ଦାରିଙ୍ଗବାଡି/ବ୍ରାହ୍ମଣୀଗାଁ,୨୨।୨(ଅରୁଣ ସାହୁ/ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ବ୍ରାହ୍ମଣୀଗାଁ ଠାରେ ମୁକ୍ତେଶ୍ଵର ମହାରୁଦ୍ରଙ୍କ ଜୀର୍ଣ୍ଣ୍ନୋଦ୍ଧାର ଭବ୍ୟ ମନ୍ଦିର ଓ ହନୁମାନଙ୍କ ବିଗ୍ରହ ପ୍ରତିଷ୍ଠା ମହାସମାରୋହ ଗୁରୁବାର ଠାରୁ ଆରମ୍ଭ ହୋଇଛି । ଶନିବାର ଭଵ୍ୟ କାର୍ଯ୍ୟକ୍ରମରେ ହୋମ ଯଜ୍ଞ ସହ ମନ୍ଦିର ପ୍ରତିଷ୍ଠା ସହ ମନ୍ଦିର ପ୍ରବେଶ ଓ ରତ୍ନମୁଦ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିସହ ମନ୍ଦିରର ପାର୍ଶ୍ଵ ଦେବତାଙ୍କୁ ମଧ୍ୟ ବହୁ ଆଡମ୍ବରରେ ହୋମଯଜ୍ଞ ପୂଜାର୍ଚ୍ଚନା ସହ ପ୍ରତିଷ୍ଠା ଓ ସ୍ଥାପନ କାର୍ଯ୍ୟକ୍ରମ ପଣ୍ଡିତଙ୍କ ଦ୍ୱାରା କରରାଯାଇଥିଲା ।
ସେହିପରି ମୁକ୍ତେଶ୍ଵର ଓ ହନୁମାନ ମନ୍ଦିରରେ ଭକ୍ତଙ୍କ ପ୍ରଥମ ପ୍ରବେଶ ସହ ଦର୍ଶନ ଓ ପୂଜାର୍ଚ୍ଚନା କରାଯାଇଥିଲା । ଅପରାହ୍ନରେ ରତ୍ନମୁଦ କାର୍ଯ୍ୟକ୍ରମରେ ଶସ୍ୟ, ସୁନା, ରୁପା, ଅଳଙ୍କାର, ଫୁଲ, ଚନ୍ଦନ ସହ ମୂଲ୍ୟବାନ ସାମଗ୍ରୀ ଭକ୍ତଙ୍କ ଦ୍ୱାରା ଦାନ କରାଯାଇଥିବା ସମସ୍ତ ଦାନ ସାମଗ୍ରୀକୁ ରତ୍ନମୁଦ ଦିଆଯାଇଥିଲା । ଏହି କାର୍ଯ୍ୟକ୍ରମରେ ହଜାର ସଂଖ୍ୟାରେ ଶ୍ରଦ୍ଧାଳୁ ଯୋଗଦେଇଥିଲେ । କନ୍ଧମାଳ ଜିଲା ସମେତ ପଡୋଶୀ ରାୟଗଡା, ଗଞ୍ଜାମ ଓ ଗଜପତି ଜିଲାର ଶତାଧିକ ଶ୍ରଦ୍ଧାଳୁ ଏହି କାର୍ଯ୍ୟକ୍ରମରେ ଯୋଗଦେଇ ଥିଲେ ।
ଏହି ପ୍ରତିଷ୍ଠା ଉତ୍ସବରେ ୭୨ପ୍ରହର ନାମଯଜ୍ଞ ସମେତ ଘୃତ, ଗୋ ଯଜ୍ଞ, ଜ୍ଞାନ, ଅର୍ଣ୍ଣ ଯଜ୍ଞ ଆଦି କରାଯାଉଛି । କାର୍ଯ୍ୟକ୍ରମକୁ ଗାଁ ବାସିନ୍ଦା ଓ ମନ୍ଦିର କମିଟି ପକ୍ଷରୁ ପରିଚାଳନା କରାଯାଇଛି । ଏଥିରେ ସଭାପତି ଗଣେଶ ପାତ୍ର, ରାମଚନ୍ଦ୍ର ପାତ୍ର, ଉପସଭାପତି ବିରଞ୍ଚି ବିଶୋଇ, କେ.ଶ୍ୟାମ ବାବୁ ଅଚାରୀ, ସମ୍ପାଦକ ପବିତ୍ର ବେହେରଦଳାଇ, ରଘୁନାଥ ନାୟକ, କାର୍ଯ୍ୟକର୍ତ୍ତା ପ୍ରକାଶ ମହାନ୍ତି, ପଞ୍ଚାନନ ଚୌଧୁରୀ, ଭାଜପା ମଣ୍ଡଳ ସଭାପତି ଗଣେଶ ଡାକୁଆ, ଶ୍ୟାମ ମାହାଙ୍କୁଡ, ସଦାନନ୍ଦ ନାୟକ, ଗୋକୁଳ ପଣ୍ଡା, ବିଘ୍ନେଶ୍ୱର ବେହରଦଳେଇ, ରାଜୁ ବେହରଦଳେଇ, ବନବାସ ବିଶୋଇ, ଶ୍ୟାମଘନ ପାତ୍ର,ଦେବରାଜ ପାଇକ, ଶଙ୍କର ବେହରଦଳେଇ, ଅନି ବେହରଦଳେଇ,କପିଳେଶ୍ଵର ପାତ୍ର,ନିରଞ୍ଜନ ପାତ୍ର, ପ୍ରୟୋଗରାଜ (ଉତ୍ତରପ୍ରଦେଶ )ଧର୍ମେସ କୁମାର ପାଲ,ଯୋଗେଶ୍ୱର ପାତ୍ର ପ୍ରମୁଖ ପରିଚାଳନା କରୁଛନ୍ତି ।
ସୂଚନା ଯୋଗ୍ୟ ଯେ ଏହି କାର୍ଯ୍ୟକ୍ରମ ଗୁରୁବାର ଠାରୁ ଆରମ୍ଭ ହୋଇଛି । ପ୍ରଥମ ଦିନରେ ଦୀକ୍ଷା ଗ୍ରହଣ ଓ ଅଙ୍କୁରରୋପଣ କରାଯାଇଥିବା ବେଳେ ଶୁକ୍ରବାର ଦିନ କଳସ ଯାତ୍ରା ଯଜ୍ଞଆରମ୍ଭ, ମଣ୍ଡଳ ଦେବତା ପୂଜା ହୋମ ଓ ବନଯୋଗ କାର୍ଯ୍ୟକ୍ରମ କରାଯାଉଛି ଏବଂ ହିନ୍ଦୁ ସମ୍ମିଳନୀ କରାଯାଇଥିଲା ।
