ଏଥର ତଦନ୍ତ, ନିଷ୍ପତ୍ତି ନେବ ଟିଏସି

ଯାଜପୁର ଅଫିସ,୨୭।୧୦:ଫସଲ ଉଜୁଡ଼ିଲେ ଚାଷୀ ଆଖିରୁ ଲୁହଝରେ। ଋଣ ଶୁଝି ନ ପାରି ସେ ଆମତ୍ହତ୍ୟା ଭଳି ପନ୍ଥା ଆପଣାଇବାକୁ ବାଧ୍ୟ ହୁଏ। ଚାଷ ପାଇଁ ଆବଶ୍ୟକ ହୁଏ ପାଣି । ସେଥିପାଇଁ ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ବ୍ୟାପକ ବ୍ୟବସ୍ଥା ହୋଇଛି। ମାତ୍ର କ୍ଷୁଦ୍ର ଜଳସେଚନ ପ୍ରକଳ୍ପ (ଏମଆଇପି)ର କ୍ଷୁଦ୍ର ନୀତି ଏବଂ ବିଭାଗୀୟ ଅଧିକାରୀଙ୍କ ଉଦାସୀନ ମନୋଭାବ ଓ ଆନ୍ତରିକତା ଅଭାବରୁ ଏହି ବ୍ୟବସ୍ଥାର ସୁଫଳ ଚାଷୀ ପାଇ ପାରୁନାହାନ୍ତି। ଏହାର ନିଚ୍ଛକ ଉଦାହରଣ ଯାଜପୁର ଜିଲା କ୍ଷୁଦ୍ର ଜଳସେଚନ ପ୍ରକଳ୍ପଗୁଡିକରେ ଦେଖିବାକୁ ମିଳିଛି। ଜିଲାରେ ଥିବା ପ୍ରକଳ୍ପଗୁଡ଼ିକର ଆବଶ୍ୟକ ରକ୍ଷଣାବେକ୍ଷଣ କରାଯାଉନାହିଁ। ଫଳରେ ଜଳସେଚନ ବ୍ୟବସ୍ଥାର ଲକ୍ଷ୍ୟଧାର୍ଯ୍ୟ ପରାହତ ହେଉଛି ବୋଲି ମତପ୍ରକାଶ ପାଇଛି ।
ଗତ ୨୫ ତାରିଖରେ ସରକାର ରାଜ୍ୟରେ ଥିବା ସମସ୍ତ ଜଳସେଚନ ପ୍ରକଳ୍ପ ଉପରେ ତଦନ୍ତ ଓ ନିଷ୍ପତ୍ତି ନେବାକୁ ଏକ ଟେକ୍ନିକାଲ ଆଡଭାଇଜରି କମିଟି(ଟି.ଏ.ସି) ଗଠନ କରିଛନ୍ତି। ଏହି କମିଟି ଜଳସେଚନ ପରିମାଣ ବୃଦ୍ଧି, କାର୍ଯ୍ୟକ୍ଷେତ୍ର ବଢାଇବା, ସମସ୍ତ ଜଳସେଚନ ପ୍ରକଳ୍ପଗୁଡିକର ବୈଷୟିକ, ପରିକଳ୍ପନା, ନିର୍ମାଣ ଆଦି ପ୍ରତିବନ୍ଧକର ଦୂରୀକରଣ ସମେତ ପରବର୍ତ୍ତୀ ଅଟକଳ, ଡ୍ୟାମ୍‌, ଟନେଲ, ଗେଟ୍‌, ପାୱାର ହାଉସର ତଦନ୍ତ କରିବ। ଜିଲାରେ ଏମ୍‌ଆଇପି ନିର୍ମାଣରେ ବ୍ୟାପକ ଅନିୟମିତତା ହୋଇଛି। ନିର୍ଦ୍ଧାରିତ ପରିମାଣର ଜଳସେଚନ ନ ହେବା ଉପରେ ଏହି କମିଟି ଆବଶ୍ୟକ ତଦନ୍ତ କରି ବିହିତ ପଦକ୍ଷେପ ଗ୍ରହଣ କରିବେ ବୋଲି ଚାଷୀ ଆଶା ପ୍ରକାଶ କରିଛନ୍ତି।
କ୍ଷୁଦ୍ର ଜଳସେଚନ ବିଭାଗ ପକ୍ଷରୁ ମିଳିଥିବା ତଥ୍ୟ ଅନୁଯାୟୀ, ଜିଲାର ୧୦ଟି ବକରୁ ୯ଟି ବ୍ଲକରେ ୫୮ଟି ଏମ୍‌ଆଇପି ରହିଛି। ଏଥିରେ ୮୦୯୧ ହେକ୍ଟର ଜମିରେ ଜଳସେଚନ ହୋଇଥାଏ ବୋଲି ବିଭାଗ ପକ୍ଷରୁ କୁହାଯାଇଛି। ହେଲେ ଚଳିତ ବର୍ଷ ମାତ୍ର ୪୪୭୯ ହେକ୍ଟର ଜମିରେ ଜଳସେଚନ ହେଉଥିବା ବିଭାଗ ପକ୍ଷରୁ ସୂଚନା ମିଳିଛି। ଅନ୍ୟପକ୍ଷେ ୨୦୨୦-୨୧ ବର୍ଷରେ ଜଳସେଚନ ପ୍ରକଳ୍ପଗୁଡିକର ରକ୍ଷଣାବେକ୍ଷଣ ପାଇଁ ୩ କୋଟି ୫୦ ଲକ୍ଷ ଟଙ୍କା ଅନୁଦାନ ମିଳିଛି। ହେଲେ ଏହି ଅନୁଦାନର ଉପଯୁକ୍ତ ଭାବେ ଖର୍ଚ୍ଚ ନ ହୋଇ କେବଳ ଠିକାଦାର ପୋଷା ନୀତି ଚାଲିଥିବାରୁ ଚାଷୀମାନଙ୍କ ଜମି ମୁଣ୍ଡକୁ କେନାଲରେ ପାଣିମୁନ୍ଦେ ଯାଇପାରୁନାହିଁ। ଏଠାରେ ଭଙ୍ଗାବନ୍ଧ, ମଙ୍ଗଳପୁର, ରାଣୀବନ୍ଧ, ଢୋଲପଥର, ବଡଜୁରୀ, ଡମଶାଳା, ଗଣ୍ଡାନାଳ, ଭାଲୁକିପାତଲା ଆଦି ଏମଆଇପିକୁ ଉଦାହରଣ ଭାବେ ନିଆଯାଇପାରେ। ଏହି ପ୍ରକଳ୍ପ ସଂଲଗ୍ନ କେନାଲଗୁଡ଼ିକ ପୋତି ହୋଇପଡିଛି। ସେଥିରେ ଅନାବନା ଗଛ ଉଠି ଜଳପ୍ରବାହ ପଥକୁ ଅବରୋଧ କରିଛି। ଅଧିକାଂଶ ସମୟରେ କେନାଲ ମରାମତି ହେଉଥିଲେ ହେଁ ନିମ୍ନମାନର କାମ ଯୋଗୁ ପୁଣି ତାହା ପୂର୍ବାବସ୍ଥାକୁ ଫେରିଯାଉଛି ା ଏସବୁର ମରାମତି ନିମନ୍ତେ ସ୍ଥାନୀୟ ଚାଷୀ ଦାବି କରି ଆସୁଥିଲେ ମଧ୍ୟ ପଦକ୍ଷେପ ନିଆଯାଉ ନ ଥିବା ଅଭିଯୋଗ ହେଉଛି ।
ଏ ସଂକ୍ରାନ୍ତରେ ଚାଷୀ କୁହନ୍ତି, ଯେତେବେଳେ ଖରାଟିଆ ଫସଲ ପାଇଁ ପାଣି ବ୍ୟବସ୍ଥା ହୋଇଛି ବୋଲି ଶୁଣିଥୁଲୁ ବହୁତ ଖୁସି ଲାଗିଥିଲା । କିନ୍ତୁ ପରବର୍ତ୍ତୀ ସମୟରେ ଏହି ଆଶା ଧୁଳିସାତ ହୋଇ ଯାଇଥିଲା । ନିହାତି ଆବଶ୍ୟକ ସମୟରେ ପାଣି ମିଳୁ ନାହୁଁ ବୋଲି ସେମାନେ କହିଛନ୍ତି । ଜମିକୁ ପାଣି ମାଡ଼ିବା ଦୂରର କଥା, କେବଳ ଚାଷୀଙ୍କ ଆଖିରୁ ଲୁହ ଝରୁଛି। ମରୁଡ଼ିଜନିତ କ୍ଷୟକ୍ଷତିର ଶିକାର ହୋଇ ଚାଷୀଙ୍କ ଆର୍ଥିକ ମେରୁଦଣ୍ଡ ଦୋହଲି ଯାଉଛି । ଏଭଳି ସ୍ଥିତିରେ ଟିଏସି ବ୍ୟବସ୍ଥା ଯଦି ଉପଯୁକ୍ତ ଭାବେ କାର୍ଯ୍ୟକାରୀ ହେବ ଏମ୍‌ଆଇପିରେ ଜଳସେଚନ ସମସ୍ୟା ରହିବ ନାହିଁ ବୋଲି ମତ ପ୍ରକାଶ ପାଇଛି। ଏହି କମିଟିରେ ଜଳସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ ଅଧ୍ୟକ୍ଷ ରହିଥିବାବେଳେ ପ୍ଲାନିଂ ଆଣ୍ଡ ଡିଜାଇନ ବିଭାଗର ସର୍ବୋଚ୍ଚ ଯନ୍ତ୍ରୀ କୋ-ଅଧ୍ୟକ୍ଷ ଭାବେ ରହିଛନ୍ତି। ଏହାବାଦ ସଭ୍ୟ ଭାବେ ପ୍ଲାନିଂ, ଡିଜାଇନିଂ, ସର୍ଭେ ଆଣ୍ଡ ଇନଭେଷ୍ଟିଗେଶନ, ମନିଟରିଂ ପ୍ରଭୃତି ବିଭାଗର ଚିଫ୍‌ ଇଞ୍ଜିନିୟର ସଭ୍ୟ ରହିଛନ୍ତି।
ଏ ସଂକ୍ରାନ୍ତରେ ଏମ୍‌ଆଇପିର ନିର୍ବାହୀ ଯନ୍ତ୍ରୀ ଜି. ରାମକୃଷ୍ଣନ୍‌ଙ୍କୁ ପଚାରିବାରୁ ସେ କହିଛନ୍ତି, ନିର୍ଦ୍ଧାରିତ ପରିମାଣରେ ଜଳସେଚନ କରିବାକୁ ବିଭାଗ ପକ୍ଷରୁ ଆବଶ୍ୟକ ପଦକ୍ଷେପ ନିଆଯାଉଛି। ଏଥିରେ କୌଣସି ଅନିୟମିତତା ହେଉନାହିଁ ।


