ବଡ଼ଙ୍କୁ ସମ୍ମାନ ଦେବା ଓ ତାଙ୍କ ଆଶୀର୍ବାଦ ନେବାର ଏକ ମାଧ୍ୟମ ହେଉଛି ପାଦ ଛୁଇଁ ପ୍ରଣାମ କରିବା। ଏହା ଆମ ଭାରତୀୟ ସଂସ୍କୃତିର ଏକ ମହାନ ପରମ୍ପରା। ତେବେ ପାଦ ଛୁଇଁ ପ୍ରଣାମ କେବଳ ଆମ ସଂସ୍କୃତି, ପରମ୍ପରାର ଅଂଶ ନୁହେଁ ଏଭଳି କରିବା ପଛରେ ବୈଜ୍ଞାନିକ କାରଣ ବି ରହିଛି। ଜାଣନ୍ତୁ ସେ ସମ୍ପର୍କରେ…
ପାଦ ଛୁଇଁ ପ୍ରଣାମ କରିବା ହେଉଛି ଭାରତୀୟ ସଂସ୍କୃତିର ଏକ ମହାନ ପରମ୍ପରା। ନିଜ ବୟସଠାରୁ ବଡ଼ ତଥା ବିଦ୍ୱାନ ବ୍ୟକ୍ତିଙ୍କ ସହ ଦେଖା ହେବା ମାତ୍ରେ ଆମେ ମୁଣ୍ଡ ତଳକୁ ନୁଆଇଁ ଦୁଇ ହାତରେ ବ୍ୟକ୍ତିଙ୍କ ପାଦକୁ ସ୍ପର୍ଶ କରି ମୁଣ୍ଡିଆ ମାରୁ। ବଡ଼ଙ୍କୁ ସମ୍ମାନ ଦେବା ଓ ତାଙ୍କ ଆଶୀର୍ବାଦ ନେବାର ଏହା ହେଉଛି ଏକ ମାଧ୍ୟମ। ପାଦ ଛୁଇଁ ପ୍ରଣାମ କେବଳ ଆମ ସଂସ୍କୃତି, ପରମ୍ପରାର ଅଂଶ ନୁହେଁ ଏହାପଛରେ ବୈଜ୍ଞାନିକ କାରଣ ବି ରହିଛି।
ପିଲାଟି ଦିନରୁ ବୟୋଜ୍ୟେଷ୍ଠଙ୍କ ପାଦ ସ୍ପର୍ଶ କରି ମୁଣ୍ଡିଆ ମାରିବା ପ୍ରତି ଘରେ ଶିଖାଯାଇଥାଏ। ସେ ସ୍କୁଲ ଯିବା ପୂର୍ବରୁ, ଅଫିସ ଯିବା ପୂର୍ବରୁ ହେଉ କି ପ୍ରଥମ କରି କୌଣସି କାର୍ଯ୍ୟ ଆରମ୍ଭ କରିବାବେଳେ ଅବା ବୟୋଜ୍ୟେଷ୍ଠଙ୍କୁ ଭେଟିବା ମାତ୍ରେ ଆମେ ପାଦ ସ୍ପର୍ଶ କରି ମୁଣ୍ଡିଆ ମାରୁ। ଏହାଦ୍ୱାରା ବଡ଼ମାନଙ୍କ ଆଶୀର୍ବାଦ ତ ଲାଭ ହୁଏ ତା’ସହ ଆମ ଶରୀର ମଧ୍ୟକୁ ତାଙ୍କର ସକାରାତ୍ମକ ଊର୍ଜା ବି ପ୍ରବେଶ କରେ। ସରଳ ଭାଷାରେ କହିବାକୁ ଗଲେ ଆମ ଶରୀରରେ ଅନେକ ତନ୍ତ୍ରିକା ବା ଶୀରା ପ୍ରଶିରା ଅଛି। ଏହି ତନ୍ତ୍ରିକାଗୁଡ଼ିକ ମସ୍ତିଷ୍କରୁ ଆରମ୍ଭ ହୋଇ ହାତ ପାଦର ଅଙ୍ଗୁଳିରେ ଶେଷ ହୁଏ। ତା’ସହ ଆମ ଶରୀରରେ ମସ୍ତିଷ୍କଠାରୁ ଆରମ୍ଭ କରି ପାଦ ପର୍ଯ୍ୟନ୍ତ ଏହା ଦ୍ୱାରା ଲଗାତାର ଊର୍ଜା ସଂଚାର ହୋଇଥାଏ। ସେଥିପାଇଁ ଆମେ ଯେବେ କାହାରି ପାଦ ସ୍ପର୍ଶ କରୁ ସେହି ବ୍ୟକ୍ତିଙ୍କ ଊର୍ଜା ଆମ ହାତ ମାଧ୍ୟମରେ ଶରୀର ଭିତରକୁ ପ୍ରବେଶ କରେ। ଆଉ ଦୁହିଁଙ୍କ ମସ୍ତିଷ୍କ ଓ ହୃଦୟ ମଧ୍ୟରେ ସମ୍ପର୍କ ସ୍ଥାପନ ହୋଇଥାଏ। ଏହାବାଦ୍ ଯେବେ ଆମେ ସଠିକ ଉପାୟରେ ଚରଣ ସ୍ପର୍ଶ କରୁ ଅର୍ଥାତ୍ ଆମେ ଅଣ୍ଟା ନୁଆଇଁ ବାମ ହାତ ଅଙ୍ଗୁଳି ଦ୍ୱାରା ସାମ୍ନାରେ ଥିବା ବ୍ୟକ୍ତିଙ୍କ ଡାହାଣ ପାଦ ଓ ଡାହାଣ ହାତର ଅଙ୍ଗୁଳିରେ ବ୍ୟକ୍ତିଙ୍କ ବାମ ପାଦ ସ୍ପର୍ଶ କରୁ ଶରୀରରେ ବୈଦ୍ୟୁତିକ ଊର୍ଜାର ଚକ୍ର ତିଆରି ହୋଇଥାଏ। ଆଉ ସାମ୍ନାରେ ଥିବା ବ୍ୟକ୍ତିଙ୍କ ଊର୍ଜା ଆମ ଶରୀରରେ ପ୍ରବେଶ କରେ।
