ଟିଭି ତଥା ଚଳଚ୍ଚିତ୍ର ଅଭିନେତ୍ରୀ କାଶ୍ମୀରା ଇରାନୀ ଖୁବଶୀଘ୍ର ମା’ ହେବାକୁ ଯାଉଛନ୍ତି। ୪୦ ବର୍ଷ ବୟସରେ ପ୍ରଶଂସକଙ୍କ ଏହି ଖୁସି ଖବର ଶେୟାର କରିଛନ୍ତି କାଶ୍ମୀରା। ସେ ଏକ ସୁନ୍ଦର ଫଟୋ ସହିତ ତାଙ୍କର ଗର୍ଭଧାରଣର ଘୋଷଣା କରିଛନ୍ତି। ଇନଷ୍ଟାଗ୍ରାମ ପୋଷ୍ଟରେ ଦୁଇଟି ନଡ଼ିଆ ଟୋପି ପିନ୍ଧିଛି। ଗୋଟିଏ ‘ମା’ ଏବଂ ଅନ୍ୟଟି ‘ବାପା’ ଏବଂ ପ୍ରତ୍ୟେକଟିରେ ଏକ ସନଗ୍ଲାସ ଲାଗିଛି। ଫଟୋ ସହିତ ଥିବା କ୍ୟାପସନରେ, କାଶ୍ମୀରା ଲେଖିଛନ୍ତି, ‘ବର୍ତ୍ତମାନର ସ୍ଥିତି’ ଏବଂ ‘ଶୀଘ୍ର ଆସୁଛି’ ହ୍ୟାସଟ୍ୟାଗ ଯୋଡିଛନ୍ତି।
କାଶ୍ମୀରା ଇରାନୀ ତାଙ୍କ ଦୀର୍ଘ ଦିନର ପ୍ରେମିକ ଅକ୍ଷତ ସକ୍ସେନାଙ୍କୁ ଫେବୃଆରୀ ୨୦୨୪ରେ ବିବାହ କରିଥିଲେ। ବିବାହର ଦୁଇ ବର୍ଷ ପରେ ଏହି ଦମ୍ପତି ସେମାନଙ୍କର ପ୍ରଥମ ସନ୍ତାନକୁ ସ୍ବାଗତ କରିବାକୁ ପ୍ରସ୍ତୁତ ହେଉଛନ୍ତି।
କାଶ୍ମୀରା ମାତ୍ର ୧୭ ବର୍ଷ ବୟସରେ ଅଭିନୟ କ୍ୟାରିୟର ଆରମ୍ଭ କରିଥିଲେ। ସେ ଗୁଗଲ, ଟାଟା ସ୍କାଏ ଏବଂ ନେରୋଲାକ ଭଳି ପ୍ରମୁଖ ବ୍ରାଣ୍ଡର ଅନେକ ବିଜ୍ଞାପନରେ ଅଭିନୟ କରିଛନ୍ତି। ସେ ୨୦୦୭-୦୮ରେ ପ୍ରସାରିତ ଟିଭି ଶୋ ‘ଅମ୍ବର ଧାରା’ ମାଧ୍ୟମରେ ପରିଚିତି ପାଇଥିଲେ।
ପରବର୍ତ୍ତୀ ସମୟରେ, ସେ ବଲିଉଡ ଚଳଚ୍ଚିତ୍ରରେ ପ୍ରବେଶ କରିଥିଲେ। ସେ ୨୦୧୭ର ଚଳଚ୍ଚିତ୍ର ‘ରଙ୍ଗୁନ’ ଏବଂ ସଲମାନ ଖାନଙ୍କ ‘ଟାଇଗର ଜିନ୍ଦା ହୈ’ରେ ଦେଖାଦେଇଥିଲେ। ନିକଟରେ ତାଙ୍କୁ ‘ମୈଁ ୱାପସ ଆଉଙ୍ଗା’ ଚଳଚ୍ଚିତ୍ରରେ ଦେଖିବାକୁ ମିଳିଥିଲା।