ସୋସିଆଲ ମିଡିଆରେ ଅନେକ ଆଶ୍ଚର୍ଯ୍ୟଜନକ ଭିଡିଓ ସବୁ ଦେଖିବାକୁ ମିଳିଥାଏ। କିଛି ଭିଡିଓ ଦେଖିଲେ ମନରେ ଭୟ ଆସିଥାଏ। ଅନେକ ଥର ଲୋକମାନେ ବିପଜ୍ଜନକ ଷ୍ଟଣ୍ଟ୍ କରିବାକୁ ଚେଷ୍ଟା କରନ୍ତି। ମାତ୍ର ସାମାନ୍ୟ ଭୁଲ ପାଇଁ ପରିଣାମ ଭୟଙ୍କର ହୋଇଥାଏ। ଏହାର କାରଣ ହେଉଛି ସୋସିଆଲ ମିଡିଆ ପ୍ଲାଟଫର୍ମରେ ସେମାନଙ୍କର ଭିଡିଓ ଅପଲୋଡ୍ କରି ଲୋକଙ୍କ ଲାଇକ୍ ଗ୍ରହଣ କରିବା। କିନ୍ତୁ ବେଳେବେଳେ ଏପରି କିଛି ଘଟେ, ଯାହା ବିପଦ ସହିତ ଖେଳିବାର ଉଦ୍ଦେଶ୍ୟ ବୁଝାପଡ଼େ। ସୋସିଆଲ ମିଡିଆରେ ସେମିତି ଏକ ଭିଡିଓ ଭାଇରାଲ ହେଉଛି।
The perfect example of “Where there is a will there’s a way”
Thoughts about this? Very clever or just very risky? pic.twitter.com/FgYfaFlOtt— MotorOctane (@MotorOctane) April 6, 2023
@MotorOctane ନାମକ ଏକ ଟୁଇଟର ପେଜ୍ରେ ଶେୟାର ହୋଇଥିବା ଭିଡିଓରେ ଜଣେ ଯୁବକ ଭରା ନଦୀରେ ବାଇକ୍ ଚଳାଇ ଯାଉଥିବା ଦେଖିବାକୁ ମିଳିଛି। ବିଶାଳ ନଦୀରେ ରାସ୍ତା କିମ୍ବା କୌଣସି ଜମି ଦୃଶ୍ୟମାନ ହେଉ ନ ଥିଲା, ଯୁଆଡ଼େ ଚାହିଁବ ପାଣି ହିଁ ପାଣି। ମାତ୍ର ଯୁବକ ଜଣକ ଖୁବ୍ ଜୋର୍ରେ ପାଣି ଭିତରେ ବାଇକ୍ ନେଇ ନଦୀ ପାର୍ ହୋଇଥିଲେ।
ଭିଡିଓରେ ଜଣେ ଯୁବକ ଜଣକ ଧିରେ ଧିରେ ବାଇକ୍କୁ ନଦୀ ଭିତରକୁ ପୂରାଉଛନ୍ତି। କିଛି ସ୍ଥାନରେ ରାସ୍ତା ଥିବା ପରି ଜଣାପଡୁଛି। କିନ୍ତୁ ଯେଉଁଠି ରାସ୍ତା ଦିଶୁ ନ ଥିଲା ସେ ବାଇକ୍ ଉପରେ ବସି ଆତ୍ମବିଶ୍ୱାସର ସହ ଦୂତ ପରି ଆଗକୁ ବଢ଼ି ଚାଲିଲେ। ଶେଷରେ ସେ ନଦୀ ପାର ହେବାରେ ସଫଳ ମଧ୍ୟ ହୋଇଛନ୍ତି।
ଭିଡିଓ ଦେଖିଲେ ଯେ କେହି ଯୁବକଙ୍କ ସାହସକୁ ପ୍ରଶଂସା କରିବେ। ନଦୀରେ ବାଇକ୍ ସହ ପଶିଲେ ଜୀବନ ପ୍ରତି ନିଶ୍ଚିତ ବିପଦ ଆସିପାରେ। ମାତ୍ର ଯୁବକ ଜଣକ ଦୁଃଶାହସିକ କାର୍ଯ୍ୟ କରି ଦେଖାଇଛନ୍ତି।
ଜଣେ ୟୁଜର ଲେଖିଛନ୍ତି, ଯଦି ପାଣି ଇଞ୍ଜିନ ଭିତରକୁ ଯାଏ, ତେବେ ଏହା ବହୁତ କ୍ଷତି କରିବ। ଏହି ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି, ଏଥିରେ କ୍ୟାପଶନ ଲେଖାଅଛି, ଯେଉଁଠାରେ ଇଚ୍ଛା ଅଛି, ସେଠାରେ ଏକ ଉପାୟ ଅଛି’ ର ପ୍ରକୃଷ୍ଟ ଉଦାହରଣ। ଜଣେ ୟୁଜର କହିଛନ୍ତି, ଆମ ଜୀବିକା ନିର୍ବାହ ପାଇଁ ବେଳେବେଳେ ନେବାକୁ ଥିବା ବିପଦକୁ ଆମେ କଳ୍ପନା ମଧ୍ୟ କରିପାରିବୁ ନାହିଁ। ଅନ୍ୟ ଜଣେ କହିଛନ୍ତି, ସ୍ଥାନୀୟ ଲୋକମାନେ ତାଙ୍କ ନଦୀ ଜାଣନ୍ତି, ସେ ନିଶ୍ଚୟ ପିଲାଦିନରୁ ସେଠାରେ ରହିଆସୁଥିଲେ। ଆସାମରେ ଏହା ସାଧାରଣ କଥା ଅଟେ’।
