ମୃତ୍ୟୁ ସମୟ, ପୋଲିସ ତଥ୍ୟରେ ତାଳମେଳ ନାହିଁ

ବୀରେନ୍ଦ୍ର ଝାଙ୍କର
ବଲାଙ୍ଗୀର ଅଫିସ, ୨୧ା୧୨: ବହୁଚର୍ଚ୍ଚିତ ମମିତା ମେହେର ହତ୍ୟା ମାମଲାର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ କଣ୍ଟାବାଞ୍ଜି ଉପକାରାଗାରରେ ସନ୍ଦେହଜନକ ମୃତ୍ୟୁକୁ ନେଇ ପୋଲିସ ପକ୍ଷରୁ ଦିଆଯାଇଥିବା ତଥ୍ୟରେ ତାଳମେଳ ରହୁନାହିଁ। ମଙ୍ଗଳବାର କଣ୍ଟାବାଞ୍ଜି ଏଡିଜେ କୋର୍ଟରେ ମମିତା ହତ୍ୟା ମାମଲାର ଶୁଣାଣି ହେବାକୁ ଥିବାରୁ ଗୋବିନ୍ଦ ସାହୁଙ୍କୁ ପୋଲିସ ଏସ୍କର୍ଟ ଟିମ୍‌ କଣ୍ଟାବାଞ୍ଜି ଉପକାରାଗାରକୁ ନେବାକୁ ଯାଇଥିଲେ ବୋଲି କୁହାଯାଇଛି। ପୂର୍ବାହ୍ନ ପ୍ରାୟ ୧୦ଟା ପରେ ଗୋବିନ୍ଦଙ୍କୁ କଣ୍ଟାବାଞ୍ଜି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୋଲିସ ଏସ୍କର୍ଟ ଟିମ୍‌ ଉପକାରାଗାରରେ ପହଞ୍ଚତ୍ବା ପରେ ଗୋବିନ୍ଦ ସାହୁ ଆତ୍ମହତ୍ୟା କରିଥିବା କୁହାଯାଇଛି। ତେବେ ମୃତକଙ୍କ ପରିଧାନକୁ ଲକ୍ଷ୍ୟ କଲେ ଭିନ୍ନ ଦିଗକୁ ଇଙ୍ଗିତ କରୁଛି। ଗୋବିନ୍ଦ ଏକ କଳାରଙ୍ଗର ଟ୍ରାଉଜର ଏବଂ ଏକ ନୀଳରଙ୍ଗର ଶୀତବସ୍ତ୍ର (ଜ୍ୟାକେଟ୍‌) ପିନ୍ଧିଛନ୍ତି। ଅର୍ଥାତ୍‌ କୋର୍ଟକୁ ଆସିବା ପାଇଁ ଗୋବିନ୍ଦ ପ୍ରସ୍ତୁତ ହୋଇ ନ ଥିଲେ। ଯଦି ପ୍ରସ୍ତୁତ ହୋଇ ନ ଥିଲେ, ତେବେ କଣ୍ଟାବାଞ୍ଜି ଉପକାରାଗାରକୁ ପୋଲିସ ପ୍ରକୃତରେ କେତେବେଳେ ପହଞ୍ଚତ୍ଥିଲା ଏବଂ ଗୋବିନ୍ଦ କେତେବେଳେ ଆତ୍ମହତ୍ୟା କଲେ ବୋଲି ସନ୍ଦେହ ହେଉଛି। ଗୋବିନ୍ଦ କଳାରଙ୍ଗର ଟ୍ରାଉଜର ପିନ୍ଧିଥିବାରୁ ପୋଲିସ ପହଞ୍ଚତ୍ବା ପୂର୍ବରୁ ତାଙ୍କର ମୃତ୍ୟୁ ହୋଇସାରିଥିତ୍ବା ସନ୍ଦେହ କରାଯାଉଛି। ବେକରେ ଗାମୁଛା ଫାଶ ପକାଇ ଆତ୍ମହତ୍ୟା କରିଥିବା କୁହାଯାଉଥିଲେ ମଧ୍ୟ ସ୍ଥାନ ସମ୍ପର୍କରେ ସଠିକ୍‌ ତଥ୍ୟ ମିଳୁନାହିଁ। ଜେଲ ଭିତର ରନ୍ଧାଘର ପାଖ ଏକ ଗଛରେ ଆତ୍ମହତ୍ୟା କରିଥିବା କୁହାଯାଉଥିଲା। ପରେ ଜେଲ ଭିତର ଡାଇନିଂ ହଲ ଝରକା ରେଲିଂରେ ଆତ୍ମହତ୍ୟା କରିଥିବା କୁହାଯାଉଛି।
ସାକ୍ଷୀଙ୍କୁ ଧମକ ଘଟଣାର ୨ ଅଭିଯୁକ୍ତ ଜେଲରେ ଥିଲେ
