ମୁମ୍ବାଇ: ବଲିଉଡ୍ର କିଛି ଅଭିନେତ୍ରୀଙ୍କ ନାଁରେ ପ୍ରେମସମ୍ପର୍କକୁ ନେଇ ଅଧିକ ଚର୍ଚ୍ଚା ହୋଇଥାଏ। ଅର୍ଥାତ୍ ସେମାନଙ୍କର ଅନେକ ପ୍ରେମିକ ଥିଲେ। କିଛି ଅଭିନେତ୍ରୀ ବିବାହ ପରେ ଏଥିରୁ ଦୂରେଇ ଯାଇଛନ୍ତି। ସେମାନଙ୍କ ମଧ୍ୟରୁ ଅନୁଷ୍କା ଶର୍ମା, ଆଲିଆ ଭଟ୍ଟ, କରୀନା କପୁର, ପ୍ରିୟଙ୍କା ଚୋପ୍ରା, ଦୀପିକା ପାଦୁକୋନ, ବିପାଶା ବସୁଙ୍କ ନାଁ ରହିଛି।
କ୍ରିକେଟର ବିରାଟ କୋହଲିଙ୍କୁ ବିବାହ କରିବା ପୂର୍ବରୁ ଅଭିନେତ୍ରୀ ଅନୁଷ୍କା ଶର୍ମାଙ୍କ ସହ ରଣବୀର ସିଂ, ଶାହିଦ କପୁର, ଅର୍ଜୁନ କପୁର, ସୁରେଶ ରୈନା, ଜୋହେବ ୟ୍ୟୁସୁବ୍ ଏବଂ ରଣବୀର କପୁରଙ୍କ ନାଁ ଯୋଡ଼ି ହୋଇଥିଲା।
ସେହିପରି ଆଲିଆ ଭଟ୍ଟଙ୍କ ନାଁରେ ବରୁଣ ଧାଓ୍ବନ, ଅର୍ଜୁନ କପୁର, ସିଦ୍ଧାର୍ଥ ମାଲହୋତ୍ରା, କୁଇନ୍ ମିତ୍ତଲଙ୍କ ସହ ପ୍ରେମ ସମ୍ପର୍କକୁ ନେଇ ଅଧିକ ଚର୍ଚ୍ଚା ହୋଇଥିଲା।
ପ୍ରିୟଙ୍କା ଚୋପ୍ରା: ନିକ୍ ଜୋନାସଙ୍କୁ ବିବାହ କରିବା ପୂର୍ବରୁ ପ୍ରିୟଙ୍କା ନାଁ ଶାହାରୁଖ୍ ଖାନ, ଅକ୍ଷୟ କୁମାର, ଶାହିଦ କପୁର, ଅସିମ ମର୍ଚ୍ଚାଣ୍ଟ, ହରମନ୍ ବାବେଜା, ଟମ୍ ହିଡ୍ଲସନ୍ଙ୍କ ସହ ପ୍ରେମ ସମ୍ପର୍କ ଥିଲା ବୋଲି ଚର୍ଚ୍ଚା ହେଉଥିଲା।
ଦୀପିକା ପାଦୁକୋନଙ୍କ ନାଁ ନିହାର ପାଣ୍ଡ୍ୟା, ଉପେନ ପଟେଲ, ରଣବୀର କପୁର, ସିଦ୍ଧାର୍ଥ ମାଲ୍ୟା, ମୁଜ୍ମିଲ ଇମ୍ରାହିମ୍, କ୍ରିକେଟର ଏମ୍ଏସ୍ ଧୋନୀ, ଯୁବରାଜ ସିଂ ଏବଂ ରବି ଚୌହାନଙ୍କ ସହ ତାଙ୍କର ପ୍ରେମସମ୍ପର୍କକୁ ନେଇ ଖୁବ୍ ଚର୍ଚ୍ଚା ହୋଇଥିଲା।
କରୀନା କପୁରଙ୍କ ସହ ହ୍ରିତିକ୍ ରୋଶନ, ଶାହିଦ କପୁର, ଫରଦିନ ଖାନଙ୍କ ନାଁ ଚର୍ଚ୍ଚା ହେବା ପରେ କରୀନା ସୈଫ୍ ଅଲ୍ଲୀ ଖାନ୍ଙ୍କୁ ବିବାହ କରିନେଇଛନ୍ତି।
