ମୁମ୍ବାଇ: ବଲିଉଡ୍ର ଦକ୍ଷ ତଥା ସୁନ୍ଦର ଅଭିନେତ୍ରୀ ସୋନାଲି ବେନ୍ଦ୍ରେ ୯୦ ଦଶକରେ ଦର୍ଶକଙ୍କ ହୃଦୟରେ ରାଜ୍ କରୁଥିଲେ। ସେ ତାଙ୍କ ସମୟରେ ଅନେକ ହିଟ୍ ଫିଲ୍ମରେ ଅଭିନୟ କରିଛନ୍ତି। ଅଜୟଙ୍କ ସହ ତାଙ୍କର କେମିଷ୍ଟ୍ରି ବହୁତ ପସନ୍ଦ ଆସିଥିଲା। ଜଣେ ପାକିସ୍ତାନୀ କ୍ରିକେଟର ତାଙ୍କ ସୌନ୍ଦର୍ଯ୍ୟ ପାଇଁ ଏତେ ପାଗଳ ଥିଲେ ଯେ, ସେ ତାଙ୍କ ଫଟୋକୁ ନିଜ ପର୍ସରେ ରଖୁଥିଲେ। ଏହି ପାକିସ୍ତାନୀ କ୍ରିକେଟର ଜଣଙ୍କ ସୋନାଲିଙ୍କ ବଡ଼ ପ୍ରଶଂସକ ଥିଲେ। ତାଙ୍କୁ ବିବାହ କରିବାକୁ ମଧ୍ୟ ଚାହୁଁଥିଲେ। ତେବେ ଜାଣନ୍ତୁ ଏହି କ୍ରିକେଟରଙ୍କ ସମ୍ପର୍କରେ…
ସୋନାଲି ତାଙ୍କ କ୍ୟାରିୟରରେ ଅନେକ ସୁପରହିଟ୍ ଫିଲ୍ମରେ କାମ କରିଛନ୍ତି। ସେ ଏମିତି ଜଣେ ଅଭିନେତ୍ରୀ, ଯିଏକି ବଲିଉଡ୍ ଇଣ୍ଡଷ୍ଟ୍ରିର ତିନି ଖାନ ଯଥା ଶାହାରୁଖ, ସଲମାନ ଏବଂ ଅମୀରଙ୍କ ସହ ଫିଲ୍ମରେ କାମ କରିଛନ୍ତି। ସେତେବେଳେ ଅନେକ ଲୋକ ସୋନାଲିଙ୍କ ପାଇଁ ପାଗଳ ଥିଲେ। କିନ୍ତୁ ସୋନାଲି ଫିଲ୍ମ ନିର୍ମାତା ଗୋଲ୍ଡି ବେହଲଙ୍କୁ ବିବାହ କରିଥିଲେ।
ସେହି କ୍ରିକେଟର ଜଣକ ଶୋଏବ ଅଖତରଙ୍କ ବ୍ୟତୀତ ଆଉ କେହି ନ ଥିଲେ। ଯିଏ ସେହି ସମୟରେ ସୋନାଲିଙ୍କୁ ବହୁତ ପସନ୍ଦ କରୁଥିଲେ। ସେ ତାଙ୍କର ଏକ ସାକ୍ଷାତକାରରେ ମଧ୍ୟ ପ୍ରକାଶ କରିଥିଲେ ଯେ, ସେ ସୋନାଲିଙ୍କୁ ବହୁତ ପସନ୍ଦ କରନ୍ତି। ସେ ତାଙ୍କୁ ବିବାହ କରିବା ପାଇଁ ମଧ୍ୟ ନିଷ୍ପତ୍ତି ନେଇଥିଲେ। ତାଙ୍କ ପ୍ରସ୍ତାବକୁ ଗ୍ରହଣ କରିବା ପାଇଁ ସେ କିଛି କରିବାକୁ ପ୍ରସ୍ତୁତ ବୋଲି