨, କଲ୍ୟାଣୀ ନଗରରୁ ଜଣେ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଥିବା ୬୯ ଜଣ କରୋନା ଆକ୍ରାନ୍ତଙ୍କ ମଧ୍ୟରେ ଜଗତପୁରରୁ ୭, ତୁଳସୀପୁରରୁ ୬, ସିଡିଏ ସେକ୍ଟର ୬ରୁ ୪, ମହାନଦୀ ବିହାରରୁ ୪, କଲ୍ୟାଣୀ ନଗରରୁ ୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
https://twitter.com/CMCCuttack/status/1314540694246027264
