ଜଟଣୀ,୨୩ା୫(ଡି.ଏନ୍.ଏ.): କରୋନା ସଂକ୍ରମଣ ରୋକିବା ଲାଗି ରାଜ୍ୟରେ ଲକ୍ଡାଉନ ଓ ସହରାଞ୍ଚଳରେ ସପ୍ତାହାନ୍ତ ଶଟ୍ଡାଉନ ଜାରି ରହିଛି। କେବଳ ଅତ୍ୟାବଶ୍ୟକ ସାମଗ୍ରୀ ଦୋକାନକୁ ଛାଡ଼ିଦେଲେ ଅନ୍ୟ ବ୍ୟବସାୟ ପ୍ରତିଷ୍ଠାନ ବନ୍ଦ ରହିିଛି। ଖୋର୍ଦ୍ଧା ଜିଲା ଜଟଣୀ ପୌରାଞ୍ଚଳରେ ଏହି କଟକଣା ଉଲ୍ଲଂଘନ କରାଯାଉଥିବା ଦେଖିବାକୁ ମିଳିଛି। ଜଟଣୀ ସହର ସମେତ ପୌରାଞ୍ଚଳ ଅଧୀନ ୧୫ନଂ. ଓ୍ବାର୍ଡ ହାଟବଜାର, ୧୭ନଂ. ଓ୍ବାର୍ଡ ଟ୍ରାଫିକ୍ କଲୋନି, ବାଛରାପାଟଣା, ମୁଣ୍ଡିଆ ସାହି, ଲୋକୋକଲୋନି, ରାଜାବଜାର ଆଦି ଅଞ୍ଚଳରେ ଦୋକାନ ଖୋଲାଯାଉଛି। ଫଳରେ ଲୋକଙ୍କ ଗହଳି ଜମୁଛି। ଏନେଇ ଅଭିଯୋଗ ହେଉଥିଲେ ମଧ୍ୟ ପ୍ରଶାସନ ଓ ପୋଲିସ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଉ ନାହିଁ। ଶନିବାର ଶଟ୍ଡାଉନ ଥିବାବେଳେ ହାଟବଜାର ଏବଂ ଟ୍ରାଫିକ୍ କଲୋନି ରେଳବାଇ ସିନିୟର ସିଟିଜେନ ଓ୍ବେଲଫେୟାର ସୋସାଇଟି କାର୍ଯ୍ୟାଳୟ ପରିସରରେ ଜଣେ ଦୋକାନୀ ଚା ବେପାର କରୁଥିଲେ। ଖବରପାଇ ପୋଲିସ ପହଞ୍ଚତ୍ଥିଲେ ମଧ୍ୟ ଜରିମାନା କିମ୍ବା କାର୍ଯ୍ୟାନୁଷ୍ଠାନ ଗ୍ରହଣ ନ କରି ଫେରିଯାଇଥିଲା। ଏହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏଥିପ୍ରତି ଜିଲା ପ୍ରଶାସନ ଅଧିକାରୀମାନେ ଦୃଷ୍ଟି ଦେବାକୁ ଦାବି ହେଉଛି।
