ଭିକ୍ଷା ମାଗୁଛନ୍ତି ପୂର୍ବତନ ଡିଏସ୍‌ପିଙ୍କ ପୁଅ

କଟକ ଅଫିସ,୧୫ା୭: ଦିବାକର ପରିଡ଼ା ଥିଲେ ପୋଲିସ ବିଭାଗର ଜଣେ ବରିଷ୍ଠ ଅଧିକାରୀ। ସେ ଦ୍ୱିତୀୟ ବିଶ୍ୱଯୁଦ୍ଧରେ ଭାରତ ପକ୍ଷରୁ ବ୍ରିଟିଶ ସେନାରେ ଯୋଗ ଦେଇଥିଲେ। ସ୍ବାଧୀନ ଭାରତରେ ଓଡ଼ିଶା ପୋଲିସ ଗଠନ ହେବା ପରେ ଏଥିରେ ମଧ୍ୟ ତାଙ୍କୁ ନିଯୁକ୍ତି ମିଳିଥିଲା। ଡିଏସ୍‌ପି ର଼୍ୟାଙ୍କରେ ଥାଇ ସେ ଅବସର ନେଇଥିଲେ। କିନ୍ତୁ ଦିବାକରଙ୍କ ପୁଅ ଅଚ୍ୟୁତାନନ୍ଦ ଏବେ ଏଭଳି ଦୁର୍ଦ୍ଦିନରେ ପହଞ୍ଚତ୍ଛନ୍ତି ଯେ ଭିକ୍ଷାବୃତ୍ତି ଆପଣାଇବାକୁ ବାଧ୍ୟ ହୋଇଛନ୍ତି। କରୋନା କଟକଣା ଯୋଗୁ ମନ୍ଦିର ବନ୍ଦ ଥିବାରୁ ଓଳିଏ ଖାଇଲେ, ଦୁଇ ଓଳି ଉପାସ।

 

କିଛି ଦିନ ତଳେ ଖାନନଗର ସାଇ ମନ୍ଦିର ନିକଟରେ ଭିକ୍ଷାବୃତ୍ତି କରୁଥିଲେ ଅଚ୍ୟୁତାନନ୍ଦ। ବିଡ଼ାନାସୀ ଅଞ୍ଚଳର ଦୁଇ ବନ୍ଧୁ ଅବିନାଶ ମହାନ୍ତି ଓ ବିଶାଲ ସ୍ବାଇଁ ତାଙ୍କୁ ସହାୟତା ଦେବା ପାଇଁ ଆଗେଇଆସିବା ପରେ ଜଣାପଡ଼ିଥିଲା ତାଙ୍କ ପାରିବାରିକ ପୂର୍ବ ଖ୍ୟାତି ଓ ଏବେକାର ଦୁଃସ୍ଥିତି।
ଅଚ୍ୟୁତାନନ୍ଦଙ୍କ ବାପା ସ୍ବର୍ଗତ ଦିବାକର ପରିଡ଼ା କଟକରେ ଜଣେ ଖ୍ୟାତନାମା ବ୍ୟକ୍ତି ଥିଲେ। ପୋଲିସ ବିଭାଗରେ ମଧ୍ୟ ଅନେକେ ତାଙ୍କୁ ଜାଣନ୍ତି। ଦିବାକର ୧୯୮୦ରେ ଅବସର ନେବା ବେଳକୁ ଅଚ୍ୟୁତାନନ୍ଦ ବ୍ୟବସାୟ କରୁଥିଲେ। ଭଲ ରୋଜଗାର ମଧ୍ୟ ହେଉଥିଲା। ସେମାନେ ତୁଳସୀପୁର ପୋଲିସ କଲୋନୀରେ ରହୁଥିଲେ। ୨୦୦୩ରେ ଅଚ୍ୟୁତାନନ୍ଦ ସ୍ନାୟୁଜନିତ ରୋଗରେ ପଡ଼ିଲେ। ୨୦୦୮ ଜୁଲାଇରେ ବାପା ଦିବାକରଙ୍କ ମୃତ୍ୟୁ ପରେ ଅଚ୍ୟୁତାନନ୍ଦଙ୍କ ଶାରୀରିକ ଅସୁସ୍ଥତା ଓ ମାନସିକ ଦୁଶ୍ଚିନ୍ତା ବଢ଼ିବାକୁ ଲାଗିଲା। ବ୍ୟବସାୟରୁ ସେ ଦୂରେଇଗଲେ। ଗୋଟିଏ ଆଖିର ଦୃଷ୍ଟିଶକ୍ତି କ୍ଷୀଣ ହେବା ସହ ଶରୀରର ଅନ୍ୟ ଅଙ୍ଗପ୍ରତ୍ୟଙ୍ଗ ଅକାମୀ ପାଲଟିଗଲା। ସେ ଘୁଷୁରି ଘୁଷୁରି କଟକର ବିଭିନ୍ନ ମନ୍ଦିରକୁ ଯାଇ ଭିକ୍ଷା ମାଗି ପେଟ ପୋଷୁଥିଲେ। ସରକାରୀ ସହାୟତା ପାଇଁ ଶହେଥର ଚେଷ୍ଟା କଲେଣି। ଏପରିକି ଭିନ୍ନକ୍ଷମ କମିଶନକୁ ଅନେକ ଥର ଭେଟିଛନ୍ତି। ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ, ରାଜ୍ୟପାଳଙ୍କ ଅଭିଯୋଗ ପ୍ରକୋଷ୍ଠକୁ ଯାଇ ନିଜ ସମସ୍ୟା କହିଛନ୍ତି। ସେ ସବୁ ନିଷ୍ଫଳ ହୋଇଛି। ଅବିବାହିତ ଥିବା ଅଚ୍ୟୁତାନନ୍ଦ ଏବେ ମାନସିଂପାଟଣାର ଏକ ପରିତ୍ୟକ୍ତ ଘରେ ଦିନ କାଟୁଛନ୍ତି। ମାସକୁ ୬ ହଜାର ଟଙ୍କା ଔଷଧରେ ଖର୍ଚ୍ଚ ହେବ ବୋଲି ଡାକ୍ତର କହିଛନ୍ତି। କିନ୍ତୁ ଲକ୍‌ଡାଉନ ପରଠାରୁ ଅର୍ଥ ଅଭାବ ଯୋଗୁ ତାଙ୍କର ଔଷଧ ଖାଇବା ବି ବନ୍ଦ ହୋଇଯାଇଛି।

