ନୂଆଦିଲ୍ଲୀ: ସୋମବାର ସନ୍ଧ୍ୟାରେ ଦିଲ୍ଲୀର ଲାଲକିଲ୍ଲା ନିକଟ ଏକ କାର୍ରେ ହୋଇଥିବା ଶକ୍ତିଶାଳୀ ବିସ୍ଫୋରଣରେ ୮ ଜଣଙ୍କର ମୃତ୍ୟୁ ଓ ୨୪ ଜଣ ଆହତ ହେବା ପରେ ପୁଣି ଥରେ ଦିଲ୍ଲୀରେ ଅତୀତର ଭୟଙ୍କର ବିସ୍ଫୋରଣଗୁଡ଼ିକର ସ୍ମୃତି ତାଜା ହୋଇଯାଇଛି। ସୂଚନା ମୁତାବକ, ୧୯୯୭ ମସିହା ପରଠାରୁ ଲାଲକିଲ୍ଲା ନିକଟରେ ଏହା ହେଉଛି ତୃତୀୟ ବଡ଼ ଧରଣର ବିସ୍ଫୋରଣ।
୧୯୯୭ ପରଠାରୁ ଦିଲ୍ଲୀରେ ହୋଇଥିବା ଅନ୍ୟାନ୍ୟ ପ୍ରମୁଖ ବିସ୍ଫୋରଣର ତାଲିକା
ଗତ ଦୁଇ ଦଶନ୍ଧି ମଧ୍ୟରେ ଦିଲ୍ଲୀର ଜନଗହଳିପୂର୍ଣ୍ଣ ବଜାରରୁ ଆରମ୍ଭ କରି ନ୍ୟାୟିକ ଅଞ୍ଚଳ ପର୍ଯ୍ୟନ୍ତ ଅନେକ ବିସ୍ଫୋରଣ ହୋଇଛି, ଯେଉଁଥିରେ ଅନେକ ଧନଜୀବନ ନଷ୍ଟ ହୋଇଛି:
ଜାନୁଆରୀ ୯, ୧୯୯୭: ITO ନିକଟସ୍ଥ ଦିଲ୍ଲୀ ପୋଲିସ୍ ମୁଖ୍ୟାଳୟ ସାମନାରେ ବୋମା ବିସ୍ଫୋରଣରେ ୫୦ ଆହତ।
ଅକ୍ଟୋବର ୨୯, ୨୦୦୫: ସରୋଜିନୀ ନଗର, ପାହାଡ଼ଗଞ୍ଜ ବଜାର ଏବଂ ଗୋବିନ୍ଦପୁରୀରେ ବସ୍ରେ ହୋଇଥିବା ତିନୋଟି ବିସ୍ଫୋରଣରେ ୫୯ରୁ ଅଧିକ ମୃତ ଓ ୧୦୦ରୁ ଅଧିକ ଆହତ।
ସେପ୍ଟେମ୍ବର ୧୩, ୨୦୦୮: କନଟ୍ ପ୍ଲେସ୍, କରୋଲ ବାଗ୍ ଏବଂ ଗ୍ରେଟର କୈଳାସରେ ୪୫ ମିନିଟ୍ ମଧ୍ୟରେ ୫ଟି ସିରିଏଲ୍ ବିସ୍ଫୋରଣ। ଏଥିରେ ୨୫ ମୃତ ଓ ୧୦୦ରୁ ଅଧିକ ଆହତ ହୋଇଥିଲେ।
ଡିସେମ୍ବର ୩୦, ୧୯୯୭: ପଞ୍ଜାବୀ ବାଗ ନିକଟରେ ବସ୍ରେ ବୋମା ବିସ୍ଫୋରଣରେ ୪ ମୃତ ଓ ୩୦ ଆହତ।
ମେ ୨୨, ୨୦୦୫: ଦୁଇଟି ସିନେମା ହଲ୍ରେ ସିରିଏଲ୍ ବିସ୍ଫୋରଣରେ ୧ ମୃତ ଓ ୬୦ ଆହତ।
ମେ ୨୫, ୨୦୧୧: ଦିଲ୍ଲୀ ହାଇକୋର୍ଟ ବାହାରେ କାର୍ ପାର୍କିଂରେ ସାମାନ୍ୟ ବିସ୍ଫୋରଣ (କୌଣସି ମୃତାହତ ନାହିଁ)।
