ଦୁନିଆର ପ୍ରଥମ ଟେକ୍ସଟ୍ ଏସ୍ଏମ୍ଏସ୍ ନିଲାମ ପାଇଁ ପ୍ରସ୍ତୁତି ଚାଲିଛି। ୧୯୯୨ରେ ଭୋଡାଫୋନ୍ କର୍ମଚାରୀଙ୍କ ଦ୍ୱାରା ପ୍ରଥମ ଏସ୍ଏମ୍ଏସ୍ ବା ବାର୍ତ୍ତା ପଠାଯାଇଥିଲା। କର୍ମଚାରୀ ଜଣକ ତାଙ୍କ ସହକର୍ମୀଙ୍କ ନିକଟକୁ ଏହି ଏସ୍ଏମ୍ଏସ୍ ପଠାଇଥିଲେ। ଏଥିରେ ମେରୀ ଖ୍ରୀଷ୍ଟମାସ ଲେଖିଥିଲେ। ବର୍ତ୍ତମାନ ଏହି ଏସ୍ଏମ୍ଏସ ୧ କୋଟି ୭୧ ଲକ୍ଷ ଟଙ୍କାରେ ନିଲାମ ହେବ।
ଏକ ଅନୁଯାୟୀ, ବ୍ରିଟିଶ ପ୍ରୋଗ୍ରାମର ନୀଲ ପାପଓ୍ବର୍ଥ ୨୯ ବର୍ଷ ପୂର୍ବେ ଡିସେମ୍ବର ୩ ୧୯୯୨ରେ ବିଶ୍ୱର ପ୍ରଥମ ଏସ୍ଏମ୍ଏସ୍ ପଠାଇଥିଲେ। ବର୍ତ୍ତମାନ ଟେଲିକମ୍ କମ୍ପାନୀ ଭୋଡାଫୋନ ଏହି ଏସ୍ଏମ୍ଏସ୍ ନିଲାମ କରିବାକୁ ଯାଉଛି। ଏହି ଏସ୍ଏମ୍ଏସ୍ର ଡିଜିଟାଲ କପି ପ୍ୟାରିସରେ ନିଲାମ ହେବ। ୨୧ ଡିସେମ୍ବର ୨୦୨୧ ପର୍ଯ୍ୟନ୍ତ ଆଗଟସ ଓକ୍ସନ ହାଉସରେ ଏହି ନିଲାମ ହେବ।
ଟେଲିକମ କମ୍ପାନୀ ଭୋଡାଫୋନରେ ନିଲ ପାପଓ୍ବର୍ଥ ଡେଭଲପର୍ ଏବଂ ଟେଷ୍ଟ ଇଞ୍ଜିନିୟର ଥିଲେ। ଏହି ସମୟର ସେ କମ୍ପ୍ୟୁଟରରୁ ତାଙ୍କ ସହକର୍ମୀ ରିଚାର୍ଡ ଜାର୍ଭିକ୍ସଙ୍କ ନିକଟକୁ ଏହି ଏସ୍ଏମ୍ଏସ୍ ପଠାଇଥିଲେ। ୧୯୯୨ରେ ରିଚାର୍ଡ କମ୍ପାନୀର ନିର୍ଦ୍ଦେଶକ ଥିଲେ। ପାପଓ୍ବର୍ଥ ୯୦୧ ହ୍ୟାଣ୍ଡସେଟରେ ରିଚାର୍ଡଙ୍କ ନିକଟକୁ ଏହି ଏସ୍ଏମ୍ଏସ୍ ପଠାଇଥିଲେ।
୨୦୧୭ ମସିହାରେ ଏକ ଇଭେଣ୍ଟ ସମୟରେ ନିଲ୍ ପାପଓ୍ବର୍ଥ ଏହା ବିଷୟରେ କହିଥିଲେ, ଯେତେବେଳେ ସେ ଏହି ଏସ୍ଏମ୍ଏସ୍ ପଠାଇଲେ। ସେତେବେଳେ ସେ ଏତେ ପ୍ରସିଦ୍ଧ ହେବେ ବୋଲି ଭାବି ନ ଥିଲେ। ସେ ପିଲାମାନଙ୍କୁ ସୂଚନା ଦେଇଥିଲେ ଯେ ସେ ଦୁନିଆର ପ୍ରଥମ ଏସଏମଏସ ପଠାଇଛନ୍ତି।
ଭୋଡାଫୋନ ଏସ୍ଏମ୍ଏସ୍ ନିଲାମର ଟଙ୍କା କ’ଣ ହେବ ସେ ସମ୍ବନ୍ଧରେ ସୂଚନା ଦେଇଛି। କମ୍ପାନୀ ତରଫରୁ କୁହାଯାଇଛି ଯେ, ନିଲାମରୁ ଯେକୌଣସି ଅର୍ଥ UNHCR-UN ଶରଣାର୍ଥୀ ଏଜେନ୍ସିକୁ ଦିଆଯିବ। ୧୯୯୫ ପର୍ଯ୍ୟନ୍ତ, ହାରାହାରି, କେବଳ 0.4 ପ୍ରତିଶତ ଲୋକ ପ୍ରତି ମାସରେ ଏସ୍ଏମ୍ଏସ୍ ପଠାଉଥିଲେ।
ବର୍ତ୍ତମାନ ବି ଲୋକମାନେ ଅଧିକାଂଶ କଥା ଏସ୍ଏମ୍ଏସ୍ରେ ମାଧ୍ୟମରେ କରୁଛନ୍ତି। କାରଣ ଏହି ଧାଁ ଧଉଡ଼ ଜୀବନ ମଧ୍ୟରେ କାହା ପାଖରେ କଥା ହେବାକୁ ସମୟ ନାହିଁ।
