ଚେନ୍ନାଇ,୧୪।୨: ଭାରତ ଏବଂ ଇଂଲଣ୍ଠ ମଧ୍ୟ ଦ୍ୱିତୀୟ ଟେଷ୍ଟ ଚେନ୍ନାଇରେ ଖେଳାଯାଉଛି। ପ୍ରଥମ ଇନିଂସରେ ଭାରତର ୩୨୯ ରନ୍ ଜବାବରେ ଇଂଲଣ୍ଡ ପ୍ରଥମ ଇନିଂସରେ ୧୩୪ ରନ ସଂଗ୍ରହ କରିଥିଲା। ଏହି ପରିପ୍ରେକ୍ଷୀରେ ଭାରତ ପ୍ରଥମ ଇନିଂସରେ ୧୯୫ରନର ଆଗୁଆ ରହିଛି। ଇଂଲଣ୍ଡ ପାଇଁ ଉଇକେଟ କିପର ବ୍ୟାଟ୍ସମ୍ୟାନ ବେନ ଫକ୍ସ ସର୍ବାଧିକ ଅପରାଜିତ ୪୨ ରନ ସଂଗ୍ରହ କରିଥିଲେ। ଭାରତ ପାଇଁ ରବିଚନ୍ଦ୍ରନ ଅଶ୍ୱିନ ୪୩ ରନ ପାଇଁ ୫ଟି ଉଇକେଟ ନେଇଥିଲେ। ଅକ୍ଷର ପଟେଲ ଏବଂ ଇଶାନ୍ତ ଶର୍ମା ଦୁଇଟି ଲେଖାଏ ଉଇକେଟ ନେଇଥିବାବେଳେ ମହମ୍ମଦ ସିରାଜ ଗୋଟିଏ ଉଇକେଟ ନେଇଥିଲେ। ପ୍ରଥମ ଟେଷ୍ଟରେ ନଅ ଉଇକେଟ ନେଇଥିବା ଅଶ୍ୱିନ ଚେନ୍ନାଇ ଟେଷ୍ଟରେ ଅନେକ ରେକର୍ଡ ଭାଙ୍ଗିଛନ୍ତି। ସେ ୫ଟି ଉଇକେଟ ନେଇ ଦକ୍ଷିଣ ଆଫ୍ରିକାର ଦ୍ରୁତ ବୋଲର ମାଖାୟା ଆଣ୍ଟିନି ଏବଂ ପୂର୍ବତନ ଭାରତୀୟ ସ୍ପିନର ହରଭଜନ ସିଂଙ୍କୁ ପଛରେ ପକାଇତତ୍ଲେ। ରବିଚନ୍ଦ୍ରନ ଅଶ୍ୱିନ ଏପର୍ଯ୍ୟନ୍ତ ୭୬ଟି ଟେଷ୍ଟ ମ୍ୟାଚରେ ୩୯୧ ଉଇକେଟ ନେଇଛନ୍ତି। ସର୍ବାଧିକ ଉଇକେଟ ଦୃଷ୍ଟିରୁ ସେ ୧୭ ନମ୍ବରରେ ଅଛନ୍ତି। ଦକ୍ଷିଣ ଆଫ୍ରିକାର ଦ୍ରୁତ ବୋଲର ମାଖାୟା ଆଣ୍ଟିନିଙ୍କୁ ଟେଷ୍ଟରେ ୩୯୦ ଉଇକେଟ ନେଇଥିଲେ। ଭାରତରେ ସର୍ବାଧିକ ଉଇକେଟ ନେଇ ରବିଚନ୍ଦ୍ରନ ଅଶ୍ୱିନ ହରଭଜନ ସିଂଙ୍କୁ ପଛରେ ପକାଇ ଦେଇଛନ୍ତି।
ଅଶ୍ୱିନ ଘରୋଇ ମାଟିରେ ୪୫ଟି ଟେଷ୍ଟରେ ୨୬୮ ଉଇକେଟ ନେଇଥିବାବେଳେ ହରଭଜନ ୫୫ଟି ଟେଷ୍ଟରେ ୨୬୫ ଉଇକେଟ ନେଇଛନ୍ତି। ଏହି ମାମଲାରେ ଅନିଲ କୁମ୍ବଲେ ଏକ ନମ୍ବର ସ୍ଥାନରେ ଅଛନ୍ତି। ସେ ୬୩ଟି ଟେଷ୍ଟରେ ୩୫୦ ଉଇକେଟ ନେଇଛନ୍ତି। ଭାରତରୁ ସର୍ବାଧିକ ଉଇକେଟ ନେଇ ଅଶ୍ୱିନ ଚତୁର୍ଥ ସ୍ଥାନରେ ଅଛନ୍ତି। ସେମାନଙ୍କ ଅପେକ୍ଷା କେବଳ ଅନିଲ କୁମ୍ବଲେ (୬୧୯), କପିଲ ଦେବ (୪୩୪) ଏବଂ ହରଭଜନ ସିଂ (୪୧୭) ଅଧିକ ଉଇକେଟ ନେଇଛନ୍ତି। ଅଶ୍ୱିନଙ୍କ ଫର୍ମକୁ ଦେଖିଲେ ଏହା କୁହାଯାଇପାରେ ଯେ ସେ ଏହି ଟେଷ୍ଟ ସିରିଜରେ ୪୦୦ ଉଇକେଟ ନେଇ ରେକର୍ଡ ଗ୍ରହଣ କରିବେ। ଟେଷ୍ଟ କ୍ରିକେଟରେ ୨୯ତମ ଥର ପାଇଁ ରବିଚନ୍ଦ୍ରନ ଅଶ୍ୱିନ ଏକ ଇନିଂସରେ ୫କିମ୍ବା ଅଧିକ ଉଇକେଟ ନେଇଛନ୍ତି। ସେ ଗ୍ଲେନ ମ୍ୟାକଗ୍ରାଥଙ୍କ ସହ ସମାନ ହୋଇଥିଲେ। କେବଳ ଅଶ୍ୱିନଙ୍କଠାରୁ ଆଗରେ ଅଛନ୍ତି ମୁଥିୟା ମୁରଲୀଥରନ (୬୭), ସେନ୍ ୱାର୍ନ (୩୭), ଅନିଲ କୁମ୍ବଲେ (୩୫) ଏବଂ ଜେମ୍ସ ଏଣ୍ଡସନ (୩୦)। ଏହା ବ୍ୟତୀତ ଅଶ୍ୱିନ ୭ଥର ଗୋଟିଏ ମ୍ୟାଚରେ ୧୦ କିମ୍ବା ଅଧିକ ଉଇକେଟ ନେଇଛନ୍ତି।