ସେ କହିଥିଲେ। ସେ ଅଭିନେତ୍ରୀଙ୍କୁ ଏତେ ପସନ୍ଦ କରିଥିଲେ ଯେ, ସେ କହିଥିଲେ, ଯଦି ସେ ତାଙ୍କ ପ୍ରସ୍ତାବକୁ ପ୍ରତ୍ୟାଖ୍ୟାନ କରନ୍ତି ତେବେ ସେ ତାଙ୍କୁ ଅପହରଣ କରିନେବେ। ପ୍ରକୃତରେ ସେ ଅନେକ ସମୟରେ ଏପରି ଥଟ୍ଟା କରୁଥିଲେ। ପାକିସ୍ତାନୀ କ୍ରିକେଟରଙ୍କ ଏହି ବିବୃତ୍ତି ସେତେବେଳେ ବହୁତ ଭାଇରାଲ ହୋଇଥିଲା।
ଏକ ରିପୋର୍ଟ ଅନୁଯାୟୀ, ଶୋଏବଙ୍କ ସାଥୀମାନେ ମଧ୍ୟ ଜାଣିଥିଲେ ଯେ, ସେ ଅଭିନେତ୍ରୀଙ୍କୁ ବହୁତ ପସନ୍ଦ କରନ୍ତି। କେବଳ ଏତିକି ନୁହେଁ ଅନେକ ରିପୋର୍ଟରେ ମଧ୍ୟ କୁହାଯାଇଛି, ଶୋଏବ ସୋନାଲିଙ୍କ ଫଟୋକୁ ନିଜ ପର୍ସରେ ରଖୁଥିଲେ। କିନ୍ତୁ ପରେ ପାକିସ୍ତାନୀ କ୍ରିକେଟର ନିଜେ ସେ ବିଷୟରେ କିଛି କହିବାକୁ ମନା କରିଦେଇଥିଲେ ଯେ ସେପରି କିଛି ନାହିଁ। ସେ ଆହୁରି ମଧ୍ୟ କହିଛନ୍ତି, ସେ ଭାରତ ବନାମ ପାକିସ୍ତାନ ମ୍ୟାଚ ସମୟରେ ସୋନାଲିଙ୍କୁ ଭେଟିଥିଲେ ଏବଂ ଦୁର୍ଭାଗ୍ୟବଶତଃ ଏହା ସେମାନଙ୍କର ପ୍ରଥମ ଏବଂ ଶେଷ ସାକ୍ଷାତ ଥିଲା।
ପରେ ସୋନାଲି ଗୋଲ୍ଡିଙ୍କୁ ବିବାହ କରିଥିଲେ। ସେମାନଙ୍କର ବନ୍ଧୁତା ଏକ ପାର୍ଟିରେ ହୋଇଥିଲା। ୧୯୯୮ରେ ଗୋଲ୍ଡି ସୋନାଲିଙ୍କୁ ପ୍ରସ୍ତାବ ଦେଇଥିଲେ ଏବଂ ପ୍ରସ୍ତାବର ୪ ବର୍ଷ ପରେ ଦୁହେଁ ବିବାହ କରିଥିଲେ। ବୃତ୍ତି ଅନୁଯାୟୀ, ଗୋଲ୍ଡି ଜଣେ ଫିଲ୍ମ ନିର୍ମାତା। ସେ ‘ଅଙ୍ଗାରେ’, ‘ବାସ ଇତ୍ନା ସା ଖଓ୍ବାବ ହୈ’ ଏବଂ ‘ଲଣ୍ଡନ ପ୍ୟାରିସ ନ୍ୟୁୟର୍କ’ ଭଳି ଫିଲ୍ମର ନିର୍ଦ୍ଦେଶନା ଦେଇଛନ୍ତି। ଉଭୟଙ୍କର ରଣବୀର ନାମକ ଏକ ପୁଅ ବି ଅଛନ୍ତି।