‘ଗୋଟିଏ ପଦ- ଏକକ ପେନ୍‌ସନ୍‌’ ଯୋଜନା ଫେଲ୍‌
ଦେଶର ପୂର୍ବତନ ସାମରିକ କର୍ମଚାରୀଙ୍କ ଲାଗି କେନ୍ଦ୍ର ସରକାର ୨୦୧୨ରେ ୨୩୦୦ କୋଟି ଟଙ୍କାର ପେନସନ ଯୋଜନା ଲାଗୁ କରିବାକୁ ନିଷ୍ପତ୍ତି ନେଇଥିଲେ। ଏହା ଉପରେ କ୍ୟାବିନେଟ୍‌ ମୋହର ମଧ୍ୟ ଲାଗିଥିଲା। ଯେଉଁ କର୍ମଚାରୀ ଜାନୁୟାରୀ ୨୦୦୬ ପୂର୍ବରୁ ଅବସର ନେବେ, ସେମାନେ ଏହା ପରେ ସେବାନିବୃତ୍ତ ହୋଇଥିବା କର୍ମଚାରୀଙ୍କ ଭଳି ପେନସନ୍‌ ପାଇବେ। ଦୀର୍ଘବର୍ଷ ଧରି ସାମରିକ କର୍ମଚାରୀଙ୍କ ପକ୍ଷରୁ ‘ଗୋଟିଏ ପଦ- ଏକକ ପେନ୍‌ସନ୍‌’ ବ୍ୟବସ୍ଥା କାର୍ଯ୍ୟକାରୀ କରିବାକୁ ହେଉଥିବା ଦାବି ଓ ଆନ୍ଦୋଳନ ଥମିଥିଲା। ଏଥିସହ ଫ୍ୟାମିଲି ପେନ୍‌ସନ୍‌, ଦ୍ୱୈତ ଫ୍ୟାମିଲି ପେନ୍‌ସନ୍‌, ସେନା କର୍ମଚାରୀଙ୍କ ପରିବାରର ମାନସିକ ଓ ଶାରୀରିକ ଭିନ୍ନକ୍ଷମ ସଦସ୍ୟଙ୍କ ଲାଗି ଏହି ବ୍ୟବସ୍ଥା କରାଯିବ ବୋଲି ସ୍ଥିର ହୋଇଥିଲା। କିନ୍ତୁ ଏହି ଯୋଜନା ଅଚ୍ୟୁତାନନ୍ଦଙ୍କ କ୍ଷେତ୍ରରେ ଫେଲ ମାରିଥିବା କୁହାଯାଉଛି।


Enter your email to get our daily news in your inbox.

All Right Reserved By Dharitri.Com

ନୀଳାଚଳକୁ ଫେରିଲେ ମହାପ୍ରଭୁ: ବଡଦାଣ୍ଡରେ ଲାଗିଲା ତିନିରଥ

ପୁରୀ ଅଫିସ୍‌,୨୦।୭: ଜନ୍ମବେଦୀରେ ନବ ଦିନାତ୍ମକ ଲୀଳାଖେଳା ସାରି ଆଜି ନୀଳାଚଳକୁ ଫେରିଛନ୍ତି ମହାବାହୁ । ନିର୍ଦ୍ଧାରିତ ସମୟ ପୂର୍ବରୁ ବଡଦାଣ୍ଡରେ ଲାଗିଛି ତିନି ରଥ।...

ସ୍ବାମୀ ଚରିତ୍ରକୁ ସନ୍ଦେହ, ସ୍ତ୍ରୀ ସାଜିଲେ ହତ୍ୟାକାରୀ

ମୋହନା,୭ା୧(ଡି.ଏନ୍‌.ଏ.)-ସ୍ବାମୀଙ୍କ ଚରିତ୍ରକୁ ସନ୍ଦେହ କଲେ ସ୍ତ୍ରୀ ା ରାସ୍ତାରୁ ହଟାଇବା ପାଇଁ ଯୋଜନା ରଚିଲେ ା ଶେଷରେ ୩୦ ହଜାର ଟଙ୍କା ସୁପାରୀ ଦେଇ ହତ୍ୟା...

ଆସୁଛି ଲଘୁଚାପ

ଭୁବନେଶ୍ୱର,୫ା୬(ବ୍ୟୁରୋ): ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ଓ ଏହାର ଆଖପାଖ ଅଞ୍ଚଳରେ ଆସନ୍ତା ୮ ତାରିଖରେ ଏକ ଲଘୁଚାପ ସୃଷ୍ଟି ହେବ। ଏହାର ପ୍ରଭାବରେ ରାଜ୍ୟରେ ଦୁଇ...

କଣ୍ଟାବାଞ୍ଜି ପୋଲିସ ପକ୍ଷରୁ ଜୁଆ ଆଡ୍ଡାରେ ଚଢ଼ାଉ: ୭ ଜୁଆଡ଼ି ଗିରଫ: ୯୫ ହଜାର ୪୮୫ ଟଙ୍କା ଜବତ

କଣ୍ଟାବାଞ୍ଜି,୧୦।୬(ଡି.ଏନ୍‌.ଏ.): ବଲାଙ୍ଗୀର ପୋଲିସ ଅଧୀକ୍ଷକ ସନ୍ଦିପ ସମ୍ପଦ ମଡକରଙ୍କ ନିର୍ଦ୍ଦେଶ କ୍ରମେ ମଙ୍ଗଳବାର ରାତିରେ କଣ୍ଟାବାଞ୍ଜିର ଏକ ଜୁଆ ଆଡ୍ଡାରେ ପୋଲିସ ଅଚାନକ ଚଢ଼ାଉ କରିଥିଲା।...

ଫନୀ ପ୍ରଭାବିତ ୫ ଜିଲାର ହିତାଧିକାରୀ ପାଇବେ ଅତିରିକ୍ତ ଭତ୍ତା

ଭୁବନେଶ୍ୱର, ୨୫।୬(ବ୍ୟୁରୋ): ବାତ୍ୟା ଫନୀ ପ୍ରଭାବିତ ଅଞ୍ଚଳ ପାଇଁ ସରକାରଙ୍କ ନୂଆ ଘୋଷଣା। ଫନୀ ଦ୍ୱାରା ବିଶେଷ ପ୍ରଭାବିତ ହୋଇଥିବା ପୁରୀ, କଟକ, ଜଗତସିଂହପୁର, କେନ୍ଦ୍ରାପଡା...

ପୁରୀ ମାରାଥନ୍‌: ସମ୍‌ସଦ୍‌ ଆରା, ମୁକୁନ୍ଦ ଚାମ୍ପିଅନ

ପୁରୀ ଅଫିସ,୨୩।୧: ପ୍ରାକୃତିକ ବିପର୍ଯ୍ୟୟ ସଚେନତନା ସୃଷ୍ଟି ନିମନ୍ତେ ଗୁରୁବାର ସକାଳେ ପୁରୀରେ ମିନି ମାରାଥନ୍‌ ଅନୁଷ୍ଠିତ ହୋଇଯାଇଛି। ମହିଳାବର୍ଗରେ ସମ୍‌ସଦ୍‌ ଆରା ବେଗମ୍‌ ଏବଂ...

ଟୋକନ ବ୍ୟବସ୍ଥାକୁ ଚାଷୀଙ୍କ ବିରୋଧ ପ୍ରସଙ୍ଗ: ଧାନକିଣା ନେଇ ଗୃହରେ ହୋହଲ୍ଲା

ଭୁବନେଶ୍ୱର,୧୯ା୧୧(ବ୍ୟୁରୋ): ଧାନ କିଣା ପାଇଁ ରାଜ୍ୟସ୍ତରୀୟ ଟୋକନ ବ୍ୟବସ୍ଥାକୁ ନେଇ ବରଗଡ଼, ସୋନପୁର, ସମ୍ବଲପୁର, ବଲାଙ୍ଗୀର ଆଦି ଜିଲାରେ ଚାଷୀମାନେ ଆନ୍ଦୋଳନକୁ ଓହ୍ଲାଇଛନ୍ତି। ଚାଷୀଙ୍କ ଠାରୁ...

ବିଶ୍ୱସ୍ତରୀୟ ହେବ ପାରାଦୀପ ବନ୍ଦର

ଭୁବନେଶ୍ୱର,୩୦ା୫(ବ୍ୟୁରୋ): ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରଣାଳୟ ଦୀର୍ଘମିଆଦୀ ବନ୍ଦର ଭିତ୍ତିଭୂମି ଯୋଜନାର ସ୍ବତନ୍ତ୍ର ଖସଡ଼ା ପ୍ରସ୍ତୁତ କରିଛି। ଏହି ଯୋଜନାରେ ପାରାଦୀପ ବନ୍ଦର...

Advertisement
Archives

Model This Week