ମେଲବୋର୍ନ, ୯।୧: ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଙ୍କ ମେଲବୋର୍ନ ଘରୁ ଚୋରି ହୋଇଛି। ଚୋରମାନେ ପଣ୍ଟିଙ୍କ ଘରେ ରଖାଯାଇଥିବା କାର ଚୋରି କରି ନେଇଥିଲେ। ଚୋରି କାରକୁ ଖୋଜିବା ପାଇଁ ପୋଲିସକୁ ବହୁ ସଂଘର୍ଷ କରିବାକୁ ପଡିଥିଲା। ଶେଷରେ ପୋଲିସ ମେଲବୋର୍ନର କାମ୍ବରୱେଲ ଅଞ୍ଚଳରେ କାରଟିକୁ ପାଇଲା। ତେବେ କାର ଚୋରି କରିଥିବା ଦୁଇ ଜଣ ପୋଲିସଠାରୁ ଖସିଯିବାରେ ସଫଳ ହୋଇଥିଲେ। ପୋଲିସ ଅଭିଯୁକ୍ତମାନଙ୍କୁ ଖୋଜୁଛି। ଘରୁ ଚୋରି ହେବାବେଳେ ପଣ୍ଟିଂ ତାଙ୍କ ସ୍ତ୍ରୀ ଏବଂ ତିନି ପିଲାଙ୍କ ସହ ଘରେ ଥିଲେ। ରିକି ପଣ୍ଟିଙ୍ଗ ହେଉଛନ୍ତି ଅଷ୍ଟ୍ରେଲିଆର ସବୁଠାରୁ ସଫଳ ଅଧିନାୟକ ତଥା ସର୍ବାଧିକ ରନ ସ୍କୋରର। ପଣ୍ଟିଙ୍ଗ ହାରାହାରି ୫୧.୮୫ରେ ୧୬୮ ଟେଷ୍ଟରେ ୧୩୩୭୮ରନ ସ୍କୋର କରିଛନ୍ତି। ବର୍ତ୍ତମାନ, ମନ୍ତବ୍ୟ ବ୍ୟତୀତ ରିକି ପଣ୍ଟିଂ ମଧ୍ୟ ଇଣ୍ଡିଆନ ପ୍ରିମିୟର ଲିଗ ସହିତ ଜଡିତ। ଆଇପିଏଲରେ ସେ ଦିଲ୍ଲୀ କ୍ୟାପିଟାଲ୍ସର ମୁଖ୍ୟ ପ୍ରଶିକ୍ଷକ ଅଟନ୍ତି। ତାଙ୍କ ମାର୍ଗଦର୍ଶନରେ ଦିଲ୍ଲୀ କ୍ୟାପିଟାଲ୍ସ ଆଇପିଏଲ ୨୦୨୦ରେ ଫାଇନାଲରେ ପ୍ରବେଶ କରିଥିଲା।
