ପିଲାଦିନେ ନିଶ୍ଚିତ ଭାବରେ ‘ଜଳପରୀ’ଙ୍କ ବିଷୟରେ ଅନେକ କାହାଣୀ ଶୁଣିଥିବେ। କିନ୍ତୁ ବାସ୍ତବ ଜୀବନରେ କେହି ଜଣେ ଜଳପରୀ ଅଛନ୍ତି ତାହା ଜାଣନ୍ତି କି? ଯଦି ନା ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋ ଏବଂ ଭିଡିଓ ଦେଖିଲେ ଆପଣଙ୍କ ଦ୍ୱନ୍ଦ୍ୱ ନିଶ୍ଚିତ ଦୂର ହେବ।
ଆମେରିକାରେ ଏପରି ଜଣେ ଯୁବତୀ ଅଛନ୍ତି, ଯିଏ କି ଜଳପରୀ ହେବା ପାଇଁ ପ୍ରତି ମାସରେ ୬ ଲକ୍ଷ ଟଙ୍କା ରୋଜଗାର କରୁଛନ୍ତି। ତାଙ୍କ ନାଁ ଏମିଲି ଆଲେକ୍ଜାଣ୍ଡାର୍ ଗୁଗ୍ଲିଏମୋ।
୩୨ ବର୍ଷୀୟା ଏମିଲି ଫ୍ଲୋରିଡାରେ ରୁହନ୍ତି। ତାଙ୍କୁ ବେବି ପାର୍ଟି ଏବଂ ଫାଇଭ୍ ଷ୍ଟାର ଇଭେଣ୍ଟ ପାଇଁ ନିମନ୍ତ୍ରଣ କରାଯାଏ। ଏହା ସହିତ ଇନ୍ଷ୍ଟାଗ୍ରାମ ଏବଂ ଟିକ୍ଟକ୍ରେ ମଧ୍ୟ ତାଙ୍କର ଲକ୍ଷ ଲକ୍ଷ ଫଲୋଅର୍ସ ଅଛନ୍ତି।
ସେ ନିଜର ସୋସିଆଲ ମିଡିଆ ହ୍ୟାଣ୍ଡେଲରୁ ଭିଡିଓ ଏବଂ ଫଟୋ ପୋଷ୍ଟ କରି ସୁଇମିଂ ପୁଲ୍ରେ ଦିନ ବିତାଉଥିବା ଦେଖିବାକୁ ମିଳିଛି। ସେ ଏହାକୁ ତାଙ୍କର ବୃତ୍ତି ଭାବରେ ଗ୍ରହଣ କରିନେଇଛନ୍ତି। ଲୋକମାନେ ତାଙ୍କୁ ଟପଲେସ୍ ପୋଜ ଦେବାକୁ ମଧ୍ୟ କୁହନ୍ତି।
ଏକ ସାକ୍ଷାତକାରରେ ସେ କହିଛନ୍ତି, ‘ଜଳପରୀ ହେବା ମୋ ପାଇଁ ଅତ୍ୟନ୍ତ ସ୍ବତନ୍ତ୍ର। ଏହା ମୋର ପିଲାଦିନର ସ୍ବପ୍ନ ଥିଲା। ବର୍ତ୍ତମାନ ମୁଁ ଅନ୍ୟ ପିଲାମାନଙ୍କର ସ୍ବପ୍ନ ପୂରଣ କରୁଛି। ’
ଏଥିପାଇଁ ତାଙ୍କୁ ବହୁତ ଦରମା ମିଳିଥାଏ। ସେ କହିଛନ୍ତି, ‘ମୁଁ ୨୨ ବର୍ଷ ବୟସରେ ଫଟୋଶୁଟ୍ ପାଇଁ ଜଳପରୀ ହେବାକୁ ନିଷ୍ପତ୍ତି ନେଇଥିଲି’ ଏଥିପାଇଁ ମୁଁ ପ୍ରାୟ ସାଢ଼େ ୩ ହଜାର ଟଙ୍କା ପାଇଥିଲି। ମୁଁ ଜାଣି ନ ଥିଲି ଏହା ଏତେମାତ୍ରାରେ ଲୋକଙ୍କ ଦୃଷ୍ଟି ଆକର୍ଷଣ କରିବ। ଖାସ୍ କରି ମୋର ଏହି ଝଲକ ପାଇବାକୁ ଲୋକମାନେ ମୋ ପାଖକୁ ଆସି ସେମାନଙ୍କ ଇଭେଣ୍ଟ ଏବଂ ପାର୍ଟି ପାଇଁ ମୋତେ ନିମନ୍ତ୍ରଣ କରିଥାନ୍ତି।
ପିଲାଦିନର ସ୍ବପ୍ନ ଏବେ କ୍ୟାରିୟରରେ ପରିଣତ ହୋଇଛି କହିଲେ ଅତ୍ୟୁକ୍ତି ହେବ ନାହିଁ। ଏମିଲି ସୁଇମିଂ ପୁଲ୍ ଶୋ’ ଏବଂ ଅଣ୍ଡର ଓ୍ବାଟର ପ୍ରଦର୍ଶନ ଏବଂ ଇଭେଣ୍ଟରେ ‘ଆମେରିକୀୟ ଜଳପରୀ’ ନାମରେ ବୁକ୍ ହୋଇଛନ୍ତି।
ଏମିଲିଙ୍କ ପ୍ରେମିକ ମଧ୍ୟ ତାଙ୍କୁ ସମର୍ଥନ କରନ୍ତି। ସେ କହିଛନ୍ତି, ଯେତେବେଳେ ପୁରୁଷମାନେ ତାଙ୍କ ସଂସ୍ପର୍ଶରେ ଆସନ୍ତି, ସେତେବେଳେ ସେ ସେକ୍ସି ଫଟୋ ଏବଂ ଭିଡିଓ ପାଇଁ ପୋଜ ଦେଇଥାନ୍ତି।
ସେ ଅନେକ ବିଜ୍ଞାପନରେ କାମ କରିଛନ୍ତି। ଏହା ବ୍ୟତୀତ ସେ ହଲିଉଡ୍ ଫିଲ୍ମରେ କାମ କରିଛନ୍ତି।
