ନୂଆଦିଲ୍ଲୀ,୧।୮: ଶୁକ୍ରବାର ଓଭାଲରେ ଖେଳାଯାଉଥିବା ୫ମ ଟେଷ୍ଟର ଦ୍ୱିତୀୟ ଦିନ। ମ୍ୟାଚ ଆରମ୍ଭ ହେବା ମାତ୍ରେ ଭାରତ ପକ୍ଷରୁ କରୁଣ ନାୟାର ଏବଂ ୱାଶିଂଟନ ସୁନ୍ଦର ପଡ଼ିଆକୁ ଆସିଥିଲେ। ଇଂଲଣ୍ଡ ଟିମ୍ ମଧ୍ୟ ପଡ଼ିଆକୁ ଫିଲ୍ଡିଂ କରିବାକୁ ଆସିଥିଲେ। ଏହି ସମୟରେ, ଇଂଲଣ୍ଡ ଟିମ୍ ହ୍ବାଇଟ ହେୟାର ବ୍ୟାଣ୍ଡ ପିନ୍ଧିଥିବା ଦେଖାଯାଇଥିଲା। ଏହାକୁ ଦେଖି ପ୍ରଶଂସକଙ୍କ ମନରେ ପ୍ରଶ୍ନ ଉଠିଥିଲା ଯେ ସମସ୍ତ ଖେଳଳା ଏପରି କାହିଁକି କଲେ। ସାଧାରଣତଃ, ଯେତେବେଳେ କିଛି ଦୁଃଖଦ ଘଟଣା ଘଟେ, ଦଳ କଳା ପଟି ପିନ୍ଧି ପଡ଼ିଆକୁ ଆସନ୍ତି।
ପ୍ରକୃତରେ, ଆଜି ଇଂଲଣ୍ଡର ପୂର୍ବତନ ମଧ୍ୟକ୍ରମ ବ୍ୟାଟସମ୍ୟାନ ଗ୍ରାହାମ ଥର୍ପଙ୍କ ଜନ୍ମଦିନ। ସେ ମୁଣ୍ଡରେ ପଟି କିମ୍ବା ରୁମାଲ ରଖି ଖେଳୁଥିଲେ। ତେଣୁ ପୁରା ଟିମ୍ ତାଙ୍କ ସ୍ମୃତିରେ ଏହା କରୁଛି। ପ୍ରକୃତରେ, ୧ ଅଗଷ୍ଟ ୧୯୬୯ରେ ଜନ୍ମଗ୍ରହଣ କରିଥିବା ଗ୍ରାହାମ ଥର୍ପଙ୍କ ମୃତ୍ୟୁ ୪ ଅଗଷ୍ଟ ୨୦୨୪ରେ ହୋଇଥିଲା। ୪ ଅଗଷ୍ଟ ୨୦୨୪ ସକାଳେ ସରେର ଏଶର୍ ରେଳ ଷ୍ଟେଶନରେ ଟ୍ରେନରେ ଧକ୍କା ହେବା ଯୋଗୁ ତାଙ୍କର ମୃତ୍ୟୁ ହୋଇଥିଲା। ଥର୍ପ ବହୁ ବର୍ଷ ଧରି ଡିପ୍ରେସନ ଏବଂ ଚିନ୍ତା ସହିତ ଲଢ଼ୁଥିଲେ। ଯଦି ଆମେ ଗ୍ରାହାମ ଥର୍ପଙ୍କ କ୍ୟାରିୟର ଉପରେ ନଜର ପକାଇବା, ତେବେ ସେ ୧୦୦ଟି ଟେଷ୍ଟ ମ୍ୟାଚ ଖେଳିଥିଲେ। ୧୯୯୩ ମସିହା ଜୁଲାଇରେ ଟେଷ୍ଟ ଡେବ୍ୟୁ କରିଥିବା ଗ୍ରାହାମ ଥର୍ପ ୧୭୯ ଇନିଂସରେ ୪୪.୬୬ ହାରରେ ଏବଂ ୪୫.୮୯ ଷ୍ଟ୍ରାଇକ ରେଟ ସହିତ ୬୭୪୪ ରନ କରିଥିଲେ। ଏହି ସମୟରେ ସେ ୩୯ଟି ଅର୍ଦ୍ଧଶତକ ଏବଂ ୧୯ଟି ଶତକ ହାସଲ କରିଥିଲେ।
ଗ୍ରାହାମ ତାଙ୍କ କ୍ୟାରିୟରରେ ୮୨ଟି ଦିନିକିଆ ମଧ୍ୟ ଖେଳିଥିଲେ। ଏହି ଫର୍ମାଟର ୭୭ ଇନିଂସରେ ସେ ୩୭.୧୮ ହାରରେ ଏବଂ ୭୧.୧୭ ଷ୍ଟ୍ରାଇକ ରେଟ ସହିତ ୨୩୮୦ ରନ କରିଥିଲେ। ସେ ଦିନିକିଆରେ କୌଣସି ଶତକ କରିପାରି ନଥିଲେ। ଏହି ଫର୍ମାଟରେ ତାଙ୍କ ନାମରେ ୨୧ଟି ଅର୍ଦ୍ଧଶତକ ଅଛି। ଏହା ସହିତ, ତାଙ୍କର ସର୍ବୋତ୍ତମ ସ୍କୋର ହେଉଛି ୮୯ ରନ।
Today would have been Graham Thorpe’s 56th birthday.
Today we remember Thorpey and his incredible contribution to cricket and the cricketing community.
A Day for Thorpey ❤️ pic.twitter.com/JTQpnLD1oa
— England Cricket (@englandcricket) August 1, 2025