Enter your email to get our daily news in your inbox.

All Right Reserved By Dharitri.Com

ଛେଳିକୁ ଗିଳିଦେଲା ଅଜଗର

ଖଲ୍ଲିକୋଟ,୨୧ା୭(ପ୍ରଶାନ୍ତ କୁମାର ମିଶ୍ର): ଗଞ୍ଜାମ ଜିଲା ଖଲ୍ଲିକୋଟ ଏନ୍‌ଏସିର ୮ ନମ୍ବର ଓ୍ବାର୍ଡ ଶ୍ୟାମସୁନ୍ଦରପୁରରେ ରବିବାରରେ ଏକ ଛେଳିକୁ ଅଜଗର ସାପ ଗିଳି ଦେଇଥିବା ଦେଖିବାକୁ...

ଏଣିକି ଯାଞ୍ଚ ହେବ ସ୍କୁଲ ବସ୍‌, ଖିଲାପ ଥିଲେ କଡ଼ା କାର୍ଯ୍ୟାନୁଷ୍ଠାନ

ଭୁବନେଶ୍ୱର,୨୧ା୭: ଏଣିକି ସ୍କୁଲ ବସ୍‌ରେ ନିୟମିତ ଯାଞ୍ଚ ହେବ। ସ୍କୁଲ ବସ୍‌ରେ ଅଗ୍ନି ନିରାପତ୍ତା ନିୟମ ପାଳନକୁ ସୁନିଶ୍ଚିତ କରିବା ଦିଗରେ ରାଜ୍ୟ ପରିବହନ ପ୍ରାଧିକରଣ...

୩ ଜଣଙ୍କୁ ଚାପିଦେଲା ଅଜଣାଗାଡ଼ି

ସୁନ୍ଦରଗଡ଼,୨୧।୭: ସୁନ୍ଦରଗଡ଼ ଜିଲା ୫୨୦ ନମ୍ବର ଜାତୀୟ ରାଜପଥ କାଲଟା ଫାଣ୍ଡି ବେଞ୍ଜାଢ଼ି ବ୍ରିଜ୍‌ରେ ରବିବାର ସନ୍ଧ୍ୟାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ଅଜଣାଗାଡ଼ି...

