କେସିଙ୍ଗା,୧୦।୮,(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା କଲେଜ ରୋଡ଼ ମୁହାଣ ଥିବା ସୁବାଷ ଅଗ୍ରୱାଲଙ୍କ ଘରୁ ଗତ ଦୁଇ ବର୍ଷ ତଳେ ପ୍ରାୟ ଲକ୍ଷ୍ୟାଧିକ ଟଙ୍କା ସୁନା ଚୋରି ହୋଇଥିଲା। ଘରମାଳିକ ବର୍ତ୍ତମାନ କେସିଙ୍ଗାରେ ନ ରହି ଅନ୍ୟ ରାଜ୍ୟରେ ରହୁଛନ୍ତି। ଘରଟିକୁ ଭଡାରେ ଦେଇଛନ୍ତି। ଏଥର ଏହି ଭଡା ଘରେ ରହୁଥିବା ଯୁଗଳ କିଶୋର ଅଗ୍ରୱାଲଙ୍କ ଘରୁ ମଧ୍ୟ ଚୋରି ହୋଇଥିବା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। କେସିଙ୍ଗା ସହରର ୱାର୍ଡ ନମ୍ବର ୯ ର ଆମ୍ବେଦକର ଛକରୁ କଲେଜକୁ ସଂଯୋଗ କରୁଥିବା ରାସ୍ତା ନିକଟରେ ସୁବାସ ଅଗ୍ରୱାଲଙ୍କ ଘରେ ଭଡ଼ାରେ ରହୁଥିବା ଯୁଗଲ କିଶୋର ଅଗ୍ରୱାଲଙ୍କ ଘରୁ ଏକ ବଡ଼ ଧରଣର ଚୋରି ହୋଇଥିବା ସୂଚନା ମିଳିଛି l ଗତ ୩ ତାରିଖ ରେ ଯୁଗଲ ଅଗ୍ରୱାଲ ତାଙ୍କ ପରିବାର ସହ ତୀର୍ଥ ଦର୍ଶନ ପାଇଁ ଯାଇଥିଲେ । ଗତ କାଲି ରବିବାର ରାତିରେ ତାଙ୍କ ପରିବାର ଲୋକେ ଫେରିଲା ପରେ ଦେଖିଲା ବେଳକୁ ଘର ଭାଙ୍ଗି ସୁନାଗହଣା, ଟଙ୍କା ଆଦି ଚୋରି ହୋଇଥିବା ଜଣାପଡିଥିଲା। ସେମାନେ ପୋଲିସକୁ ଖବର ଦେଇଥିଲେ l ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ସନ୍ଧାନୀ କୁକୁର ଟିମ ଦ୍ୱାରା ତଦନ୍ତ ଜାରିରଖିଛନ୍ତି।