ନୂଆଦିଲ୍ଲୀ,୧୦।୫: ଅପରେଶନ ସିନ୍ଦୂର ଅଧୀନରେ ଭାରତ ଦ୍ୱାରା ନିହତ ପାକିସ୍ତାନୀ ଆତଙ୍କବାଦୀଙ୍କ ନାମ ପ୍ରକାଶ ପାଇଛି। ସୂତ୍ର ଅନୁସାରେ, ସେନାର ଆକ୍ରମଣରେ ୫ ଜଣ ବଡ଼ ଆତଙ୍କବାଦୀ ନିହତ ହୋଇଛନ୍ତି। ଏଥିମଧ୍ୟରେ ମୁଦାସର ଖାଦିଆନ, ଖଲିଦ, ହାଫିଜ ଜମିଲ, ୟୁସୁଫ ଅଜହର ଏବଂ ହାସନ ଖାନଙ୍କ ନାମ ରହିଛି। ଏହି ସମସ୍ତ ଆତଙ୍କବାଦୀ ଲସ୍କର ଏବଂ ଜୈଶ ସହିତ ଜଡିତ ଥିଲେ। ଯେଉଁମାନେ ହାଫିଜ ସଇଦ ଏବଂ ମାସୁଦ ଆଝାରଙ୍କ ନିର୍ଦ୍ଦେଶରେ ଆତଙ୍କବାଦୀ ଆକ୍ରମଣ କରୁଥିଲେ।
୧-ମୁଦାସର ଖାଦିଆନ ଖାସ୍- ଏହି ଲଶ୍କର-ଇ-ତୋଇବା ଆତଙ୍କବାଦୀ ମୁରିଡକେରେ ମାର୍କାଜ ତୋଇବାର ପ୍ରଭାରୀ ଦାୟିତ୍ୱରେ ଥିଲେ। ଅପରେଶନ ଦିନ ରାତିରେ ସେଠାରେ ଉପସ୍ଥିତ ଥିଲେ। ପ
୨. ହାଫିଜ ମହମ୍ମଦ ଜମିଲ – ଜୈଶ-ଏ-ମହମ୍ମଦ ସହିତ ଜଡିତ ଜମିଲ ମୌଲାନା ମାସୁଦ ଆଜାହରଙ୍କ ବଡ଼ ଭାଇ ଥିଲେ। ଯେଉଁଦିନ ଅପରେଶନ ହୋଇଥିଲା, ଜମିଲ ବାହାବଲପୁରରେ ତାଙ୍କ ଘରେ ଶୋଇଥିଲେ। ଜମିଲ ମର୍କଜ ସୁଭାନାଲ୍ଲାହର ଦାୟିତ୍ୱରେ ଥିଲେ। ଜମିଲ ଯୁବକମାନଙ୍କୁ ମୌଳବାଦୀ କରିବା ଏବଂ ଜୈଶ-ଏ-ମହମ୍ମଦ ପାଇଁ ପାଣ୍ଠି ସଂଗ୍ରହ କରିବାରେ ସକ୍ରିୟ ଭାବରେ ଜଡିତ ଥିଲେ।
୩. ମହମ୍ମଦ ୟୁସୁଫ ଆଜହର- ମହମ୍ମଦ ୟୁସୁଫ ଆଜହର ମାସୁଦ ଆଜହରଙ୍କ ଶଳା ଥିଲେ। ଆଜହର ଜୈଶର ମଦ୍ରାସାରେ ଅସ୍ତ୍ରଶସ୍ତ୍ର ତାଲିମ ପରିଚାଳନା କରୁଥିଲା। ଜମ୍ମୁରେ ହୋଇଥିବା ଅନେକ ଆତଙ୍କବାଦୀ ଆକ୍ରମଣରେ ଆଜହର ସାମିଲ ଥିଲେ। IC-814 ହାଇଜ୍ୟାକିଂ ମାମଲାରେ ତାଙ୍କୁ ୱାଣ୍ଟେଡ ବୋଲି ବିବେଚନା କରାଯାଉଥିଲା।
୪. ଖାଲିଦ ଓରଫ ଆବୁ ଆକାଶ- ଲସ୍କର-ଏ-ତୋଇବାର ଏହି ଆତଙ୍କବାଦୀ ଆଫଗାନିସ୍ତାନରୁ ଅସ୍ତ୍ରଶସ୍ତ୍ର ଯୋଗାଣ କରୁଥିଲା। ଆକ୍ରମଣ ଦିନ ସେ ତାଙ୍କ ଘରେ ଶୋଇଥିଲେ। ଖାଲିଦଙ୍କ ଉପରେ ଜମ୍ମୁରେ ଆତଙ୍କ ସୃଷ୍ଟି କରିବାର ଅଭିଯୋଗ ଥିଲା। ଖାଲିଦଙ୍କ ଅନ୍ତିମ ସଂସ୍କାର ଫୈସଲାବାଦରେ ଅନୁଷ୍ଠିତ ହୋଇଥିଲା। ଏଥିରେ ପାକିସ୍ତାନ ସେନାର ବରିଷ୍ଠ ଅଧିକାରୀ ଏବଂ ଫୈସଲାବାଦର ଡେପୁଟି କମିଶନର ଯୋଗ ଦେଇଥିଲେ।
୫. ମହମ୍ମଦ ହାସନ ଖାନ- ଏହି ଜୈଶ ଆତଙ୍କବାଦୀ ପାକିସ୍ତାନ ଅଧିକୃତ କାଶ୍ମୀର (ପିଓକେ)ରେ ଜୈଶ-ଏ-ମହମ୍ମଦର ଅପରେଶନାଲ କମାଣ୍ଡର ମୁଫତି ଅସଗର ଖାନ କଶ୍ମୀରୀଙ୍କ ପୁଅ ଥିଲେ। ଏହା ପୂର୍ବରୁ ଜମ୍ମୁ ଏବଂ କଶ୍ମୀରରେ ଆତଙ୍କବାଦୀ ଆକ୍ରମଣର ସମନ୍ବୟ କରିବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