ଡ୍ୟାମକୁ ମାଛ ଧରିବାକୁ ଯାଇଥିଲେ: ଚାଲିଗଲା ୨ ଯୁବକଙ୍କ ଜୀବନ

ସୁନ୍ଦରଗଡ଼,୨୧।୭: ସୁନ୍ଦରଗଡ଼ ଜିଲା ବୀରମିତ୍ରପୁର ମନ୍ଦିରା ଡ୍ୟାମରେ ରବିବାର ଏକ ଅଘଟଣ ଘଟିଛି। ମାଛ ଧରିବାକୁ ଯାଇ ପାଣିରେ ବୁଡ଼ି ୨ଜଣ ଯୁବକଙ୍କ ମୃତ୍ୟୁ ଘଟିଛି।...

ସାଙ୍ଗମାନଙ୍କ ସହ ପାହାଡ଼ ଉପରକୁ ବୁଲିବା ପାଇଁ ଯାଇଥିଲେ ଯୁବକ, ଖସିପଡ଼ି ଚାଲିଗଲା ଜୀବନ

ରାଇକିଆ,୨୧ା୭(ପ୍ରଦୀପ ବେହେରା): କନ୍ଧମାଳ ଜିଲା ରାଇକିଆ ଥାନା ମଣ୍ଡାସରଠାରୁ ୫ କିମି ଦୂର ମଣ୍ଡକୁଟି ପାହାଡ଼ ଉପରୁ ଖସିପଡ଼ି ଯୁବକଙ୍କ ଜୀବନ ଯାଇଛି। ମୃତ ଯୁବକ...

ଦୀର୍ଘବର୍ଷ ଧରି ବନ୍ଦ ହୋଇପଡ଼ିଛି ପ୍ରାଣୀ ଚିକିତ୍ସା ସହାୟକ କେନ୍ଦ୍ର

ମୋରଡ଼ା,୨୧ା୭(ସ୍ମାରକ ମାଜୀ): ମୟୂରଭଞ୍ଜ ଜିଲା ମୋରଡ଼ା ବ୍ଲକର ଜନସାଧାରଣ ପ୍ରାୟତଃ ପଶୁ ସମ୍ପଦ ଓ ଚାଷକାର୍ଯ୍ୟ ଉପରେ ନିର୍ଭର କରି ଜୀବନଯାପନ କରନ୍ତି। ଅଧିକାଂଶ ଲୋକ...

କଳାହାଣ୍ଡିରେ ଝାଡ଼ାବାନ୍ତି: ଗାଁରେ ଡେରା ପକାଇଲା ମେଡ଼ିକାଲ ଟିମ୍‌

କୋକସରା,୨୧।୭(ଦୁଷ୍ମନ୍ତ କୁମାର ପାଟ୍ଟଯୋଷୀ): କଳାହାଣ୍ଡି ଜିଲା କୋକସରା ବ୍ଲକ ଖୁଣ୍ଟିଆ ପଞ୍ଚାୟତ ଡଙ୍ଗରିପଡା ଗ୍ରାମରେ ଗତ କିଛିଦିନ ହେବ ଝାଡ଼ାବାନ୍ତି ବ୍ୟାପୁଥିବା ଦେଖିବାକୁ ମିଳିଛି। ଗ୍ରାମର...

ଗଛ ଉପୁଡ଼ି ମୁଖ୍ୟରାସ୍ତାରେ ପଡ଼ିଲା, ଯାତାୟାତ ବାଧାପ୍ରାପ୍ତ

ମାଥିଲି,୨୧ା୭(ସୁବାସ ଚନ୍ଦ୍ର ଖୁଡୁପିଆ): ମୁଖ୍ୟ ରାସ୍ତା ଲଗାଣ ବର୍ଷା ଯୋଗୁ ମାଲକାନଗିରି ଜିଲା ମାଥିଲି ବ୍ଲକଠାରୁ କିଆଙ୍ଗ ଓ ଛତିଶଗଡ଼କୁ ସଂଯୋଗ କରୁଥିବା କୋରାପଲ୍ଲୀ ଗଁା...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri