ପାଟଣା,୨୯।୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ଓ ସାହାରପଡ଼ା ବ୍ଲକର ଟ୍ରାକ୍ଟର ମାଲିକମାନଙ୍କୁ ନେଇ ଗଠିତ ବୈତରଣୀ ଟ୍ରାକ୍ଟର ମାଲିକ ସଂଘ ଗୁରୁବାର ପାଟଣା ଷ୍ଟାଡିୟମରେ ପ୍ରଶାସନର ମନ ଇଚ୍ଛା ଜରିମାନାକୁ ବିରୋଧ କରି ଏକ ସଭା ଅନୁଷ୍ଠିତ ହୋଇଛି। ସଭାପତି କୃଷ୍ଣ ଚନ୍ଦ୍ର ମହାନ୍ତଙ୍କ ଅଧ୍ୟକ୍ଷତାରେ ଆୟୋଜିତ ସଭା ଅନୁଷ୍ଠିତ ହୋଇଛି। ପାଟଣା ଓ ସାହାରପଡ଼ା ତହସିଲ ଅଞ୍ଚଳରେ କୌଣସି ସ୍ବୀକୃତିପ୍ରାପ୍ତ ଲଘୁ ଖଣିଜ ସଂପଦ ଉତ୍ସ, ବାଲି, ମୋରମ, ମାଟି, ପଥର ଖଣି ନଥିବାବେଳେ ପ୍ରଧାନମନ୍ତ୍ରୀ ଆବାସ , ବିକଶିତ ଗାଁ ବିକଶିତ ଓଡ଼ିଶା ଯୋଜନାରେ ନିର୍ମାଣ କାର୍ଯ୍ୟ, ରାସ୍ତା ଘାଟ, ସରକାରୀ ବେସରକାରୀ କୋଠା ନିର୍ମାଣ କିଭଳି ହେବ ସେନେଇ ଉଦବେଗ ପ୍ରକାଶ ପାଇଛି।
ଅନ୍ୟପକ୍ଷରେ ଲଘୁ ଖଣିଜ ସମ୍ପଦ ଉତ୍ସ ନଥିବାରୁ ବେଆଇନ ଉତ୍ସରୁ ବାଲି ଉତ୍ତୋଳନ କଲେ ଖଣି ବିଭାଗ, ପୋଲିସ, ବନ ବିଭାଗ ଏବଂ ତହସିଲ ଅଧିକାରୀ ଚଢାଉ କରି ଟ୍ରାକ୍ଟର ପିଛା ଲକ୍ଷାଧିକ ଟଙ୍କା ଜରିମାନା ଓ ଟ୍ରାକ୍ଟରଗୁଡ଼ିକୁ ଜବତ କରି ପାଟଣା ଥାନା ଓ ରେଞ୍ଜ କାର୍ଯ୍ୟାଳୟରେ ରଖିବା ନେଇ ବୈଠକରେ ନିନ୍ଦା କରଯାଇଛି। ତୁରନ୍ତ ଜିଲା ପ୍ରଶାସନ ବନ୍ଦ ଥିବା କ୍ୱାରୀ କୁ ଅନୁମତି ଦେବା କିମ୍ବା ଟେମ୍ପୋରାରି ଟ୍ରାଞ୍ଜିଟ ପାସ୍ ଦେବା ଦାବିରେ ଫେବୃଆରୀ ୨ ତାରିଖରେ କେନ୍ଦୁଝର ଜିଲାପାଳଙ୍କ ଅଭିଯୋଗ ଶୁଣାଣିରେ ବୈତରଣୀ ଟ୍ରାକ୍ଟର ମାଲିକ ସଂଘ ଦାବିପତ୍ର ଦେବାକୁ ଆଜିର ସଭାରେ ନିଷ୍ପତ୍ତି ହୋଇଛି। ବୈଠକରେ ଟ୍ରାକ୍ଟର ମାଲିକ ସଂଘ ଉପସଭାପତି ଅମିତାଭ ସେଠୀ, ସମ୍ପାଦକ ଦିବ୍ୟଲୋଚନ ମହାନ୍ତ, ସହ ସମ୍ପାଦକ ରବି ନାରାୟଣ ସାହୁ, କୋଷାଧ୍ୟକ୍ଷ ସୁନୀଲ କୁମାର ସେଠୀ, ପରାମର୍ଶଦାତା ପ୍ରହଲ୍ଲାଦ ପଲେଇ, ମାଲିକ ସୁବ୍ରତ କୁମାର ଦାଶ, ରମେଶ ଚନ୍ଦ୍ର ମହାନ୍ତ, ସୁଜିତ କୁମାର ଦାଶ, ହିମାଂଶୁ ଦାଶ, ମେଘନାଦ ମହାନ୍ତ, ଅମରେଶ ମିଶ୍ର, ଉଦିତ ନାରାୟଣ ଚୌଧୁରୀ, ଭରତ ଚନ୍ଦ୍ର ମହାନ୍ତ, ରଞ୍ଜିତ କୁମାର ମହାନ୍ତ, ଘନଶ୍ୟାମ ସାହୁଙ୍କ ସହ ଶତାଧିକ ଟ୍ରାକ୍ଟର ମାଲିକ ସାମିଲ ହୋଇଥିଲେ।
