କେନ୍ଦ୍ରାପଡ଼ା,୧୭ା୭(ଜଗନ୍ନାଥ ଧଳ): ଖରସ୍ରୋତା ନଦୀ କୂଳରୁ ଅତଡ଼ା ଖାଉଥିବାରୁ ପଠାରେ ଥିବା ହେକ୍ଟର ହେକ୍ଟର ଚାଷ ଉପଯୋଗୀ ଜମି ନଦୀଗର୍ଭକୁ ଚାଲିଯାଉଛି। ଏ ନେଇ କେନ୍ଦ୍ରାପଡ଼ା ଜିଲା ରାଜକନିକା ବ୍ଲକର ସିକୋ ପଞ୍ଚାୟତର ଡାଳିକାଏନ୍ଦା ଗ୍ରାମର ଚାଷୀ ବାରମ୍ବାର କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ ସୁଫଳ ମିଳୁନାହିଁ। ଚାଷ ଉପରେ ନିର୍ଭର କରି ଜୀବିକା ନିର୍ବାହ କରୁଥିବା ଚାଷୀକୁଳ ହତାଶ ହୋଇ ପଡ଼ିଛନ୍ତି। ଯଦି ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆ ନ ଯାଏ ଉର୍ବର ଚାଷ ଜମି ନଦୀରେ ଲୀନ ହୋଇଯିବ। ତ୍ୱରିତ ପଦକ୍ଷେପ ନେଇ କୂଳ ଖାଉଥିବା ସ୍ଥାନରେ ପଥର ପ୍ୟାକିଂ ଯଦି କରା ନ ଯାଏ ତେବେ ଆଗାମୀଦିନରେ ରାଜରାସ୍ତାକୁ ଓହ୍ଲାଇବାକୁ ଚାଷୀ କୈଳାସ ସେଠୀ, ରବିନାରାୟଣ ସ୍ବାଇଁ, ରବୀନ୍ଦ୍ର ଗୁରୁ, ସରୋଜ କୁମାର ବେହେରା, ମନ୍ମଥ ମଲିକ, ଅନିଲ ଗୁରୁ, ପ୍ରମୋଦ ରାଉତ, ଅନିରୁଦ୍ଧ ସେଠୀ, ଦୁଃଶାସନ ସ୍ବାଇଁ, ବ୍ରହ୍ମାନନ୍ଦ ସ୍ବାଇଁ, ଅଭୟ ସ୍ବାଇଁ, ମୁରଲୀ ସେଠୀ, ଭାଗୀରଥି ସ୍ବାଇଁ ଓ ନରୋତ୍ତମ ମଲିକ ପ୍ରମୁଖ ଚେତାବନୀ ଦେଇଛନ୍ତି।
ଡାଳିକାଏନ୍ଦା ଗଁା ଖରସ୍ରୋତା ନଦୀ କୂଳରେ ଅବସ୍ଥିତ। ଖରସ୍ରୋତାର ମଧୁର ଜଳ ଚାଷ ଉପଯୋଗୀ ହୋଇଥିବାରୁ ଏହି ଗଁାର ଲୋକମାନେ ମୁଖ୍ୟତଃ ଚାଷ କରି ଜୀବିକା ନିର୍ବାହ କରିଥାନ୍ତି। ଏମିତିକି ଘର ଚଳିବା ସହ ପିଲାଙ୍କ ପାଠ ପଢ଼ାଠାରୁ ହସ୍ପିଟାଲ ପର୍ଯ୍ୟନ୍ତ ଏହି ଚାଷରୁ ହିଁ ଉଠାଇଥାନ୍ତି। ଏହି ଚାଷ ଜମି ମୁଖ୍ୟତଃ ବାଦାମ, ମୁଗ, ପନିପରିବା, ବିଶେଷକରି ପୋଟଳ, ସାରଦ ଓ ଡାଳୁଅ ଧାନ ଉପଯୋଗୀ। ବିଡ଼ମ୍ବନାର ବିଷୟ କେତେକ ଜମି ଖରସ୍ରୋତାରେ ଲୀନ ହୋଇଯାଇଥିବା ବେଳେ ବଳକା ଥିବା ଜମିକୁ ସୁରକ୍ଷିତ କରିବାକୁ ଚାଷୀ ଦାବି କରିଛନ୍ତି। ଖରସ୍ରୋତା ଏବେ ଗଁାମୁହଁା ହେବାରେ ଲାଗିଛିି। ନଦୀରେ ଅତଡ଼ା ଖାଉଥିବା ସ୍ଥାନରେ ପଥର ପ୍ୟାକିଂ କରାଗଲେ ଉର୍ବର ଚାଷ ଜମି ବଞ୍ଚତ୍ ଯାଆନ୍ତା ବୋଲି ଚାଷୀମାନେ କହିଛନ୍ତି।
