ଲକ୍ଷ୍ନୌ,୨୪ା୫: ଲୋକ ସଭା ନିର୍ବାଚନର ଷଷ୍ଠ ପର୍ଯ୍ୟାୟରେ ଉତ୍ତରପ୍ରଦେଶର ୧୪ଟି ଆସନରେ ଶନିବାର ନିର୍ବାଚନ ଅନୁଷ୍ଠିତ ହେବ। ଏହି ସମୟରେ ଏକ ଫଟୋ ସାମ୍ନାକୁ ଆସିଛି। ଯାହା ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ଟେନ୍ସନ୍କୁ ବଢ଼ାଇ ଦେଇଛି। ସମାଜବାଦୀ ପାର୍ଟିର ବିଧାୟିକା ପୂଜା ପାଲ୍ ଭାଜପା ପାଇଁ ପ୍ରଚାର କରିଛନ୍ତି। ଭାଜପା ନିର୍ବାଚନ କାର୍ଯ୍ୟକ୍ରମରେ ପୂଜା ଅଂଶଗ୍ରହଣ କରିଛନ୍ତି।
ପୂଜା ଦୀର୍ଘ ଦିନ ଧରି ଭାଜପା କର୍ମୀଙ୍କ ସହ ନଜର ଆସୁଥିବା ଦେଖିବାକୁ ମିଳୁଥିଲା। ସେ ପ୍ରୟାଗର ଚକିଆ ଅଞ୍ଚଳରେ ରୋଡ୍ ଗାର୍ଡେନ୍ରେ ଆୟୋଜିତ ଭାଜପାର ବୁଥ୍ସ୍ତରୀୟ କର୍ମୀ ସମ୍ମିଳନୀରେ ଉପସ୍ଥିତ ଥିଲେ। ପୂଜା ଏଠାରେ ମଧ୍ୟ ଭାଜପା କର୍ମୀଙ୍କ ସହ ଫଟୋ ଉଠାଇଥିଲେ। ସୋସିଆଲ ମିଡିଆରେ ଏହି ସମୟର କିଛି ଫଟୋ ଭାଇରାଲ ହେବାରେ ଲାଗିଛି, ଯଦିଓ ପୂଜାଙ୍କ ପକ୍ଷରୁ କୌଣସି ମତାମତ ପ୍ରକାଶ ପାଇନାହିଁ। ଏହି ସମ୍ମିଳନୀରେ ପୂଜାଙ୍କ ଉପସ୍ଥିତିକୁ ଭାଜପା ଅଧିକାରୀମାନେ ମଧ୍ୟ ସ୍ବୀକାର କରିଛନ୍ତି।
