କାବୁଲ,୩୦।୫: ଆଫଗାନିସ୍ତାନର ଓ୍ବାର୍ଦକ ଅଞ୍ଚଳରେ ବାରୁଦ ସୁଡଙ୍ଗ ବିସ୍ଫୋରଣରେ ଅତି କମରେ ତିନି ଶିଶୁଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଛନ୍ତି ବୋଲି ଖାମା ପ୍ରେସ ଜଣେ ଅଧିକାରୀଙ୍କ ସୂତ୍ରରୁ ପ୍ରକାଶ। ଓ୍ବାର୍ଦକ ଅଞ୍ଚଳରେ ଏବେବି ବିଗତ ଯୁଦ୍ଧରୁ ଖଣି ବାକି ଅଛି। ସମାନ ଅଞ୍ଚଳରେ ଦୁଇଟି ଘଟଣାରେ ଶିଶୁଙ୍କର ମୃତ୍ୟୁ ଘଟିଥିଲା।
ଖାମା ପ୍ରେସ ତାଲିବାନ ନେତୃତ୍ୱାଧୀନ ପ୍ରାଦେଶିକ ଅଧିକାରୀଙ୍କ ଉଦ୍ଦେଶ୍ୟରେ କହିଛି ଯେ ରବିବାର ଅପରାହ୍ନରେ ସୟିଦ ଆବାଦ ଜିଲ୍ଲାରେ ତିନିଜଣ ପିଲା ଖେଳଣା ଭଳି ବିସ୍ଫୋରକ ଉପକରଣ ପାଇଥିଲେ ଏବଂ ଏହି ଉପକରଣ ବିସ୍ଫୋରଣ ହୋଇ ଘଟଣାସ୍ଥଳରେ ଦୁଇଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଥିଲେ।
ଦେହମିରଦ ପ୍ରଦେଶରେ ଏଭଳି ଘଟଣାରେ ଜଣେ ଶିଶୁଙ୍କର ମୃତ୍ୟୁ ହୋଇଥିବା ଖାମା ପ୍ରେସ ରିପୋର୍ଟ କରିଛି।
ଏହାପୂର୍ବରୁ ଆଫଗାନିସ୍ତାନର ଗଜନୀ ପ୍ରଦେଶର ଡିଆକ ଜିଲ୍ଲାରେ ଖଣି ବିସ୍ଫୋରଣରେ ଜଣେ ଶିଶୁଙ୍କର ମତ୍ୟୁ ଘଟିଥିବା ବେଳେ ଅନ୍ୟ ଜଣେ ଆହତ ହୋଇଥିଲେ।
