ସାରା ବିଶ୍ୱରେ ଅନେକ ପ୍ରଜାତିର ସାପ ଅଛନ୍ତି, ସେମାନଙ୍କ ମଧ୍ୟରୁ କେତେକ ଶାନ୍ତିପୂର୍ଣ୍ଣ ଏବଂ କେତେକ ଅତ୍ୟନ୍ତ ଭୟାନକ। କିଛି ଲୋକ ସାପ ବିଷୟ ଉଠିଲା ମାତ୍ରେ ଭୟଭୀତ ହୁଅନ୍ତି। କିନ୍ତୁ କିଛି ଲୋକ ଅଛନ୍ତି ସାପଙ୍କ ସହ ବନ୍ଧୁତ୍ୱପୂର୍ଣ୍ଣ ଭାବେ ନଜର ଆସନ୍ତି। ନିକଟରେ ଏମିତି ଏକ ଭିଡିଓ ଭାଇରାଲ ହୋଇଛି। ଭିଡିଓରେ ଜଣେ ବ୍ୟକ୍ତି ପ୍ରଥମେ ସାପର କପାଳକୁ ଚୁମ୍ବନ ଦେଇଥାଏ ଏବଂ ତା’ପରେ ଆରାମରେ ସାପର କାତିକୁ ହାତରେ କାଢୁଥିବାର ଦେଖାଯାଏ। ଭିଡିଓରେ ଥିବା ବ୍ୟକ୍ତିଙ୍କ ଏହି ଭୟାନକ କାର୍ଯ୍ୟକୁ ଦେଖି ନିଶ୍ଚିତ ଭାବରେ ଲୋମ ଟାଙ୍କୁରି ଉଠିବ।
ଭିଡିଓରେ ଏହା ଦେଖିବାକୁ ମିଳେ ଯେ, ଜଣେ ବ୍ୟକ୍ତି କିପରି ନିଜ ହାତରେ ସାପର କାତି ହଟାଉଛନ୍ତି। ଏଥିପାଇଁ ସର୍ବପ୍ରଥମେ ସେ ସାପର କାତିକୁ ପାଟି ପାଖରେ ଧରି ରଖନ୍ତି ଏବଂ ପରେ ଧୀରେ ଧୀରେ ଏହାକୁ ବାହାର କରିବା ଆରମ୍ଭ କରନ୍ତି। ଏହି ସମୟରେ ସାପ ମଧ୍ୟ ଚର୍ମକୁ ସଙ୍କୁଚିତ କରୁଥିବା ଦେଖାଯାଏ। ସାପର ଶୈଳୀକୁ ଦେଖିଲେ ଲାଗୁଛି ଯେପରି ସେ ମଧ୍ୟ ଚାହୁଁଛି ଯେ ବ୍ୟକ୍ତି ଜଣକ ସହଜରେ ତା’ କାତି ଛଡାଇ ଦିଅନ୍ତୁ। ବ୍ୟକ୍ତି ଜଣକ ବର୍ଷ ବର୍ଷ ଧରି ପୋଷା ସାପକୁ କାତି ଛଡାଇବାରେ ସାହାଯ୍ୟ କରିଆସୁଛନ୍ତି।
ଏହା କୁହାଯାଉଛି ଯେ ଏହା ଏକ ଇଷ୍ଟର୍ନ ଇଣ୍ଡିଗୋ ଚର୍ମ, ଯାହା ବିଷାକ୍ତ ନୁହେଁ ଏବଂ ଆମେରିକାରେ ମିଳିଥାଏ। ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ @therealtarzann ନାମକ ଏକ ଆକାଉଣ୍ଟରେ ଶେୟାର କରାଯାଇଛି।
View this post on Instagram
