ହାଇଦ୍ରାବାଦ୍,୨୬।୧୧: ତେଲେଙ୍ଗାନା ବିଧାନସଭା ନିର୍ବାଚନ ପାଇଁ ପ୍ରଚାର ଚାଲିଛି। ଏହି ସମୟରେ କଂଗ୍ରେସ ଏମ୍ପି ରାହୁଲ ଗାନ୍ଧୀ ରବିବାର ତେଲେଙ୍ଗାନା ମୁଖ୍ୟମନ୍ତ୍ରୀ ଏବଂ ବିଆରଏସ ମୁଖ୍ୟ କେସିଆରଙ୍କୁ ଟାର୍ଗେଟ କରିଛନ୍ତି। କେସିଆର୍ ଏକ ରାଲିରେ ପଚାରିଥିଲେ ତେଲେଙ୍ଗାନାରେ କଂଗ୍ରେସ କ’ଣ କରିଛି?
ଏହାର ଜବାବରେ ରାହୁଲ ଗାନ୍ଧୀ କେସିଆରକୁ ଟାର୍ଗେଟ କରି କହିଛନ୍ତି, ସେ ପ୍ରଶ୍ନ ଉଠାଇଛନ୍ତି, କଂଗ୍ରେସ କଣ କରିଛି? ମୁଁ ସେମାନଙ୍କୁ କହୁଛି କଂଗ୍ରେସ କ’ଣ କରିଛି – ଯେଉଁ ରାସ୍ତାରେ କେସିଆର୍ ଚାଲୁଛନ୍ତିଏବଂ ସେ ଅଧ୍ୟୟନ କରିଥିବା ସ୍କୁଲ କିମ୍ବା ୟୁନିଭରସିଟି କଂଗ୍ରେସ ଦ୍ୱାରା ନିର୍ମିତ ହୋଇଛି।
ରାହୁଲ ଆହୁରି କହିଛନ୍ତି, ପ୍ରଧାନମନ୍ତ୍ରୀ ମୋଦି ଯାହା କହିଛନ୍ତି, କେସିଆର ମଧ୍ୟ ତାହା କହିଛନ୍ତି। କେସିଆର ସଂସଦରେ ପ୍ରଧାନମନ୍ତ୍ରୀ ମୋଦିଙ୍କୁ ସାହାଯ୍ୟ କରନ୍ତି। ମୁଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ଲଢୁଛି। ମୋ ବିରୋଧରେ ୨୪ଟି ମାମଲା ଅଛି। ଇଡି ମୋତେ ୫୫ ଦିନ ପାଇଁ ୫୫ ଘଣ୍ଟା ପ୍ରଶ୍ନ କରିଛି। ମୋର ଲୋକ ସଭା ସଦସ୍ୟତା ରଦ୍ଦ ହୋଇଛି, ମୋ ଘର ଛଡାଇ ନିଆଯାଇଛି। ଯଦି କେସିଆର୍ ପିଏମ୍ଙ୍କ ସହ ନାହାଁନ୍ତି ତେବେ ତାଙ୍କ ବିରୋଧରେ କାହିଁକି ମାମଲା ନାହିଁ ବୋଲି ସେ ପ୍ରଶ୍ନ କରିଛି।
