ନୂଆଦିଲ୍ଲୀ,୧୦।୯: ୟୁକୋ ବ୍ୟାଙ୍କ ସହ ଟୟୋଟା କିର୍ଲୋସ୍କର ମୋଟର (ଟିକେଏମ୍) ର ଏକ ଦିପାକ୍ଷିକ ଚୁକ୍ତିନାମା ସ୍ବାକ୍ଷର ହୋଇଯାଇଛି। ଏହା ଅନ୍ତର୍ଗତ ଅଧିକରୁ ଅଧିକ ଗ୍ରାହକଙ୍କୁ ଟୟୋଟାର ବିଶ୍ୱସ୍ତରୀୟ ଉପତ୍ାଦ ଏବଂ ସେବାଗୁଡିକରେ ଅଧିକ ପ୍ରବେଶ କରିବାକୁ ସକ୍ଷମ କରିବାକୁ ଯୋଜନା କରାଯାଇଛି। ଏହି ସହଭାଗୀତା ଦ୍ୱାରା କେବଳ ପ୍ରଥମ ଶ୍ରେଣୀ ବଜାର ନୁହେଁ, ବରଂ ସମସ୍ତ ରାଜ୍ୟ ଏବଂ ୟୁନିଅନ ଟେରିଟୋରୀ ଏବଂ ଗ୍ରାହକଙ୍କୁ ଉପକୃତ କରିବା ତଥା ଦି୍ବତୀୟ ଏବଂ ତୃତୀୟ ଶ୍ରେଣୀ ବଜାରରେ ଗ୍ରାହକଙ୍କ ନିକଟରେ ପହଂଚିବା ପାଇଁ ଟିକେଏମ୍ ପକ୍ଷରୁ ଲକ୍ଷ୍ୟ ରଖାଯାଇଛି। ବିଶେଷ କରି କୁଲ ନ୍ୟୁ ଗ୍ଲାନଜା, ଅର୍ବାନ କ୍ରୁଜର ଏବଂ ନିକଟରେ ବଜାର ପ୍ରବେଶ ହୋଇଥିବା ଅର୍ବାନ କ୍ରୁଜର ହ୍ୟାରିଡର ଭଳି ନୂତନ ମଡେଲ ସହ ଏ ଏବଂ ବି-ସେଗମେଣ୍ଟରେ ପ୍ରବେଶ କରି ଟିକେଏମ୍ ଦି୍ବତୀୟ ଏବଂ ତୃତୀୟ ଶ୍ରେଣୀ ବଜାରରେ ଗ୍ରାହକଙ୍କ ନିକଟରେ ପହଂଚିବା ସହିତ ଭାରତରେ ଏହାର ନେଟୱାର୍କ ବିସ୍ତାର କରିବା ଲକ୍ଷ୍ୟ ରଖିଛି। ଏହି ନୂତନ ଟାଇ-ଅପ ଦି୍ବତୀୟ ଏବଂ ତୃତୀୟ ଶ୍ରେଣୀ ବଜାରରେ ଗ୍ରାହକଙ୍କ ପାଇଁ ମୂଲ୍ୟଯୁକ୍ତ ଅଫର ଉପଲବ୍ଧ କରାଇବ। ଏ ସମ୍ପର୍କରେ ଟିକେଏମର ବିକ୍ରୟ ଏବଂ ଷ୍ଟ୍ରାଟେଜିକ ମାର୍କେଟିଂ ଆସୋସିଏଟ ଉପାଧ୍ୟକ୍ଷ ଅତୁଲ ସୁଦ କହିଛନ୍ତି, ଏ ଏବଂ ବି-ସେଗମେଣ୍ଟରେ ଆମର ସଫଳ ଅଗ୍ରଗତି ପରେ ଗ୍ରାମୀଣ ବଜାରରେ ଟୟୋଟା ଯାନର ଚାହିଦାକୁ ଦୃଷ୍ଟିରେ ରଖି ଏଭଳି ପଦକ୍ଷେପ ଗ୍ରହଣ କରିଛୁ। ସମଗ୍ର ଦେଶରେ ଆମର ଗ୍ରାହକଙ୍କ ବିକ୍ରୟ ଅଭିଜ୍ଞତାକୁ ଉନ୍ନତ କରିବାକୁ ସ୍ଥିର କରିବାକୁ ଲକ୍ଷ୍ୟ ରଖାଯାଇଛି। ଏକ ଗ୍ରାହକ କେନ୍ଦ୍ରୀକ କମ୍ପାନୀ ଭାବେ ଆମେ ଆମ ଗ୍ରାହକଙ୍କୁ ଅନନ୍ୟ ତଥା ଆକର୍ଷଣୀୟ ଆର୍ଥିକ ସ୍କିମ ଏବଂ ଅଫର ପ୍ରଦାନ କରିବାକୁ ସର୍ବଦା ଅଭିନବ ପ୍ରୟାସ ଜାରି ସହ ୟୁକୋ ବ୍ୟାଙ୍କର ବ୍ୟାପକ ନେଟୱାର୍କ ଏବଂ ଡାଟାବେସ ବ୍ୟବହାର ଆମକୁ ନୂତନ ଗ୍ରାହକ ଚିହ୍ନଟ କରିବାରେ ସାହାଯ୍ୟ କରିବ ଏବଂ ଆମେ ଆମର ଗ୍ରାହକଙ୍କ ପାଇଁ ସର୍ବୋତମ ସମାଧାନ ଉପଲବ୍ଧ କରାଇବାର ଲକ୍ଷ୍ୟ ରଖିଛୁ। ସେହିଭଳି ୟୁକୋ ବ୍ୟାଙ୍କର ମାର୍କେଟିଂ ଆଣ୍ଡ ୱେଲଥ୍ ପରିଚାଳନା ବିଭାଗ, ଜେନେରାଲ ମ୍ୟାନେଜର ସତ୍ୟ ରଞ୍ଜନ ପଣ୍ଡା କହିଛନ୍ତି, ଟିକେଏମ ସହ ମିଳିତ ହୋଇଥିବାରୁ ଆମେ ବେଶ୍ ଉତ୍ସାହିତ। କାରଣ ସେମାନେ ଦେଶର ଏକ ପ୍ରମୁଖ କାର ନିର୍ମାତା ଓ ବିକ୍ରେତା ଭାବେ ଜଣାଶୁଣା। ଏହି ନୂତନ ସହଭାଗୀତା ଦ୍ୱାରା ଆମେ ୩୦୦୦ରୁ ଅଧିକ ଶାଖାର ବିଶାଳ ନେଟୱାର୍କ ମାଧ୍ୟମରେ ପ୍ରଥମ, ଦ୍ୱିତୀୟ ଏବଂ ତୃତୀୟ ଶ୍ରେଣୀ ସହର ଏବଂ ଟାଉନଗୁଡିକରେ ଆମର ଗ୍ରାହକଙ୍କ ନିକଟରେ ପହଂଚିବାର ଲକ୍ଷ୍ୟ ରଖିଛୁ।
ଟୟୋଟା କିର୍ଲୋସ୍କର ମୋଟର ସର୍ବଦା ଗ୍ରାହକଙ୍କ ଅଭିଜ୍ଞତାକୁ ସୁଦୃଢ଼ କରିବାକୁ ଚେଷ୍ଟା କରିଥାଏ। ଯେପରି ସହଜ ଆର୍ଥିକ ବିକଳ୍ପ ଭଳି ସମୟାନୁବର୍ତି ଏବଂ ପ୍ରାସଙ୍ଗିକ ଯୋଜନାଗୁଡିକ କାର୍ଯ୍ୟକାରୀ କରିବା ସମ୍ଭବ ହେବ। ଟୟୋଟା ଯାନଗୁଡିକର ମାଲିକାନା ଗ୍ରାହକଙ୍କ ପାଇଁ ଏକ ସହଜ ପ୍ରକ୍ରିୟା କରିବାକୁ ଲକ୍ଷ୍ୟ ରଖି ଟିକେଏମ୍ ସର୍ବଦା ଦେଶର ଅଗ୍ରଣୀ ଆର୍ଥିକ ପ୍ରତିଷ୍ଠାନଗୁଡିକ ସହ ଅଭିନବ ଟାଇ-ଅପ କରିଆସୁଛି।
