ନୂଆଦିଲ୍ଲୀ,୧୮।୧: ଟି-୨୦ ବିଶ୍ୱକପ ୨୦୨୪ ଆମେରିକା ଏବଂ ୱେଷ୍ଟଇଣ୍ଡିଜ ଦ୍ୱାରା ଆୟୋଜିତ ହେବ। ଚଳିତ ବର୍ଷ ଜୁନରେ ହେବାକୁ ଥିବା ଟି -୨୦ ବିଶ୍ୱକପ ସମ୍ପର୍କରେ ଆଇସିସି ଏକ ବଡ଼ କଥା କହିଛି। ଯେଉଁଥିରେ କୁହାଯାଇଥିଲା ଯେ ଟୁର୍ଣ୍ଣାମେଣ୍ଟ ଆୟୋଜନ କରୁଥିବା ଆମେରିକା ସାମୟିକ ପ୍ରସ୍ତୁତି କରିବ, ଯେଉଁଥିରେ ପିଚ ମେଲବୋର୍ନରୁ ଅଣାଯିବ ଏବଂ ଦର୍ଶକଙ୍କ ପାଇଁ ଚେୟାରଗୁଡ଼ିକ ଲାସ ଭେଗାସରୁ ଆସିବ।
ଆମେରିକାରେ ଖେଳାଯିବାକୁ ଥିବା ଟି -୨୦ ବିଶ୍ୱକପ ପାଇଁ ଡ୍ରପ-ଇନ ପିଚ ବ୍ୟବହାର କରାଯିବ, ଯାହା ଆଡିଲେଡ ଓଭାଲ କ୍ୟୁରେଟର ଡେମିଆନ ହଫ ଦ୍ୱାରା ପ୍ରସ୍ତୁତ ହେବ। ବର୍ତ୍ତମାନ ଆପଣଙ୍କ ମନରେ ପ୍ରଶ୍ନ ଉଠିପାରେ ଯେ ପିଚରେ ଏହି ଡ୍ରପ କ’ଣ। ଡ୍ରପ ଇନ ପିଚ ହେଉଛି ଏପରି ପିଚ ଯାହା ପଡିଆଠାରୁ କିଛି ଦୂରରେ ତିଆରି ହୁଏ ଏବଂ ପରେ ଅଣାଯାଇ ପଡ଼ିଆରେ ରଖାଯାଏ ବା ବିଛାଇ ଦିଆଯାଏ। ଏହା ବ୍ୟତୀତ ଟୁର୍ନାମେଣ୍ଟରେ ଜୁନ ୯ରେ ଭାରତ ଏବଂ ପାକିସ୍ଥାନ ମଧ୍ୟରେ ଏକ ମ୍ୟାଚ ଖେଳାଯିବ, ଯେଉଁଥି ପାଇଁ ୩୪,୦୦୦ ଦର୍ଶକଙ୍କ କ୍ଷମତା ବିଶିଷ୍ଟ ଏକ ଅସ୍ଥାୟୀ ଗ୍ୟାଲେରୀ ନିର୍ମାଣ ହେବ ଏବଂ ବ୍ୟବହାର ପରେ ଏହାକୁ ହଟାଇ ଦିଆଯିବ।
ଆଇସିସି ଇଭେଣ୍ଟ ନିର୍ଦ୍ଦେଶକ କ୍ରିସ ଟେଟଲି କହିଛନ୍ତି, ଆମେ ପୂର୍ବରୁ ନିର୍ମାଣ ହୋଇଥିବା ଡ୍ରପ-ଇନ ପିଚ ବ୍ୟବହାର କରିବୁ। ଆମେ ଆଡିଲେଡ ଓଭାଲ କ୍ୟୁରେଟର ଡୋମିଆନ ହଫଙ୍କ ପାରଦର୍ଶିତାକୁ ବ୍ୟବହାର କରୁଛୁ, ଯିଏ ଏହି ପ୍ରସଙ୍ଗରେ ବିଶେଷଜ୍ଞ। ସେ ଟ୍ରେ ନିର୍ମାଣ ଏବଂ ପରିଚାଳନା କରୁଛନ୍ତି, ଯାହା ଫ୍ଲୋରିଡାରେ ଅଛି। ମ୍ୟାଚ ପାଇଁ ପର୍ଯ୍ୟାପ୍ତ ସଂଖ୍ୟକ ଟ୍ରେ ରହିବ, ଯାହା ନ୍ୟୁୟର୍କରେ ଆବଶ୍ୟକ ହେବ। ଏଥିସହ ଅଭ୍ୟାସ ପିଚ ପାଇଁ ଟ୍ରେ ମଧ୍ୟ ରହିବ। ଯେଉଁ ମ୍ୟାଚ ଗୁଡିକ ଖେଳାଯିବ ସେଗୁଡିକ ବିଲକୁଲ ନୂଆ ହେବ। ଏହା ବ୍ୟତୀତ, ବର୍ଷା ହେଲେ ଆମେ ଜଳ ନିଷ୍କାସନ ପାଇଁ ମଧ୍ୟ ବ୍ୟବସ୍ଥା କରୁଛୁ।
ଆଇସିସି ଇଭେଣ୍ଟ ନିର୍ଦ୍ଦେଶକ ଆହୁରି ମଧ୍ୟ କହିଛନ୍ତି, କ୍ରୀଡା ଜଗତରେ ଯେପରି ଘଟେ, ସମସ୍ତ ଭିତ୍ତିଭୂମି ସାମୟିକ ହେବ। କିଛି ସଂରଚନା ଉପକରଣ ଲାସ ଭେଗାସରୁ ଅଣାଯିବ, ଯାହା ମ୍ୟାଚ ପରେ ସ୍ଥାପିତ ହୋଇ ଅପସାରଣ କରାଯିବ। ଆମେରିକାରେ ୩୦ ନିୟୁତ କ୍ରିକେଟ ପ୍ରଶଂସକ ଅଛନ୍ତି। ଏବଂ ଏହା ହେଉଛି ତୃତୀୟ ବୃହତ୍ତମ ବଜାର। ଫେବୃଆରୀରୁ ଢାଞ୍ଚା ନିର୍ମାଣ କାର୍ଯ୍ୟ ଆରମ୍ଭ ହେବ ଏବଂ ମେ’ ସୁଦ୍ଧା ଏହି କାର୍ଯ୍ୟ ଶେଷ ହେବ।
