ମୁମ୍ବାଇ: ସଲମାନ ଖାନ୍ଙ୍କ ଅଭିନୀତ ଟାଇଗର-୩ ବକ୍ସ ଅଫିସରେ ବୁଲେଟ୍ ଟ୍ରେନ୍ ବେଗରେ ଆଗକୁ ମାଡ଼ିଚାଲିଛି। ଆର୍ଏଡବ୍ଲ୍ୟୁ ଏଜେଣ୍ଟ ଅବିନାଶ ସିଂ ରାଠୋର ଓରଫ୍ ଟାଇଗର ଭାବରେ ପରଦାକୁ ଫେରିଥିବା ସଲମାନ ପୁଣି ଥରେ ତାଙ୍କ ପ୍ରଶଂସକଙ୍କ ହୃଦୟ ଜିତିବାରେ ସଫଳ ହୋଇଛନ୍ତି।
ସଲମାନ ଏବଂ କ୍ୟାଟ୍ରିନାଙ୍କ ଏହି ଫିଲ୍ମ ଭାରତରେ ଯେତେ ବ୍ୟବସାୟ କରୁଛି, ଏହି ଫିଲ୍ମ ବିଦେଶରେ ଦୁଇଗୁଣ ଅଧିକ ରୋଜଗାର କରୁଛି। ବୁଧବାର ଦିନିକିଆ କ୍ରିକେଟ ବିଶ୍ୱକପ୍ ୨୦୨୩ ଇଣ୍ଡିଆ ବନାମ ନ୍ୟୁଜିଲାଣ୍ଡର ସେମିଫାଇନାଲ ଯୋଗୁ ଏହି ଫିଲ୍ମର ରୋଜଗାର ନିଶ୍ଚିତ ଭାବେ ପ୍ରଭାବିତ ହୋଇଥିଲା। କିନ୍ତୁ ଏହା ସତ୍ତ୍ୱେ ଏହି ଫିଲ୍ମ ସାରା ବିଶ୍ୱରେ ୩୦୦ କୋଟି ଟଙ୍କା ରୋଜଗାରର ନିକଟତର ହୋଇଛି।
ମନୀଷ ଶର୍ମାଙ୍କ ନିର୍ଦ୍ଦେଶିତ ଟାଇଗର-୩ ପୁଣି ଥରେ ସଲମାନଙ୍କ କ୍ୟାରିୟରକୁ ଫେରାଇ ଆଣିବାରେ ସଫଳ ହୋଇଛି। ଶାହାରୁଖ ଖାନଙ୍କ ଯବାନ ଏବଂ ପଠାନଙ୍କ ପରେ ବର୍ତ୍ତମାନ ସଲମାନଙ୍କ ଏହି ଫିଲ୍ମ ଦିନକୁ ଦିନ ଭଲ ରୋଜଗାର କରୁଛି। ବର୍ତ୍ତମାନ ସୁଦ୍ଧା ଏହା ଟାଇଗର-୩ ୨୪୦ କୋଟି ଟଙ୍କା ବ୍ୟବସାୟ କରିସାରିଛି।
ଏକ ରିପୋର୍ଟ ଅନୁଯାୟୀ, ଟାଇଗର-୩ ଚାରି ଦିନ ମଧ୍ୟରେ ସାରା ବିଶ୍ୱରେ ପ୍ରାୟ ୨୭୦.୫୫କୋଟି ଟଙ୍କା ଆୟ କରିଛି। ଏହି ଫିଲ୍ମ ବୁଧବାର ସାରା ବିଶ୍ୱରେ ପ୍ରାୟ ୩୦ କୋଟି ଟଙ୍କା ରୋଜଗାର କରିଛି।