ମମିତା ମେହେର ହତ୍ୟା ମାମଲାର ଶୁଣାଣି ଚାଲିଥିବାବେଳେ ଗତ ନଭେମ୍ବର ୩୦ରେ ମହାଲିଙ୍ଗର ଜଣେ ସାକ୍ଷୀ ସାକ୍ଷ୍ୟ ଦେବାକୁ କଣ୍ଟାବାଞ୍ଜି ଆସି ଗୋବିନ୍ଦ ସାହୁ ଓ ତାଙ୍କର ଦୁଇ ସମର୍ଥକ ତାଙ୍କୁ ଧମକ ଦେଇଥିବା ଅଭିଯୋଗ କରିଥିଲେ। ଏହି ଘଟଣା ପରେ ପର୍ଦ୍ଦା ଦେଇ କୋର୍ଟ ଭିତରେ ସାକ୍ଷ୍ୟ ଗ୍ରହଣ ହୋଇଥିଲା। ଏଭଳି ଅଭିଯୋଗ ପରେ କଣ୍ଟାବାଞ୍ଜି ପୋଲିସ ଧମକ ଦେଇଥିବା ଦୁଇ ଅଭିଯୁକ୍ତ ମହାଲିଙ୍ଗ କଲେଜ ଅଧ୍ୟକ୍ଷ ରଞ୍ଜିତ ସାହୁ ଏବଂ ଶିକ୍ଷକ କୃତି ଚନ୍ଦନଙ୍କୁ ଗିରଫ କରି କୋର୍ଟଚାଲାଣ କରିଥିଲା। ସେମାନେ ମଧ୍ୟ କଣ୍ଟାବାଞ୍ଜି ଜେଲରେ ଥିଲେ। ପୂର୍ବରୁ ସହଯୋଗୀ ଅଭିଯୁକ୍ତ ରାଧେଶ୍ୟାମ ଚଣ୍ଡି ମଧ୍ୟ ଜେଲରେ ଅଛନ୍ତି। ଏମାନଙ୍କ ଉପସ୍ଥିତି ସତ୍ତ୍ୱେ ଏଭଳି କ’ଣ ହେଲା ଯେ, ଗୋବିନ୍ଦ ଆତ୍ମହତ୍ୟା କଲେ ବୁଝାପଡୁନାହିଁ। ଜେଲ ଭିତରେ ତାଙ୍କୁ ହତ୍ୟା କରାଯାଇଥିବା ତାଙ୍କ ସ୍ତ୍ରୀ ସୁଷମା ଅଭିଯୋଗ କରିବା ପରେ ଘଟଣାଟି ଭିନ୍ନ ମୋଡ଼ ନେଇଛି।
ଜେଲ ସେଲ୍‌ରୁ ଗୋବିନ୍ଦ କେତେବେଳେ ବାହାରିଲେ
କଣ୍ଟାବାଞ୍ଜି ସବ୍‌ଜେଲରେ ସ୍ବତନ୍ତ୍ର ସେଲ୍‌ ନାହିଁ। ଦୁଇଟି ସାଧାରଣ ସେଲ୍‌ ରହିଛି। ଏହା ଭିତରେ ୬୭ଜଣ କଏଦୀ ରହିଛନ୍ତି। ଏହାରି ଭିତରେ ଗୋବିନ୍ଦ ସାହୁ ରହିଥିଲେ। ସମସ୍ତଙ୍କ ଭିତରୁ ବାହାରି ସେ କିଭଳି ଆତ୍ମହତ୍ୟା କଲେ ଏବଂ ଜେଲ କର୍ତ୍ତୃପକ୍ଷ ସୂଚନା ପାଇଲେ ନାହିଁ ଏହାକୁ ଅନେକେ ବିଶ୍ୱାସ କରିପାରୁ ନାହାନ୍ତି। ମଙ୍ଗଳବାର କୋର୍ଟରେ ଶୁଣାଣି ଥିବାରୁ ସେ ପ୍ରସ୍ତୁତ ହୋଇ କୋର୍ଟ ଯିବା କଥା। ଏଣୁ ତାଙ୍କୁ ସକାଳୁ ୱାର୍ଡର ସୂଚନା ଦେଇଥିବେ। ଏହାସତ୍ତ୍ୱେ ସେ କିଭଳି ଭାବେ ସେଲରୁ ଖସି ଡାଇନିଂ ହଲ ପଟକୁ ଯାଇ ଗାମୁଛାରେ ଜୀବନ ହାରିଲେ ତାକୁ ନେଇ ସନ୍ଦେହ ଘନୀଭୂତ ହେବାରେ ଲାଗିଛି। ଏଣୁ ଏହା ଆତ୍ମହତ୍ୟା ନା ଏହା ପଛରେ ଅନ୍ୟ କିଛି କାରଣ ରହିଛି, ତାକୁ ନେଇ ଅଧିକ ଜାଣିବାକୁ ଲୋକେ ଅପେକ୍ଷା କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri