Odisha Elections 2024

ରାଜଧାନୀରେ ଥଣ୍ଡା ପାନୀୟ, ରାସ୍ତାକଡ଼ ଖାଦ୍ୟର ଯାଞ୍ଚ ନାହିଁ

ଭୁବନେଶ୍ୱର, ୨୧।୪ (ବନ୍ଦନା ସେଠୀ)ରାଜଧାନୀରେ ତାପମାତ୍ରା ୪୩ ଡିଗ୍ରୀ ପାର୍‌ ହୋଇଥିବାବେଳେ ମନ ଖୋଜୁଛି ଥଣ୍ଡା ପାନୀୟ। ଖରାରେ ପାଣି ଅପେକ୍ଷା ଲସି, ସରବତ, ଫଳଜୁସ୍‌, ଆଖୁରସ, ଚୁସ୍‌କି/ଗୋଲା ଆଦିର ବେଶି ଚାହିଦା ରହୁଥିବାରୁ ସହରର ମୁଖ୍ୟ ରାସ୍ତା ସମେତ ଗଳିକନ୍ଦି ସବୁଆଡ଼େ ଲସି/ଜୁସ୍‌ ସେଣ୍ଟର ଖୋଲିଛି। ତା’ ସାଙ୍ଗକୁ ଛକଛକରେ ଆଖୁରସ, ଚୁସ୍‌କି ବିକ୍ରି ହେଉଛି। ଛତୁ ଫୁଟିବା ଭଳି ଏବେ ସହରରେ ଥଣ୍ଡା ପାନୀୟ ବିକ୍ରି ହେଉଥିବାବେଳେ ଏହାର କ୍ୱାଲିଟି ବା ଗୁଣବତ୍ତା ଉପରେ କେହି ଦୃଷ୍ଟି ଦେଉ ନାହାନ୍ତି। ଫଳରେ ଲୋକଙ୍କ ଚାହିଦାର ସୁଯୋଗ ଉଠାଇ କେତେଜଣ ଅସାଧୁ ବ୍ୟବସାୟୀ ଶସ୍ତା ସାମଗ୍ରୀ ବ୍ୟବହାର କରୁଛନ୍ତି। ଫଳରସରେ ଅଧିକାଂଶ ସମୟରେ ପଚା ଫଳ ବ୍ୟବହାର କରାଯାଉଥିବାବେଳେ ଲସି ଏବଂ ଅନ୍ୟାନ୍ୟ ଥଣ୍ଡା ପାନୀୟରେ ବ୍ୟବହୃତ ହେଉଥିବା ବରଫ ଖରାପ ପାଣିରେ ତିଆରି ହେଉଥିବାବେଳେ ଅପରିଷ୍କାର ପରିବେଶରେ ରଖାଯାଉଥିବା ଦେଖାଯାଇଛି। ସେହିପରି ଆଖୁରୁ ଯେପରି ଅଧିକ ରସ ବାହାରିବ ସେଥିପାଇଁ ତାକୁ ବିଭିନ୍ନ ନାଳପାଣିରେ ପକାଇ ଭିଜାଇ ରଖାଯାଉଛି। ଅତୀତରେ ରାଜଧାନୀରେ ଅପମିଶ୍ରିତ ଥଣ୍ଡାପାନୀୟ କାରଖାନା ମଧ୍ୟ ଠାବ କରାଯାଇଛି। ମାତ୍ର ଏତେ ପରେ ବି ସହରରେ ମାଳମାଳ ହୋଇ ଖୋଲିଥିବା ଏହି ଦୋକାନଗୁଡିକ ଉପରେ ବିଏମ୍‌ସି କୌଣସି ନଜର ଦେଉନାହିଁ। ଥଣ୍ଡାପାନୀୟର ଗୁଣବତ୍ତାକୁ ଠିକ୍‌ ଭାବେ ଯାଞ୍ଚ କରାଯାଉନାହିଁ। କେବଳ ସେତିକି ନୁହେଁ, ସହରରେ ଏଭଳି କେତେ ଫଳରସ, ଲସି, ଜୁସ୍‌ ସେଣ୍ଟର ଖୋଲିଛି ତାହାର ତାଲିକା ମଧ୍ୟ ବିଏମ୍‌ସି ପାଖରେ ନାହିଁ। କାରଣ ଅଧିକାଂଶ ବ୍ୟବସାୟୀ ବିଏମ୍‌ସିରେ ଏନେଇ ରେଜିଷ୍ଟ୍ରେଶନ କରିନାହାନ୍ତି।
ସେହିପରି ଖରା ପାଇଁ ଅଧିକାଂଶ ଲୋକେ ଦିନରେ ଘରେ ରହୁଥିବାବେଳେ ସନ୍ଧ୍ୟାରେ ବାହାରକୁ ବାହାରୁଛନ୍ତି। ରାସ୍ତାକଡ଼ରେ ଭିଡ଼ ଲଗାଇ ଖିଆପିଆ କରୁଛନ୍ତି। ଏହାର ସୁଯୋଗ ନେଇ ବ୍ୟବସାୟୀମାନେ ବାସି ଓ ନଷ୍ଟ ଖାଦ୍ୟକୁ ବିକ୍ରି କରୁଥିବା ଅଭିଯୋଗ ହେଉଛି। ହେଲେ ରାସ୍ତାକଡ଼ରେ ଠେଲାଗାଡ଼ିରେ ବିକ୍ରି ହେଉଥିବା ଜଳଖିଆ ଏବଂ ଅନ୍ୟାନ୍ୟ ଖାଦ୍ୟ ସାମଗ୍ରୀର ମାନ ଯାଞ୍ଚ କରାଯାଉନାହିଁ। ଖରାଦିନେ ସାଧାରଣତଃ ଖାଦ୍ୟଗୁଡିକ ଶୀଘ୍ର ନଷ୍ଟ ହୋଇଯାଇ ଥାଏ। କେତେଜଣ ଅସାଧୁ ବ୍ୟବସାୟୀ ଏହାକୁ ଖାତିର ନ କରି ଗ୍ରାହକଙ୍କୁ ସେହି ଖରାପ ହୋଇଥିବା ଖାଦ୍ୟ ପରଷିଥାନ୍ତି, ଯାହାକୁ ଖାଇ ପରେ ସେମାନଙ୍କର ସ୍ବାସ୍ଥ୍ୟ ଖରାପ ହୋଇଥାଏ। ତେଣୁ ଏହା ଉପରେ ମଧ୍ୟ ବିଏମ୍‌ସିର ଖାଦ୍ୟ ନିରାପତ୍ତା ଅଧିକାରୀମାନେ ଦୃଷ୍ଟି ଦେବା ଆବଶ୍ୟକ ବୋଲି ମତ ପ୍ରକାଶ ପାଇଛି।ତେବେ ବିଏମ୍‌ସିର ଜଣେ ଅଧିକାରୀ କହିଛନ୍ତି, ସହରରେ ଥିବା ପ୍ରାୟ ସମସ୍ତ ଲସି, ଜୁସ୍‌ ସେଣ୍ଟରଗୁଡିକୁ ଯାଞ୍ଚ କରାଯାଉଛି। ଯେଉଁଠାରେ କିଛି ସନ୍ଦେହ ହେଉଛି ତାହାର ମାନ ପରୀକ୍ଷା ପାଇଁ ରାଜ୍ୟ ଖାଦ୍ୟ ପରୀକ୍ଷାଗାରକୁ ସାମ୍ପଲ ପଠାଯାଉଛି। ବର୍ତ୍ତମାନ ସୁଦ୍ଧା ସବୁ ଠିକ୍‌ ଅଛି। ଆଗାମୀ ଦିନରେ ନିୟମିତ ଭାବେ ଚେକ୍‌ଅପ୍‌ କରାଯିବ। ଯେଉଁମାନେ ରେଜଷ୍ଟ୍ରେଶନ କରିନାହାନ୍ତି, ତୁରନ୍ତ ରେଜିଷ୍ଟ୍ରେଶନ କରିବାକୁ ତାଗିଦ କରାଯାଉଛି। ଆବଶ୍ୟକ ପଡିଲେ ଜରିମାନା ମଧ୍ୟ କରାଯାଉଛି। ପାଣି ବୋତଲର ଗୁଣବତ୍ତା ଯାଞ୍ଚ କରିବା ସହ ପରିଷ୍କାର ପରିଚ୍ଛନ୍ନତାର ସହ ଆଖୁରସ ପ୍ରଦାନ କରିବା ପାଇଁ ବ୍ୟବସାୟୀଙ୍କୁ ସଚେତନ କରାଯାଉଛି ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଛେଣ୍ଡିପଦା ବିଧାୟକଙ୍କ ଦାଦାଗିରି, ଭାଜପା କର୍ମୀଙ୍କ ଉପରେ ଆକ୍ରମଣ ଅଭିଯୋଗ

ସମ୍ବଲପୁର,୨୫ା୫: ଛେଣ୍ଡିପଦା ବିଧାୟକ ଭାଜପା କର୍ମୀଙ୍କ ଉପରେ ଆକ୍ରମଣ କରିଥିବା ଅଭିଯୋଗ ହୋଇଛି। ଏଠାରେ ବିଜେଡି ପ୍ରାର୍ଥୀ ତଥା ବିଧାୟକ ସୁଶାନ୍ତ କୁମାର ବେହେରା ଶନିବାର...

ଲେଖାଶ୍ରୀଙ୍କୁ ସ୍ମୃତିଙ୍କ ଏହି ୩ ବଡ଼ ପ୍ରଶ୍ନ

ରେମୁଣା,୨୫ା୫: ବାଲେଶ୍ୱର ଜିଲା ରେମୁଣାଠାରେ ଆୟୋଜିତ ଭାଜପାର ଦଳୀୟ ସଭାରେ ବିଜେଡିର ଲୋକ ସଭା ପ୍ରାର୍ଥୀ ଲେଖାଶ୍ରୀ ସାମନ୍ତସିଂହାରଙ୍କୁ ୩ଟି ପ୍ରଶ୍ନ କରିଛନ୍ତି କେନ୍ଦ୍ରମନ୍ତ୍ରୀ ସ୍ମୃତି...

ଚତୁର୍ଥ ପର୍ଯ୍ୟାୟରେ ବିଜେଡି ପ୍ରାର୍ଥୀ ସୁବାସିନି ଜେନା ସବୁଠୁ ଧନୀ

ଭୁବନେଶ୍ୱର,୨୫ା୫: ବିଜୁ ଜନତା ଦଳ (ବିଜେଡି) ନେତା ସୁବାସିନି ଜେନାଙ୍କ ସମ୍ପତ୍ତି ପ୍ରାୟ ୧୩୫ କୋଟି ଟଙ୍କା ରହିଛି ଯାହା ଜୁନ ୧ ରେ ହେବାକୁ...

ଇଭିଏମ୍‌ ଭାଙ୍ଗି ଫେରାର ହୋଇଯାଉଥିଲେ ପ୍ରଶାନ୍ତ ଜଗଦ୍ଦେବ, ଗୋଡ଼ାଇ ଗୋଡ଼ାଇ ଧରିଲା ପୋଲିସ

ଖୋର୍ଦ୍ଧା,୨୫ା୫(ପ୍ରଭାତ କୁମାର ପାଣିଗ୍ରାହୀ): ଖୋର୍ଦ୍ଧା ଭାଜପା ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବଙ୍କ ପୁଣି ଦାଦାଗିରି ଦେଖିବାକୁ ମିଳିଛି। ବୋଲଗଡ଼ ବ୍ଲକର ଏକ ବୁ୍‌ଥ୍‌ରେ ପଶି ଇଭିଏମ୍‌...

ଇଭିଏମ୍‌ ଭାଙ୍ଗି ପ୍ରଶାନ୍ତ ଜଗଦ୍ଦେବ ଫେରାର

ଖୋର୍ଦ୍ଧା,୨୫ା୫(ପ୍ରଭାତ କୁମାର ପାଣିଗ୍ରାହୀ): ଖୋର୍ଦ୍ଧା ଭାଜପା ବିଧାୟକ ପ୍ରାର୍ଥୀ ପ୍ରଶାନ୍ତ ଜଗଦ୍ଦେବଙ୍କ ପୁଣି ଦାଦାଗିରି ଦେଖିବାକୁ ମିଳିଛି। ବୋଲଗଡ ବ୍ଲକର ଏକ ବୁଥ୍‌ରେ ଇଭିଏମ୍‌ ଭଙ୍ଗାରୁଜା...

ମହିଳା ପ୍ରିଜାଇଡିଂ ଅଫିସର ଅସୁସ୍ଥ

ନୟାଗଡ଼,୨୫ା୫: ନୟାଗଡ଼ରେ ଶନିବାର ତୃତୀୟ ପର୍ଯ୍ୟାୟ ମତଦାନ ଅନୁଷ୍ଠିତ ହୋଇଛି। ତେବେ ପ୍ରବଳ ଜନଗହଳି ଯୋଗୁ ମହିଳା ପ୍ରିଜାଇଡିଂ ଅଫିସର ଅସୁସ୍ଥ ହୋଇପଡ଼ିଛନ୍ତି। ୧୫୮ ନମ୍ବର...

ଆମେଠିରୁ ରାହୁଲଙ୍କୁ ହଟାଇଛୁ, ଓଡ଼ିଶାରୁ ବିଜେଡିକୁ ହଟାଇବୁ: ସ୍ମୃତି ଇରାନୀ

କୁଜଙ୍ଗ,୨୫।୫: ଓଡ଼ିଶାରେ ହେବାକୁ ଥିବା ଚତୁର୍ଥ ପର୍ଯ୍ୟାୟ ନିର୍ବାଚନ ଲାଗି ଶନିବାର ଓଡ଼ିଶା ଗସ୍ତରେ ଆସିଛନ୍ତି କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ। ଏଠାରେ ସେ ବିଜେଡି...

ଆସୁଛି ବାତ୍ୟା ଓଡିଶାର ଏହିସବୁ ଜିଲାରେ ପ୍ରବଳରୁ ଅତିପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୨୫ା୫: ପୂର୍ବ କେନ୍ଦ୍ରୀୟ ବଙ୍ଗୋପସାଗର ଉପରେ ଥିବା ଅବପାତ ଗଭୀର ଅବପାତରେ ପରିଣତ ହୋଇଛି। ଏହା ଦକ୍ଷିଣ- ଦକ୍ଷିଣ ପୂର୍ବ ସାଗର ଦ୍ୱୀପ ଠାରୁ ୩୮୦...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri