ଇସଲାମାବାଦ,୨୪।୧୨: ଭାରତ ଏବଂ ପାକିସ୍ତାନ ମଧ୍ୟରେ ମହାମୁକାବିଲା ଆଜି ଦୁବାଇରେ ଖେଳାଯିବ। କ୍ରିକେଟ ପ୍ରେମୀଙ୍କ ମଧ୍ୟରେ ଏହି ମ୍ୟାଚ୍କୁ ନେଇ ଉତ୍ସୁକତା ବଢିବାରେ ଲାଗିଛି। ଉଭୟ ଦେଶର ପ୍ରଶଂସକ ଏବଂ ପୂର୍ବତନ ମହାନ କ୍ରିକେଟରମାନେ ନିଜ ନିଜ ଦଳ ଉପରେ ମତ ଦେଉଛନ୍ତି। ଏହି ସମୟରେ ପାକିସ୍ତାନର ପ୍ରଧାନମନ୍ତ୍ରୀ ତଥା ପୂର୍ବତନ ଅଧିନାୟକ ଇମ୍ରାନ ଖାନ ମଧ୍ୟ ପାକିସ୍ତାନ ଦଳକୁ ବିଜୟ ପାଇଁ ଶୁଭକାମନା ଜଣାଇଛନ୍ତି। ସେ କହିଛନ୍ତି, ‘ଇନସାଲ୍ଲା ଏଥର ପାକିସ୍ତାନ ଜିତିବ।
ଏହି ମ୍ୟାଚ ପୂର୍ବରୁ ଇମ୍ରାନ ଖାନଙ୍କ କାର୍ଯ୍ୟାଳୟରୁ ଏକ ବିବୃତ୍ତି ଜାରି କରାଯାଇଛି। ଏଥିରେ ଭାରତ ବିପକ୍ଷ ଟି -୩୦ ବିଶ୍ୱକପ ମ୍ୟାଚରେ ପାକିସ୍ତାନୀ ଦଳର ବିଜୟ ପାଇଁ ଇମ୍ରାନ ପ୍ରାର୍ଥନା କରୁଥିବା କୁହାଯାଇଛି। ଇମ୍ରାନ ଏହି ବିବୃତ୍ତିରେ କହିଛନ୍ତି, ପାକିସ୍ତାନ ଦଳ ଭାରତକୁ ପରାସ୍ତ କରିବାର ପ୍ରତିଭା ରହିଛି। ଏହି ମ୍ୟାଚରେ ଇନଶାଲ୍ଲା ପାକିସ୍ତାନ ଦଳ ନିଶ୍ଚିତ ଭାବେ ଭାରତୀୟ ଦଳକୁ ପରାସ୍ତ କରିବ।
ସୂଚନାଯୋଗ୍ୟ, ଇମ୍ରାନ ଖାନଙ୍କ ଅଧିନାୟକ ଥିବାବେଳେ ମଧ୍ୟ ପାକିସ୍ତାନୀ ଦଳ ବିଶ୍ୱକପରେ ଭାରତକୁ ପରାସ୍ତ କରିବାରେ ସକ୍ଷମ ହୋଇ ନାହିଁ। ବିଶେଷ କଥା ହେଉଛି ବିଶ୍ୱକପରେ ପାକିସ୍ତାନ ପାଇଁ ହାରିବା ଧାରା ୧୯୯୨ରେ ଆରମ୍ଭ ହୋଇଥିଲା। ଇମ୍ରାନ ସେହି ସମୟରେ ଅଧିନାୟକ ଥିଲେ। ସେବେଠାରୁ ଟିମ ଇଣ୍ଡିଆ ପାକିସ୍ତାନକୁ ୭ ଥର ବିଶ୍ୱକପ୍ରେ ପରାସ୍ତ କରିଛି। ଏହା ବ୍ୟତୀତ ଟି -୨୦ ବିଶ୍ୱକପରେ ମଧ୍ୟ ପାକିସ୍ତାନ ଏପର୍ଯ୍ୟନ୍ତ ୫ ଥର ଭାରତକୁ ପରାସ୍ତ କରିଛି।
