ଖୋର୍ଦ୍ଧା ଅଫିସ,୧୦ା୪: ସୋମବାର ସକାଳେ ଖୋର୍ଦ୍ଧା ଟାଉନ ଥାନା ପାନବରଜ ଗାଁରେ ଏକ ଦୁଃଖଦ ଘଟଣା ଘଟିଛି। ଫୁଲ ତୋଳିବାକୁ ଯାଇ ଜଣେ ମହିଳାଙ୍କୁ ହାତୀ ଦଳି ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି। ମୃତ ମହିଳାଙ୍କ ନାମ କିରଣବାଳା ମାନ୍ଧାତା(୫୭)।
ସୂଚନାଯୋଗ୍ୟ, କିରଣବାଳା ଆଜି ସକାଳେ ଅନ୍ୟ ଜଣେ ମହିଳାଙ୍କ ସହିତ ଫୁଲ ତୋଳିବାକୁ ଯାଇଥିଲେ। ଉଭୟ ରାସ୍ତାରେ ଯାଉଥିବା ବେଳେ ହଠାତ୍ ପାନବରଜ ଖେଳ ପଡ଼ିଆ ନିକଟରେ ଏକ ହାତୀ ସେମାନଙ୍କ ସାମ୍ନାକୁ ମାଡ଼ିଆସିଥିଲା। କିରଣବାଳାଙ୍କୁ ହାତୀ ହାତୀଟି ତାଙ୍କୁ କଚାଡ଼ି ତା’ରେ ଦଳି ଦେଇଥିଲା। ଅନ୍ୟ ମହିଳା ମଧ୍ୟ ଗୁରୁତର ହୋଇଛନ୍ତି। ତାଙ୍କ ନାଁ ରମା ବେହେରା(୫୫)। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଖୋର୍ଦ୍ଧା ଜିଲା ମୁଖ୍ୟ ଚିକିସାଳୟରେ ଭର୍ତ୍ତି କରିଛନ୍ତି।
