ଆଣ୍ଟିଗୁଆ,୨।୨: ୱେଷ୍ଟଇଣ୍ଡିଜରେ ଖେଳାଯାଉଥିବା ଅଣ୍ଡର -୧୯ ବିଶ୍ୱକପରେ ଅନେକ ମହାନ ମ୍ୟାଚ ଦେଖିବାକୁ ମିଳିଥିଲା। ଟୁର୍ନାମେଣ୍ଟ ବର୍ତ୍ତମାନ ଶେଷ ହେବାକୁ ଯାଉଛି ଏବଂ ମଙ୍ଗଳବାରଠାରୁ ସେମିଫାଇନାଲ ପର୍ଯ୍ୟାୟ ଆରମ୍ଭ ହେଉଛି। ପ୍ରଥମ ସେମିଫାଇନାଲରେ ଇଂଲଣ୍ଡ ଏବଂ ଆଫଗାନିସ୍ତାନର ଦଳ ବୁଧବାର ଦ୍ୱିତୀୟ ସେମିଫାଇନାଲରେ ଭାରତ ଏବଂ ଅଷ୍ଟ୍ରେଲିଆର ଦଳ ମୁକାବିଲା କରିବେ।
ଏହି ସମୟରେ, ଜାନୁଆରୀ ୩୦ରେ, ଆଉ ଏକ ରୋମାଞ୍ଚକର ମ୍ୟାଚ ଖେଳାଯାଇଥିଲା। ଏଥିରେ ଶ୍ରୀଲଙ୍କା ଏବଂ ଦକ୍ଷିଣ ଆଫ୍ରିକାର ଅଣ୍ଡର -୧୯ ଦଳ ମୁହାଁମୁହିଁ ହୋଇଥିଲେ। ଏହି ମ୍ୟାଚ୍ରେ ଶ୍ରୀଲଙ୍କା ଦକ୍ଷିଣ ଆଫ୍ରିକାକୁ ୬୫ ରନରେ ପରାସ୍ତ କରିଛି। ପରାଜୟ ସତ୍ତ୍ୱେ ଆଫ୍ରିକୀୟ ଦଳ ପ୍ରଶଂସକଙ୍କ ହୃଦୟ ଜିତିଥିଲେ। ଏହି ମ୍ୟାଚରେ ଆଫ୍ରିକାର ଆଣ୍ଡାଇଲ ସିମିଲାନେ ଦ୍ୱିତୀୟ ସ୍ଲି ରେ ସାକୁନା ଲିଆନେଜଙ୍କ କ୍ୟାଚ ଧରିଥିଲେ। ଏହା ଏକ ଚମତ୍କାର କ୍ୟାଚ୍ ଥିଲା। ଶ୍ରୀଲଙ୍କା ଇନିଂସର ନବମ ଓଭରରେ ଏହା ଘଟିଛି। ମାଥ୍ୟୁ ବୋଷ୍ଟ ସେହି ସମୟରେ ବୋଲିଂ କରୁଥିଲେ। ଲିଆନେଜ ଓଭରର ତୃତୀୟ ବଲକୁ ଭଲ ଭାବରେ ପଢି ନ ପାରି କଟ କରିବା ପ୍ରୟାସରେ କ୍ୟାଚ୍ ଆଉଟ୍ ହୋଇଥିଲେ। ସିମିଲାନ ସ୍ଲିପ୍ ଚମତ୍କାର କ୍ୟାଚ ଧରିଥିଲେ। ପ୍ରଥମେ ବଲଟି ତାଙ୍କ ହାତରୁ ଖସି ପଡିଥିଲା, କିନ୍ତୁ ସେ ଏହାକୁ ଛାଡି ନ ଥିଲେ। ଏହି କ୍ୟାଚ୍ ପାଇଁ ସିମିଲାନଙ୍କୁ ବହୁତ ପ୍ରଶଂସା କରାଯାଉଛି। ତାଙ୍କ କ୍ୟାଚ୍ରଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେଉଛି।
