ପୁରୁଷୋତ୍ତମପୁର,୧୫।୮(ଡି.ଏନ୍.ଏ) ଗଞ୍ଜାମ ଜିଲା ପୁରୁଷୋତ୍ତମପୁରରେ ୭୬ତମ ସ୍ବାଧୀନତା ଦିବସ ପାଳିତ ହୋଇଯାଇଛି। ଏହି ଅବସରରେ ପ୍ରଥମଶ୍ରେଣୀ ବିଚାର ବିଭାଗୀୟ ଅଦାଲତରେ ବିଚାରପତି ପୂଜାପ୍ରିୟଦର୍ଶନୀ ପତି ପତାକା ଉତ୍ତୋଳନ କରିଥିଲେ। ଏସଡିପିଓ ଅଫିସରେ ଏସଡିପିଓ ସୂର୍ଯ୍ୟମଣି ପ୍ରଧାନ, ଥାନାରେ ଆଇଆଇସି ପ୍ରିୟସରଞ୍ଜନ ଛୋଟରାୟ, ପ୍ରେସ କ୍ଲବ୍ରେ ଅବସରପ୍ରାପ୍ତ ପ୍ରଧାନ ଶିକ୍ଷକ ଏ.ରାଜ ଗୋପାଳ ରାଓ, ହିନ୍ଦୀ ପ୍ରଚାରସଭାରେ ବରିଷ୍ଠ ନାଗରିକ ସଂଘର ସମ୍ପାଦକ ପ୍ରଫୁଲ୍ଲ କୁମାର ରଥ, ଏନ୍ଏସିରେ ଉପାଧ୍ୟକ୍ଷ କୃଷ୍ଣ ଚନ୍ଦ୍ର ପଣ୍ଡା, ବ୍ଲକ୍ରେ ବିଡିଓ ବିଜୟ କୁମାର ବେହେରା, ତହସିଲରେ ଅତିରିକ୍ତ ତହସିଲଦାର ସୁନୀଲ କୁମାର ଟୁଡୁ ଏବଂ ବିଦ୍ୟୁତ୍ ବିଭାଗରେ ଏହାର କନିଷ୍ଠ ଯନ୍ତ୍ରୀ ମହମ୍ମଦ ରଜିଉଲ୍ଲା ଜାତୀୟ ପତାକା ଉତ୍ତୋଳନ କରିଥିଲେ। ଏହାସହ ସମସ୍ତ ସରକାରୀ ଓ ବେସରକାରୀ କାର୍ଯ୍ୟାଳୟ, ସ୍କୁଲଗୁଡିକରେ ମହାସମାରୋହରେ ସ୍ବାଧୀନତା ଦିବସ ପାଳିତ ହୋଇଯାଇଛି।
