ନୂଆଦିଲ୍ଲୀ,୬।୧: କଂଗ୍ରେସର ଭାରତ ଯୋଡୋ ଯାତ୍ରା ରାଜ୍ୟରେ ପ୍ରବେଶ କରିବା ପୂର୍ବରୁ ଜମ୍ମୁ-କଶ୍ମୀରର ଅନେକ ନେତା କଂଗ୍ରେସରେ ସାମିଲ ହୋଇଛନ୍ତି। ଗୁଲାମ ନବୀ ଆଜାଦ କଂଗ୍ରେସରୁ ଇସ୍ତଫା ପରେ ଅନେକ ନେତା ମଧ୍ୟ କଂଗ୍ରେସରୁ ଇସ୍ତଫା ଦେଇଥିଲେ। ତେବେ ଶୁକ୍ରବାର ଜମ୍ମୁ-କଶ୍ମୀରର ପୂର୍ବତନ ଉପମୁଖ୍ୟମନ୍ତ୍ରୀ ତାରା ଚାନ୍ଦ ସହ ପୂର୍ବତନ ମନ୍ତ୍ରୀ ପିରଜାଦା ମହମ୍ମଦ ସୟିଦ, ମୁଜାଫର ପାରି, ବଲଓ୍ବାନ ସିଂଙ୍କ ସମେତ ବହୁ ବରିଷ୍ଠ ନେତା କଂଗେସରେ ଯୋଗ ଦେଇଛନ୍ତି। ତେବେ କଂଗ୍ରେସ ପାଇଁ ଏହା ବଡ ଦିନ ବୋଲି ସଂଗଠନର ଦାୟିତ୍ୱରେ ଥିବା ଏଆଇସିସି ସାଧାରଣ ସମ୍ପାଦକ କେସି ଭେନୁଗୋପାଲ ଖବରଦାତା ସମ୍ମିଳନୀରେ କହିଛନ୍ତି।
ସୂଚନାଯୋଗ୍ୟ, ଗୁଲାମ ନବୀ ଆଜାଦ, ଚାନ୍ଦ ଏବଂ ବଲୱାନ ସିଂ ସମେତ ଅନେକ ନେତା କଂଗ୍ରେସ ଛାଡିଥିଲେ। ପରବର୍ତ୍ତୀ ସମୟରେ ଆଜାଦ ଡେମୋକ୍ରାଟିକ ପାର୍ଟି ଗଠନ କରିଥିଲେ। ହେଲେ ପାର୍ଟି ବିରୋଧୀ କାର୍ଯ୍ୟ ଯୋଗୁ ଆଜାଦ କଂଗ୍ରେସରେ ଯୋଗ ଦେଇଥିବା ଏହି ନେତାଙ୍କୁ ଗତ କିଛି ଦିନ ତଳେ ଦଳରୁ ବହିଷ୍କୃତ କରିଦେଇଥିଲେ।
