ଇସଲାମାବାଦ,୨୯।୧୧: ପାକିସ୍ତାନ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ ଡିସେମ୍ବର ୧ରୁ ଆରମ୍ଭ ହେବାକୁ ଯାଉଛି। ଏହି ସିରିଜ ପାଇଁ ଇଂଲଣ୍ଡ ଦଳ ପାକିସ୍ତାନରେ ପହଞ୍ଚିଛି। ସିରିଜ ପୂର୍ବରୁ ଇଂଲଣ୍ଡ ଅଧିନାୟକ ତାଙ୍କର ଗୋଟିଏ ପଦକ୍ଷେପ ସହିତ ସମସ୍ତଙ୍କ ହୃଦୟ ଜିତିଛନ୍ତି। ସେ ପାକିସ୍ତାନରେ ବନ୍ୟା ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ ତାଙ୍କ ମ୍ୟାଚ ଫି ଦାନ କରିବାକୁ ନିଷ୍ପତ୍ତି ନେଇଛନ୍ତି।
ଡିସେମ୍ବର ୧ରୁ ପାକିସ୍ତାନ ଏବଂ ଇଂଲଣ୍ଡ ମଧ୍ୟରେ ତିନି ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳାଯିବ। ଏହି ସମୟ ମଧ୍ୟରେ ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସଙ୍କୁ ଯାହା ମ୍ୟାଚ ଫି ଦିଆଯିବ, ସେ ପାକିସ୍ତାନରେ ବନ୍ୟା ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ ଏହାକୁ ଦାନ କରିବେ। ଷ୍ଟୋକ୍ସ ତାଙ୍କ ଅଫିସିଆଲ ଟୁଇଟର ଆକାଉଣ୍ଟ ମାଧ୍ୟମରେ ଏହି ସୂଚନା ଦେଇଛନ୍ତି।
ମ୍ୟାଚ ଫି ଦାନ ବିଷୟରେ ସୂଚନା ଦେଇ ଷ୍ଟୋକ୍ସ ଟୁଇଟରରେ ଲେଖିଛନ୍ତି, ମୁଁ ଟେଷ୍ଟ ସିରିଜର ମ୍ୟାଚ ଫି ପାକିସ୍ତାନରେ ବନ୍ୟା ପୀଡିତଙ୍କୁ ଦାନ କରୁଛି। ଏହା ବ୍ୟତୀତ ବେନ ଷ୍ଟୋକ୍ସ ଏକ ନୋଟ ମଧ୍ୟ ଶେୟାର କରିଛନ୍ତି। ସେ ତାଙ୍କ ନୋଟରେ ଲେଖିଛନ୍ତି, ଟେଷ୍ଟ ସିରିଜ ପାଇଁ ୧୭ ବର୍ଷ ପରେ ପାକିସ୍ତାନ ଆସିବା ଅତ୍ୟନ୍ତ ରୋମାଞ୍ଚକର। ଏଠାରେ ରହିବା ବହୁତ ଭଲ ଅଟେ। ଚଳିତ ବର୍ଷ ଆରମ୍ଭରେ ପାକିସ୍ତାନରେ ଆସିଥିବା ବନ୍ୟା ଦେଖି ଦୁଃଖିତ, ଏହା ଦେଶର ଲୋକଙ୍କ ଉପରେ ବହୁତ ପ୍ରଭାବ ପକାଇଥିଲା। କ୍ରୀଡା ମୋ ଜୀବନରେ ବହୁତ କିଛି ଦେଇଛି। ମୁଁ ଭାବୁଛି କ୍ରିକେଟ ବ୍ୟତୀତ କିଛି ଫେରାଇବା ଠିକ। ପାକିସ୍ତାନରେ ବନ୍ୟା ପୀଡିତଙ୍କୁ ସାହାଯ୍ୟ କରିବା ପାଇଁ ମୁଁ ଏହି ଟେଷ୍ଟ ସିରିଜରେ ମିଳିଥିବା ମ୍ୟାଚ ଫି ଦାନ କରିବି।