ମୁମ୍ବାଇ,୨୭।୭ : ଅଭିନେତ୍ରୀ କଙ୍ଗନା ରାଣାୱତଙ୍କୁ ଧମକ ଦେଇ ଗୀତିକାର ଜାଭେଦ ଅଖତରଙ୍କ ବିରୋଧରେ ମାମଲା ରୁଜୁ କରିବାର ଯଥେଷ୍ଟ କାରଣ ରହିଛି ବୋଲି ମୁମ୍ବାଇର ଏକ କୋର୍ଟ କହିଛନ୍ତି। ଅଖତରଙ୍କୁ କୋର୍ଟ ମଧ୍ୟ ନୋଟିସ ଜାରି କରିଛନ୍ତି। ତେବେ ଗୀତିକାରଙ୍କ ବିରୋଧରେ ଜବରଦସ୍ତ ବସୁଲି ମାମଲା କରାଯାଇ ନାହିଁ ବୋଲି କୋର୍ଟ କହିଛନ୍ତି।
ଅନ୍ଧେରୀ କୋର୍ଟର ମହାନଗର ନିଗମ ମାଜିଷ୍ଟ୍ରେଟ ଆରଏମ ଶେଖ ଜୁଲାଇ ୨୪ ରେ ଅଖତରଙ୍କ ବିରୋଧରେ ସମନ ଜାରି କରି ତାଙ୍କୁ ଅଗଷ୍ଟ ୫ ରେ କୋର୍ଟରେ ହାଜର ହେବାକୁ କହିଛନ୍ତି। ମାଜିଷ୍ଟ୍ରେଟ କହିଛନ୍ତି ଭାରତୀୟ ଦଣ୍ଡବିଧି ସଂହିତା ଅନୁଯାୟୀ ଅପରାଧିକ ଭୟଭୀତତା ତଥା ଜଣେ ମହିଳାଙ୍କ ଗାରିମାକୁ ଅପମାନିତ କରିବା ପାଇଁ ଅଙ୍ଗଭଙ୍ଗୀ କିମ୍ବା କାର୍ଯ୍ୟ କରିବା ଲାଗି ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିବାର ଯଥେଷ୍ଟ କାରଣ ରହିଛି।
